ZEKHARIA 14:12 - Sumi Naga CL (Re-edited) Bible (BSI)

¹² Khuno shiaye no Jerusalem sasü aghü shini keno tipaqo lau püsa hipau ighi nani: panongu no puthugho apülaghi pano phiashi ye tsüle nani, pano nhethi no anhebo lono tsüle eno pano mili no akichi lono tsüle nani.

BAIBEL (BSI)

¹² Jerusalem sasu aghushikemi shiayeh qo shou AMPEU no akusu lhoksa lakhi sughi nani. Panonguno xuaphi lono pano phiashiye tsuwuve nani; panongu nhethi eno panongu miliye tsuwuve nani.

ZEKHARIA 14:12 Iomraidhean Croise

YEKIKITHI AKINIU 21:15

no ampi ghi kighinoli lo aküsü kije ikughive nani, eno kighinoli no ile ipeghive moke kutolo tsalakipe alhoksa shikithe nani.”

JOB 18:13

Tino pa yiko chuve cheni, akithi nu anoghiu no pa pukhu chuve cheni.

LESHELE 90:11

Khuu no O mlo kighide küka ithi ani kea? Kughengu O loghu ye O sümsa masa kepu qhemi ke.

ACHINE 26:16

I no hitoi nongu lau shi nani: shithüghüi keu, anhethi kighicheve tsüno amlo küsapu shipivimla keu küsü nongu lau süghi nani. Nongu no adou lono apiti xusü nani, kughengu tipau pekighi ye no ghümi no chuve nani.

ACHINE 26:18

Ishi keghi nongu no I gholumo aye, I no nongu xine ghenguno ghuthu tsüni küghüsü no ghime nani.

ACHINE 26:21

“Nongu no I mjochile auve eno I gholu move aye, I no ghuthu tsüni no küghüsü no nongu ghime nani.

ACHINE 26:24

Ni ghi nongu mjochile nani, eno Ni ampi no ghuthu tsüni küghüsü no nongu ghime nani.

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

ZEKHARIA 1:15

Eno Ni ye ililai akeqo shiye jupe shishe amloide ani; Ni ye kitila likhi amloide akemu panongu no ihulo ghimeve ake.

ZEKHARIA 12:9

Tipa tsalani Jerusalem mjochile ighi keu shiye kümtsü I no kütsaveni ke phu nani.”

ZEKHARIA 14:15

Püsa lakhi no khurshi, khurgha, sayeshi, khurha, eno kiukiu lhoxü mu hupaqo ghazü lo akeqo kümtsü shou ikughive nani.

ZEKHARIA 14:18

Tsala Egypt shiaye no Jerusalem lo ighi no panongu ju piye move aye, pano shou tsütsüghu ighi move nani; eno Ampeu no püsa khipau pesü Apusho lo Ghulhu ikhilumo keu shiyeqo ghime cheni keno tipau pesü ghimeqhi nani.

ZEKHARIA 14:3

Tithiu Ampeu no aghüshi tsala lo küpüghü cheke toi wuno shiye hupaqo küpüghü nani.

ZEKHARIA 2:4

eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

Apostolmi 12:23

Paikhavi Ampeuw kungumi no pa hekuluve, kughengu pa no ajekipi Alhou tsümo ke, eno pa ye apithe no tsaqhi no atuthu kishekhave.

ZAKINIU 28:21

Nongu no ilo ngoniye akeu yeghi lono nongu püghave moke kutolo Ampeu no püsa nongu gholo puwutsü nani.

ZAKINIU 28:22

Ampeu no kitixeküsü jeli, aghakimki, atsala külü, züha, akushu mülhü pesü tüxatini ghaqhive tsükeu vecheo nongu ghime nani. Nongu pithive moke kutolo hipaqo no nongu haqhi nani.

ZAKINIU 28:59

Ampeu no nongu shou eno no tianuli shou paküta keu püsa, shipivimla keu eno akümsapu küsü pukutsü nani.

Piyeküsü 17:16

Eno nono akibo chighi ithulu keu ngo tüghashi ishi küqhano kütüqhaliu jumithi nani. Panoqo no li küakini qhoi hakholuve no aphikümsa küghüküghalei qhive nani, eno li shi chuve no ami pesü pitive nani,