ZEKHARIA 11:12 - Sumi Naga CL (Re-edited) Bible (BSI)

¹² Tileno I no panoqo vilo pi, “Hi no nongu ghenguno alokeu shi aghi aye, I jume I tsülo; ikemu tishimo aye, tipaqo qhiluve lo.” Eno panongu no I jume ghükayi shighi ahu shiphetsü.

BAIBEL (BSI)

¹² Ino panoqo vilo, “Nonguno pulo aghiaye ijume itsulo, ikemu tishimoaye tipau qhiluvelo.” Ikehu panonguno tsandiyi atachu shighi mighi pesu ijume itsuke.

ZEKHARIA 11:12 Iomraidhean Croise

BOTHUBO 23:16

Abraham no Ephron tsa inive, eno Ephron no Hittimi zülono ame piqhive keu kiqi lono Abraham no ghükayi ahu bidi, ti ye lhidimi kimghipu kiqi lono mighipe tsüve.

BOTHUBO 37:28

Tithiu Midianmi lhidimi no katha ighi. Panongu no aqokutho lono Joseph sünhephe eno ghükayi shekel muku no Ishmaelmi vilo jepuwuve. Panongu no Joseph sasü Egypt lo wuve.

KUKAMI ATUGHIU 21:2

Ahab no Naboth vilo pi, “O tsailu I tsüvelo; hi ye I ki phivilo kehu I no tüxatini ghutu shini. Eno tipa theli lo I no atsailu kütau akiviu lakhi o tsüni, momu, nono pulo aye, I no tipau me qhemi o tsüni.”

KUKAMI ATUGHIU 5:6

Tighenguno Lebanon lo Cedar I ghenguno yeqhi tsülopi azah tsülo. I qemi no o qemi gholo küqhano mla peni eno nono betha tsükeu kiqi lono I no ajume panongu tsüni, kughengu nono ithi anike ningu ye Sidonmi toi asüpa küxüthi kemi kühae.”

YEKIKITHI AKINIU 30:4

Ikehu akukughu hipau ye akükau ngo ahohomi kümtsü no achipi shi kümsü luve.

IPEKULU 21:32

Tsala amshitsü no aqüaxeu, kiptimi na totimi namu, shoqhi pithive aye, amshitsü mpeu no ghükayi shekel shighi pesü aqüaxeu mpeu tsüni eno amshitsü ye atu pesü veqhiveni.

JEREMIYA 32:9

“Anathoth lo I tikishiu Hanamel lu I no qhüluve, eno ghükayi gram 200 hupe tsüve.

ACHINE 27:4

Totimi no ghükayi gram 300.

MALAKI 3:5

“Tishino I no nongu lau küghakütha ghenguno kupunu ighi nani. Küdüumi, shupu chekemi, khunono akimki shoqhi shi cheni, khunono aqe kiqemi jume lo pishiqhi cheni, chimemi, mighimi eno inaghami qoqhi cheni, eno I sümsa chemo keno, I no panoqo shou küghatha nike ke-i thopi shi ighi nani, aqokitikhi Mpeu no pi.

MATTHEW 26:15

eno pi, “I no nongu pelo Jisü küghalu penike ikhiphe tsü aye nongu ye kiu I tsüni kea?” Panongu no ghükayi shighi pesü pa tsüve.

MATTHEW 27:10

eno Ampeu no I kichetsü ketoi, panongu no tipau pesü ali kümlau lu qhüve.”

MATTHEW 27:9

Tishikeu lono tungkupu Jeremiah no kiu pipüa keno kimshi luve: “Panongu no ghükayi shighi ikhiluve, ti ye Israelmi khami no pa pesü jekimjeve keu me ke,

John 13:2

Kijiliu ghulhu shi akelo, tüghami no Simon nu Judas Iscariot mlo lo pa thechuni keu süvetsü.