ZEKHARIA 11:5 - Sumi Naga CL (Re-edited) Bible (BSI)

⁵ Panongu qhüluve keqo no pano ghiqhive kemu aghime tsümono wuvepe, eno khunono panongu jeve keno tipaqo no pi, ‘Ampeu sheqhelo, ni ye kinimi shivae,’ pano mbekhemi no pano küpümoe.

BAIBEL (BSI)

⁵ Panoqo pighiuno panongu ghiqhi cheni eno ghikiqhimi shou aghime tsumono wuvepe cheni. Panonguno ashi jepuzu ishi picheni; ‘AMPEU shelo! Ninguye kinimi shiluvae!’ Bheriqo kheu ghi bheriqo kimiye qhiyi keu kuhake.”

ZEKHARIA 11:5 Iomraidhean Croise

KUKAMI AKINIU 4:1

Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

NEHEMIA 5:8

eno pi, “Tolukivi thaqhü ningu ye ni thiküzümi khunoqo shiye kütami lau jesüve keno sachile ighi ani, ikemu nongu ye no thiküzümi ghi jesüve ani, tishianguno ningu lau jesüve peniye ke!” Panongu ye inaqhoive eno kiumu pimlave.

JEREMIYA 2:3

Israel ye Ampeu lau akimthe shiche, Paw ghilelo xathi amsüu. Ti chukemi kümtsü küqüve; pano shou ahaküsapu ikughive, ipi Ampeu no sheshu.”

JEREMIYA 50:7

Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’

EZEKEL 34:10

Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

EZEKEL 34:21

Kughengu panoqo no inaghau apanagha wuve moke kutolo nongu no nongu kibo pesü miqemlei kemi kümtsü shoqhi eno tuha no qodaqhi kehu,

EZEKEL 34:6

I mbeqo ye apanagha khavae; panongu ye naghuto eno atoghi kümtsü lo itsüsü wuvae. I mbeqo ye ayeghi kümtsü lo apanagha khavae, panoqo phuwu momu juwuni kemi khumu kühavae.

HOSIYA 12:8

Ephraim no pivae, “Ah, ni ye kinimi; I sala küakini phuluvae; I kümla lo panongu ye I kipimi momu I xine ithumlae.”

HOSIYA 12:9

Ni ye Egypt yeghi lonomu Ampeu o Lhou ke; tiqhetini tsalaqo lo toi I no itaghi o pelo aphiki lo ngope nani.

AMUS 2:6

Ampeu no ishi piani, “Israel xine küthü ghenguno eno bidi ghenguno, Ni ye aghime süchilemo nani; kughengu pano no ghükayi ghenguno amikuchomi jechuve, eno apukhuqho ghenguno kumlhomi jechuve.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

John 10:1

“Kuchou no I no nongu vilo piani, khuu no ahukikha lono ambeki lo ilo mono ala kütauno zümili iloni keno, pa ye küpkami eno süxakulumi.

John 16:2

Panongu no sinagog lono nongu haphe nani. Mtsüqheino khunono nongu pithiluni keno, pa ye Alhou huthulu ani kepi kümsüni keu tüqhüdo hu cheni.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

Piyeküsü 18:13

yeghüthi, tsüngqüikeu mukhu, müsüghüta, axokütsüngü zü, aji, thazü, ashomkhu, ashothi, atsüaqu ngo ambe, khurshi ngo khurkulu, eno aqüaxemi, ti ye küxümi pesü kimje keu piani. Lhidimi no highi pi,

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.