ZEKHARIA 13:9 - Sumi Naga CL (Re-edited) Bible (BSI)

⁹ I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

BAIBEL (BSI)

⁹ Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 13:9 Iomraidhean Croise

SAMUEL AKINIU 7:24

Nono Ow timi Israelmi pesü alholo Ow timi shiniye shosüvae, eno Nono panongu Lhou shivae, O Ampeu.

JOB 23:10

Ikemu Pa ye I no pülache keu la ithi ani kehu kughou Pa no I pejuveni keno ni ye ameshoyi toive nani.

JOB 28:1

“Mtsüqheino ghükayi khuki eno ameshoyi ghukimthe chekeu-a ani.

LESHELE 144:15

Khuno shou kükümgha hipaqo ikughini keno alokivipue! Khuno Lhou no Ampeu keno pano lokivipue!

LESHELE 43:4

Tileno Alhou kümlla khache lo, shishe I lovilu chekeu Lhou lau wuno akighilebo pesü O sheqheni, O Alhou, I Lhou.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

ALE KIMCHI 2:16

I qhuu ye Iw, eno I no paw ke; pa no atsü-aqu sawo lapu xamunuli lo achu kümza cheni.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

ISAIAH 48:10

Julo, I no nongu thakütsüghüvae ikemu ghükayi toimoe; I no aghime kitikhi miphoki lono nongu pejuvae.

ISAIAH 58:9

Tileno nongu no ighamku nani eno Ampeu no khochiletsü nani, nongu no ku nani eno Ampeu no pinani, “Ni hile ani.” Tsala nongu no kuokhasü nongu dolono ikhi süwuve aye, eno kütami nguku keu ngo kixikila tsa pikeu ikhive aye,

JEREMIYA 24:5

“Ampeu, Israel Lhou no ishi piani: Mubuthi kivi hipaqo toi, I no khunoqo Judah lono Chaldeami yeghi lo akughu shi puwuve akeno tipaqo ye akivi kepi kihi nani.

JEREMIYA 30:22

“Nongu no Iw timi shinani eno I no nongu Lhou shinani.”

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 32:38

Panongu no Iw timi shive nani, eno I no panongu Lhou shinani.

JEREMIYA 9:6

Qhasü keu no veqabe, eno pishikiqhi no veqabe, panongu no Ni ithini ke lachile ipi Ampeu no asheshu.

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

EZEKEL 14:11

tishikeu lono Israel kibolomi ye I launo ala vepimive monani momu pano xine vecheo pano shikitiqe monani, ikemu tishikeu vecheo panongu ye Iw timi shilu nani eno I no panoqo Lhou shive nani ipi Ampeu Alhou no asheshue.”

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

EZEKEL 36:28

Nongu ye I no nongu puasüqo tsükeu yeghi lo küghünalu nani, eno nongu no Iw timi shi, eno I no nongu Lhou shinani.

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

DANIEL 11:35

eno alokütsümi khami ye veqhive nani, tishikeu lono panongu ye ashekha ghuloki tomphi lono thakimthe, shikimthe eno metsüghoi luve peniye ke, kughengu kihikütha do ye khe aphike.

DANIEL 12:10

Kutomo no pano ampi shikimtheve no metsüghoi luve eno thakimthe luve nani, ikemu kixikilami ye kixikila shi anani. Eno kixikilami khunomu vethalumo nani, ikemu khunono alokütsümi keno panongu no vethalu nani.

JOYIL 2:32

Eno ado hu ighi kelo khukhumu Ampeu je kulu keu ye xaluve nani. Kughengu Ampeu no pike toi khami ye Zion Toghi lo eno Jerusalem lo pove nani, eno tipaqo gholo Ampeu no kuluve keqo anani.

ACHINE 26:12

I no nongu gholo anani eno nongu Lhou shinani, nongu no Iw timi shinani.

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

ZEKHARIA 8:8

eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

Apostolmi 2:21

Khukhumu Ampeu je kulu keu ye xaluve nani.’

IBRIMI 8:10

Ampeu no sheshu, hipa thiu I no Israel kibolomi sasü puloshoqhi shinikeu ye hike: I no I Yezah pesü pano kükümsü lo sütsü nani, eno pano mlo lo yepukutsü nani, I no panongu Lhou shi nani, eno panongu no Iw timi shi nani.

James 1:12

Pujupeju kelo puqhelu kemi kümghapue, kughengu pekuju lo puthugholu kemi ye Alhou no Pa kimiye chekeqo tsünie pi püakeu aküxüpu kütsükuqho ithulu nani.

1 Peter 4:12

Kimiye chekeqo, nongu pejuni ke ami kütüghalu keshi nongu shou aghime küsa ikughi kelo, ti ye kiuala paküta keu nongu lau ighi aketoi akichiqhi kevilo.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

Piyeküsü 8:10

Kungumi aküthüu no pa fuko küigha kelo atsütsü lono ayepu kije lakhi akuluqhe toi phuphushi ikiqighi no aghoki eno azüpuki kikije küthü lo lakhi shou ikuve.

Piyeküsü 8:11

Ayepu tipau je ye Kukhukimji. Azü kikije küthü lo lakhi ye khumtsaive, eno azü khumtsai kughulhove tsükeu lono timi kutomo thive.

Piyeküsü 8:12

Kungumi abidiu no pa fuko küigha kelo khetsünhe kikije küthü lo lakhi ye kütsave, titoi aqhi eno ayepuqo ghi küthü lo lakhikhi ye kütsaleve, tishikeu lono tipaqo küvü ghi kikije küthü lo lakhi ye zümoive, ikehu puchou pimu küthü lo lakhi ye khetsünhe küvü kühave, eno putho lomu lakhi ye aqhi ayepu küvü kühave.

Piyeküsü 8:7

Kungumi atüghüu no pa fuko küigha kelo aji no apüghü ngo ami gholo xukütshü püzü ayeghi lo veqhi. Ikelo ayeghi eno asübo kikije küthü lo lakhikhi ye pitileve, tipau gholo atsüni küxü ghi qhoi pitive.

Piyeküsü 8:8

Kungumi akiniu no pa fuko küigha kelo naghuto kuloghi toi kiukela lakhi ami iqü ghi azüghi lo vesü, ikelo azüghi kikije küthü lo lakhi ye aji ilhouve.

Piyeküsü 8:9

Azü lo lhoxü kikije küthü lo lakhi ye thikhave eno zükiluqo ghi küthü lo lakhi ye shipüsa khave.