ZEKHARIA 2:10 - Sumi Naga CL (Re-edited) Bible (BSI)

¹⁰ Alephe eno alovilo, O Zion limi, kughengu julo, I no ighi no nongu gholo xü nani, Ampeu no asheshu.

BAIBEL (BSI)

¹⁰ AMPEU no pi, “Alokivishi ale phelo, Jerusalem lo akemiqo! Niye nongu gholo xunike chenie!”

ZEKHARIA 2:10 Iomraidhean Croise

LESHELE 40:7

Ikehu I no pi, “Ni ye ighivae; liküküzü kaku lo I ghenguno ishi yepüani:

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

IPEKULU 29:45

I no Israelmi gholo anani eno panoqo Lhou shi nani.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 37:22

Ampeu no pa ghenguno pikeu tsa hike: “Zion limi alhotheqo no o cheqhi eno o jukünatha ani; Jerusalem limi no o thiu no akütsü küngüpe o junuqhi anie.

ISAIAH 42:10

Ampeu lau ale kithe phelo, ayeghi shekhauno Pa sheqhelo, nongu azüghi lo chekeqo eno tile lhoxü akeqo kümtsü, azüghimkü lo xüküami kümtsü no Pa sheqhelo!

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 52:11

Nongu Ampeuw akimthe bohu xapuche keqo, wuvelo, wuvelo, tilehi no ipevelo, mithekumo nhemgha bu kevilo, tipa-a mta lono ipeve lo eno nongu ampi shikimthevelo.

ISAIAH 54:1

“O, anga punumo keu, anuhau, ale phelo, no khuu apunu küsü süju mphi keno, alokivishi ighamku ale phelo! Kughengu anuhau totimi tianuli no külauve keu totimi tianuli nguno alau shive nani,” Ampeu no piani.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

JEREMIYA 30:19

Tipaqo lono shikimthikütsü le phe ipeghi nani, alovi akemi sütsa chilu nani. Panongu ye aghulo shimono I no kughuko tsü nani, I no pano gigihupu shitsü nani, panongu ye tülalo monani.

JEREMIYA 31:12

Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 33:11

alokivi kighilhe eno amlokiqi, külapuu eno külaliu lokivi sütsa, Ampeu kilo shikimthi kümllagho peighi kelo ale phekeu sütsa chilu nani: “‘Aqokitikhi MPEU lau shikimthi tsülo, kughengu Ampeu ye aloe, Paw iqemokeu kikimiye ye alholo acheni!’ Kughengu I no atüghü lo toi ayeghi kinigha tsüchile nani, ipi Ampeu no pi.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

ACHINE 26:12

I no nongu gholo anani eno nongu Lhou shinani, nongu no Iw timi shinani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEKHARIA 1:16

Tighenguno, Ampeu no pi, Ni ye küpükini pesü Jerusalem lo ideighivae; I ki ye tileno shiqhe pukuni, eno akimghi süta pesü Jerusalem kuchopu mighi nani, aqokitikhi Mpeu no asheshu.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

ZEKHARIA 2:5

Eno I no li bothape ami liwo lakhi shive nani, Ampeu no asheshu, I no li gholo ajuküvü shi nani.’”

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

MALAKI 3:1

“Julo, I no I tsapeu puwu ani, eno pa no I züuno alaghi kuto nani. Ampeu nongu no phuche keu ye Pa Chineki lo züleno ighi nani; eno puloshoqhi tsapeu khuu lau nongu no alokiqi acheni keno, julo, pa ye cheni, aqokitikhi Mpeu no pi.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

ZAKINIU 28:64

“Ampeu no ayeghi halau no halau kutolo ashiaye jeli gholo nongu apanagha haleve nani, eno tilau nongu ye asüatu lhou, khikhi nongu na no puasüqo namu mtha keno, tipaqo mllauve nani.

FILIPIAMI 4:4

Alhokuthu Ampeu lono alovilo, I no itaghi pini: alovilo!

Piyeküsü 2:1

“Ephesus kukuhou lo kungumi lau yelo: ‘Khuu no Pa u ajeu ayepu tsüni pesü ameshoyi kulukibepu tsüni gholo checheni keno, Pa tsape.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.