ZEKHARIA 2:13 - Sumi Naga CL (Re-edited) Bible (BSI)

¹³ Ampeu zülo timi kümtsü no inaqhoi shilo, kughengu Pa ye Pa kimthe kungo-a lono ithughivae.

BAIBEL (BSI)

¹³ Timi kumtsu AMPEU zulo inaqhoivelo, kughengu paye pa kimthe kungo-a lono chenike.

ZEKHARIA 2:13 Iomraidhean Croise

YEKIKITHI AKINIU 30:27

Tishino achinemi ngo Levimi no ithu no timiqo kümghatsü kelo Alhou no panongu sütsa chilu tsü, eno panongu kighini ye kungugha lo Alhou kungoa tove.

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

LESHELE 78:65

Tithiu Ampeu no zü apüzü ithughi keshi ilhethughi; timi akumtomi lakhi aji shove no ighamku akeshive.

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

ISAIAH 19:16

Tipa ghuloki lo Egyptmi ye pano sükuchoqhi keu aqokitikhi MPEU zülo totimi toi akümsa lono khokhoshi nani.

ISAIAH 41:1

Oh Azüghi mkülo küamiqo, inaqhoi shino I no pikeu inilo, timiqo pelo panongu shikumto kithelu pelo; panongu pelo ighino atsa pipelo; ningu küghakütha ghenguno kumqoni nolo.

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 57:5

Nonguw aphisübo ngo asübo jeli qholono ashiaji ghasümla no ghüghüshi chekeqo, nongu ye akhila eno atuxu lono nongu tianuli heqhipe aghakishi shi mllae.

ISAIAH 63:15

Kungugha lono pishipiqi ju tsülo, O kimthe eno jukivipu-a lono jutsü lo, O lokümsü ngo O küka khile ani kea? O mlo ighiqhiyi keu eno O kikimiye ni launo süchilevae.

JEREMIYA 25:30

“Tighenguno no ye atsa hipaqo pesü panongu lau tungkuptsa pi masae, panongu vilo pilo: “‘Ampeu no ato lono igha nani, Pa kimthe-a lono mqhu ani; Pa no Pa lojimi shou mghachhoi mqhu nani, eno atsaizü kütsüghümi no ighamku ake toi, ayeghi lo xüküami shou mqhu nani.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

ZEFANIA 1:7

Ampeu Alhou zülo iqüghai lo! Kughengu Ampeu tsala ye kupunuvae; Ampeu ye aghakishi kutovae eno kuküsümi kishekimthevae.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

ZEKHARIA 4:9

“Zerubbabel u no aki hipau aboqha qhavae; pa u no itaghi hipau kishekha nani. Tileno aqokitikhi Mpeu no nongu lau I puwu kepi nongu no ithi nani.

ZEKHARIA 6:15

“Khunoqo putou acheni keno panongu no ighi no Ampeu chineki shiqhe nike kuphu nani. Aqokitikhi Mpeu no nongu lau I puwu kepi nongu no ithi nani. Eno nongu no amlo tsüqhiyi Ampeu no Lhou tsa gholu aye, hi ye shikupu nani.”

Rommi 3:19

Ningu no ithive ake Ayezah no kiu pi ani keno ti ye Ayezah qholo akemi vilo pi ani, tishianguno atsa kipipu kühano akichi lakhave tsü, eno ayeghiqha kuchopu Alhou lau kihikülai tsükulupu shiniye ke.

Rommi 9:20

Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

ZAKINIU 18:21

Nongu mlo lono, ‘Ningu ye kishino Ampeu ye pi püamoe pi ithini kea?’ ipi kümsü aghi aye,

ZAKINIU 18:22

tungkupu lakhi no Ampeu je lono pi kelo, tino shikupu move aye, ti ye Ampeu no pikeu tsa kumoe; tungkupu huye kümsükuju lono pivae. Ikehu nongu ye pa msa kevilo.

ZAKINIU 26:15

Kungugha lo O kimthe-a lono jupiqi no Ow timi Israelmi, eno Nono ni puasüqo lau piqhike toi ni tsükeu hi akichhizü ngo akhingozü qowu akeu yeghi kümgha tsülo.’