ZEKHARIA 11:6 - Sumi Naga CL (Re-edited) Bible (BSI)

⁶ Kughengu hipa ghakhu lo küxümiqo lau Ni ye küpükeu kühavae, ipi Ampeu no asheshu. Julo, I no timi lakhikhi pelo pa kisüghüu u lo, eno pa kükau u lo ikiqi ilovepe nani, panongu no ayeghi kütsale nani, eno Ni ye panongu u lono khumu xaphemo nani.”

BAIBEL (BSI)

⁶ (AMPEU no pi, “Niye ayeghilo milakhi shoumu imlo ighiqhiyi keu shimoe. Ni ampino timi kumtsu pesu pano shou ayehkipemi ulo suvetsuni. Ayehkipemi tipaqono ayeghi shipsa khave nani eno niye panoqo kuka lono ayeghi xalumo nanike.”)

ZEKHARIA 11:6 Iomraidhean Croise

LESHELE 50:22

“Tishiaye no Alhou kümsümave keu, hi amichi shilo, tikumo aye xaluni kemi kühano I no o sütha pinyive nani;

ISAIAH 27:11

Alokaqo no thive no icheve kelo totimiqo no ti ghepe ami shiani. Timi hipaqo ye kimchikulupu küha kehu panongu lhokeu ye panoqo kimiyeqhiyi monani; Pa ye panoqo saphuni chemoe.

ISAIAH 3:5

Aküsami, akitomi, lakhino lakhi dolo nedaqoda kile nani, lhothemi no layemi phi-gihumo, eno kiumu kumo kemi no gihuküzümi thaigha nani.

JEREMIYA 13:14

I no apu-anu dolo lakhino lakhi ghadaqhi kilepe nani, ipi Ampeu no sheshu. Ni ye panongu kütsamo no amlo ighiqhiyi püxüve momu kimiyeqhiyi keu shimo nani.’”

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

AKUMLO 5:8

Aqüaxemi no ni shou ayepe ani; pano u lono ni xapheni kemi khumu kühae.

EZEKEL 8:18

Tighenguno Ni ye aloghu pepheniae. I nhethi ye panoqo juzüvemo nani, momu Ni ye amlosa qhiyi monani. Eno panongu no asütsa kuloghi lono I kini lo ighasü anamu, I no panoqo ghügha chilu tsümo nani.”

EZEKEL 9:10

Ikemu I ghengu ye, I nhethi no juzüve monani, momu Ni ye amlosa qhiyi monani; I no panoqo kümla pesü panoqo kütsü shou betsü nani.”

HOSIYA 1:6

Li no itaghi mishive no anga lakhi punu. Eno Ampeu no pa vilo pi, “Li je ye Lo-ruhama kutsülo, kughengu Ni ye Israel shiaye küpümo momu akipimi qhitsümo nani.

HOSIYA 2:10

Itehi ye li lojipumi zülono I no liw kujomo ghili pi nani, eno khunomu I u lono li xaphelu mo nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

MICAH 6:14

Nongu no chunani kemu aghaqimo nani eno nongu lolo amzü anani; nongu no kike nani kemu kütsüpe qhimla nani, ikemu kiu kütsü püaghini keno I no azütakikihi tsüve nani.

HAGAYI 2:22

eno kükalakhüqo ikhiveni cheni. Ni ye shiyeqo kükaqha kumto kütsa niye ani, eno khurkulu ngo tile chekemi tukulu niye ani. Khurshi eno khurshimi kümtsü pano thiküzümi zütakikihi lono ikiqive nani.

ZEKHARIA 11:14

Tishino I no Judah ngo Israel dolo athiküzü azükighi shi achekeu hexave ghi I küsü akiniu Küqhakulu süchheve.

ZEKHARIA 11:5

Panongu qhüluve keqo no pano ghiqhive kemu aghime tsümono wuvepe, eno khunono panongu jeve keno tipaqo no pi, ‘Ampeu sheqhelo, ni ye kinimi shivae,’ pano mbekhemi no pano küpümoe.

ZEKHARIA 11:9

Tighenguno I no pi, “Ni ye nongu kheu shimoae. Kiu no thiveni ye ani keno, thive peni. Kiu no kütsaveni ye ani keno, kütsave peni. Eno khunoqo achili shini keno lakhino lakhi phiashi chuve peni.”

ZEKHARIA 14:13

Tipa tsalani Ampeu launo phiküghüzü keu kije panoqo shou ikughi nani, tishikeu lono lakhino lakhi u tsüqü luve nani, eno lakhino lakhi mjochile thuve nani.

ZEKHARIA 8:10

Kughengu tipa züu ye timi momu lhoxü piqelu kepu shimoe, momu hu-wo chekemi ghenguno aghümi launo sükusho kühae, kughengu I no timi lakhikhi pesü pa kisüghüu ghümi shivepe ke.

MALAKI 4:6

Eno pa no apunoqo mlo tsüghü sawo anuliqo tsü nani eno anuliqo mlo pesü apunoqo tsü nani, tikumo aye I no kütsakungo keu xaküthaza pesü ighi no ayeghi lo hepuku nani.”

MATTHEW 10:21

Athiküzü achelimi dolo lakhino lakhi pithive penike tsüve nani, apu ngo atianuli dolo, eno atianuli ngo apuaza dolo ighü mono pithive penike ikhiphe tsü nani,

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

MATTHEW 24:10

Kutomo no aküpülü pheve nani, lakhino lakhi thechu nani, eno lakhino lakhi jumithi nani.

John 19:15

Panongu no ighamku, “Pa sawuve lo, pa sawuve lo, pa yedave lo!” Pilate no panongu vilo pi, “I no nongu Kükau yedaveni keshea?” Achinetomi no pi, “Ningu ye Caesar kumo aye akükau kühae.”

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

James 2:13

Kughengu khunono akipimi qhitsü moni keno küghakütha lo pano kipimi qhitsümo nani. Akipimi qhikütsü no küghakütha shou tokulu cheni.