ZEKHARIA 14:21 - Sumi Naga CL (Re-edited) Bible (BSI)

²¹ Jerusalem eno Judah lo ali kümtsü aqokitikhi Mpeu lau akimthe shi nani, tishianguno aghashi mlla kemi kümtsü no ighi no tipaqo lono ghiqhi mlla keu shi be-lho nani. Tipa ghuloki lo Aqokitikhi Mpeu kilo kilhikishimi kühave nani.

BAIBEL (BSI)

²¹ Jerusalem lo eno Juda lo be-lho chekeu liqo kumtsu Aqokitikhi MPEU mlla keulo peitha nike ghenguno pakutashi qhive nani. Timi khunoqono aghashi mlla nikeno tipaqono aghashikeu shi lho nike ghenguno tipaqo peitha nani. Kughou tipa tsala ighini keno Aqokitikhi MPEU chinekilo lhidi shichekemi lakhimu qhimove nani.

ZEKHARIA 14:21 Iomraidhean Croise

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 4:3

Khunoqo Jerusalem lo qhive keno, tile küxümi gholo aje aghi kemi pesü akimthemi ipi kunani,

ISAIAH 52:1

Ithulo, Ithulo, O Zion, o küka kumto pepulo; O Jerusalem, akimthe phughi, jukighilepu phimini pepulo; kughengu mithekumomi ngo aphighüyiko ghamo kemi ye khilemu o hukikha lo iloghilu moae.

EZEKEL 44:9

“Ikehu Ampeu Alhou no ishi piani: Inaghami Israelmi gholo akemi, amlo eno ashi lo aphighüyiko ghamo kemi khumu I kimtheki lo ilomo nani.

EZEKEL 45:1

“Kughou nongu no amheghi shi ayeghi kothani keno, nongu ye Ampeu ghenguno ayeghi saje hami akimthe tokukujo shi ikhithape qhilo, ti ye akushulau kilometer 12 eno akijelau kilometer 10 shilo. Tipau do akupuju akimthe shini.

HOSIYA 12:7

Alhikishimi khuu u lo pishikiqhi ahu pe ani keno, pa ye qhasüni keu no pa pulou.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

ZEFANIA 1:11

Mloqa lo, O alhikishi-a lo küxümi! Kughengu lhidimi qhoi kühavae; ghükayi huju chekemi kümtsü kütsavae.

ZEKHARIA 14:20

Tipa tsalani, “Ampeu lau Akimthe” ipi khurshi mqübo lo yepuku nani. Eno Ampeu kilo aliqo ghi akiptia lo akhuqo toi akimthe shinani.

ZEKHARIA 7:6

Eno kughou nongu no chusho keno ti ye nongu ampi ghenguno chusho ake kumo keshea?

1 Kor. 10:31

Tighenguno, nongu no chuna shona kiukiu shinamu kümtsü Alhou juküvüpu ghenguno shilo.

ZAKINIU 12:12

No tianuli ngo aqemi kiptimi totimi, eno aphughi lo Levimi kümtsü sasü Ampeu zülo alokivi shilo, Levimi ye pano mheghi kühae pi ithilo.

ZAKINIU 12:7

Tilau no nongu no Ampeu nongu Lhou no nongu kümgha tsükeu je lono nongu eno no kibolomi sasü Ampeu nongu Lhou zülono aghulhu shini.

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

1 Peter 4:17

Kughengu Alhou kibolomi launo huthusü küghakütha shikepu ghuloki shivae; eno ningu launo huthulu aye, Alhou tsakiviu pülü chemo kemi ghengu ye kiu visavili ipeghi nani kea?

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 22:15

Kughengu khalau ye atsüqo, küdüu kishimi, ashupu asalhami, ghikiqhimi, ajulho kümllami, eno pishikiqhi kimiye no tipau lono xüche kemi no acheni.