ZEKHARIA 14:7 - Sumi Naga CL (Re-edited) Bible (BSI)

⁷ Ti ye Ampeu likhino ithi akeu akimchi tsala shinani, putho mu pucho mu kumokeu tsala, ikemu avelau no aküvü ighive nani.

BAIBEL (BSI)

⁷ momu zumoikeu shimove nani. Putholomu pulhapujulo puchou kuvu toi auve nani. Kughono hipau shini cheni keno AMPEU likhino ithi ani.

ZEKHARIA 14:7 Iomraidhean Croise

LESHELE 37:18

Tukutiye küha kemi tsala Ampeu no ithi ani, eno pano mheghi ye alhokupuju ache nani;

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 24:23

Tishino aqhi no agi zümoive, khetsünhe no agi nhave nani, kughengu aqokitikhi MPEU no Zion Toghi eno Jerusalem lono ayepe no Paw timi sakiphemiqo zülo Pa juküvü pephe nani.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

ISAIAH 58:10

tsala nongu no müzüthi kemi achuqupu tsü aye eno ichheime akemi mlo vepiqitsü aye, nongu küvü ye aküzü shou yepüvüve nani, eno nongu küzü ye puchomghü toive nani.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

JEREMIYA 30:7

Oishe! Tipa tsala ye ighono kije, titoi keu tsala küha nani; ti ye Jacob ghenguno aveküsa do; ikemu tipau lono pa xaluve nani.

DANIEL 12:4

Ikemu no, Daniel ye ashekha ghuloki ighi moke kutolo atsa hu kütsüpe qhivelo eno kaku mekhape qhivelo. Kutomo no huju woju nani, eno akighithi ikoishe wove nani.”

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

AMUS 8:9

“Tipa tsalani,” Ampeu Alhou no asheshu pi, “I no khetsünhe pelo puchou no ilovepe nani eno puchomghü lono ayeghi pesü aküzü shivetsü nani.

MATTHEW 24:36

“Ikemu tipa tsala eno atüqhüdo ye khunomu mthae, kungumiu ghi mthae, Anu thotsü mthae, ikemu Apu likhino ithi ani.

Mark 13:32

“Ikemu tipa tsala momu atüqhüdo vehu ye Apu likhi no kumo aye Anu shi aghina, kungugha lo kungumi namu khunomu mthae.

Apostolmi 1:7

Pa no pi, “Apu no Pa küka lono kughuve keu do aghuloki ye nongu no ithi masa keu kumoe.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

1 Thes. 5:2

Kughengu Ampeu tsala ye putho lo küpkami lakhi toi ighini keu nongu ampi no tsaqüi ithi ani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Piyeküsü 14:6

Tileno kungumi kütau lakhi no ayeghi lo küami, shiye eno ashiaye jeli, timi mqo eno atsa jeli kümtsü lau lhokta tsakiviu sheshuni ke atsütsü mta lo yecheghi keu I no ithulu.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

Piyeküsü 21:25

tipau khagho ye puchopuju khaqhi püache nani, eno tile ye khilemu putho shivemo nani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.