ZEKHARIA 14:17 - Sumi Naga CL (Re-edited) Bible (BSI)

¹⁷ Ayeghi lo khuno shiaye no Jerusalem lo Akükau, aqokitikhi Mpeu mllani ke ighi moni keno, pano lau tsütsüghu ighi move nani.

BAIBEL (BSI)

¹⁷ Ashiayeh khipauno Aqokitikhi MPEU ye akukau kepi mlla nikeulo wumopini keno pano ghakhulo tsutsughu ghuqhimove nani.

ZEKHARIA 14:17 Iomraidhean Croise

BOTHUBO 10:32

Hipaqo no Noah nuli lagha, pano laghaphi kiqi lono shiye ikowo keu, eno züqozü thiu hipaqo launo ayeghi lo shiyeqo ikowoke.

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

BOTHUBO 28:14

O tikughuko no ayeghi lo ayeghimkhu jehi nani, eno no ye aghacheu kulolau ngo kipelau, eno ahuu ngo apeu qhawo nani, no eno o tikughuko vecheo ayeghi lo akibolomi kümtsü müghalu nani.

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

KUKAMI ATUGHIU 8:35

“Ow timiqo no O zülo axine shive kehu atsütsü lakhave tsüno tsüghu move aye, eno panongu no axine lono ideighi no a-a hipau küdau juno inikhu no O je kulu aye,

YEKIKITHI AKINIU 6:26

“Kughou panongu no O zülo axine shive kehu atsütsü lono tsütsüghu lakhave, eno Nono panongu ghime kehu panongu no pano xine lono ideighini keno, panongu no a-a hipau lono akighini shi aye, eno O je kulu aye,

YEKIKITHI AKINIU 7:13

I no kungugha khave no ghuqhi tsü move kelo, tülhaquqo pelo aghakhu külhüvepe kelo, timiqo lau asa-agha puwu kelo,

ISAIAH 18:7

Tipa ghuloki lo timi hipaqo no aqokitikhi MPEU lau sükusho süqha süghi nani puyelei eno qhemghai kemi, aphivilo eno putou küami no msa chekeu, akumto eno qhaküsü shiye, aghokiqo no pano yeghi kotha ani, panongu no Zion toghi, khile aqokitikhi MPEU je acheni keno, tilehi süghi nani.

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

ISAIAH 60:12

Kughengu shiye momu kükaqha khipaqo no nongu qemoni keno, tipaqo ye qhoi püghave nani.

JEREMIYA 10:25

O mtha keu shiyeqo shou, O je kumo kemi shou, O loghu lepuku lo, kughengu panongu no Jacob munovae, qhoi pa munovae, eno pa kungo-a ye kümsa shivae.

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 14:3

Liw ghenimi no aqemi hape azü phuwu; panongu no azü tughuko lo ighi; ikemu azü phumlae; pano zübohu kümsa pechile ighi; panongu ye akukujo no akümza qhiyive eno pano kütsü nhaluve.

JEREMIYA 14:4

Ayeghi shou ghuqhi tsümove kehu tino ikoghegheive, alukichimi no kujove eno pano kütsü nhaluve.

AMUS 3:2

“Ayeghi lo ashiaye kümtsü dolo Ni ye nongu likhi ithie; tighenguno no xine ghenguno I no nongu ghime nani.

ZEKHARIA 14:16

Tishino Jerusalem mjochile ighikeu shiye lo ghülu kemi no ampe atsütsü Akükau, aqokitikhi Mpeu mllani ke eno Apusho lo Ghulhu ikhiluni ke ighi nani.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ZAKINIU 11:17

tikumo aye, Ampeu no nongu shou amloideve no tsütsüghu süchile luve no ayeghi no axathi pithi move nani, eno nongu ye Ampeu no nongu tsüniye akeu aghüma kivi yeghi lono pai püghave nani.

James 5:17

Elijah ye ningu lhoaye toi kemi, ikemu pa no tsüghu pemo nike amlo tsüqhiyi inikhu kelo ampe küthü no aqhi tsügho ayeghi lo ghuqhi move.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.