ZEKHARIA 10:8 - Sumi Naga CL (Re-edited) Bible (BSI)

⁸ “I no miji panongu kuno hekütsü nani, kughengu I no panongu qhüchile luvae, eno panongu ye püzüu qhemi kutomo shive nani.

BAIBEL (BSI)

⁸ “Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

ZEKHARIA 10:8 Iomraidhean Croise

KUKAMI ATUGHIU 4:20

Judah ngo Israel lo timiqo ye azüghi mkülo asaye toi ikowove. Panongu no chusho luno ighono alokivi shilu.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 48:20

Babylon lono ipevelo, Chaldea lono povelo, alokivi lono hipau sheshulo; ayeghi shekha kutolo ishi pilo, “Ampeu no Pa qeu Jacob xaluvae!”

ISAIAH 5:26

Pa no aghacheu shiyeqo lau amchipu pesü kihi kunani, eno ayeghi shekhau no miji panoqo ku kelo julo, panoqo no paikhavi no ighive nani!

ISAIAH 51:11

Ampeu no xachilelu kemi ye ideighive nani eno Zion lo ale phesü ighi nani; Panongu ye pülhapuju alokivi shiche nani; panongu ye alokiqi eno alokivi ithuluve nani, eno amloküsa ngo amlo ghime ye pano launo wuve nani.

ISAIAH 7:18

Tipani Ampeu no Egypt ghokiqo shekhau amthu toi ghüshimi akeqo eno Assyria yeghi lo akhi toi ghüshimi akeqo kütüghü ghi miji ku nani.

ISAIAH 7:19

Panongu no tasüwo atuxu, anhepho lo atuki, asahuli, eno achu kümza-a kümtsü lo ngoluve nani.

JEREMIYA 33:22

Atsütsü lo ayepuqo kihi khamla eno azüghi lo asaye mighi khamla ketoi, I no I qeu David ti kughuko küghüsü tsü nani, eno Levi chinemi I huthu chekemi ghi tishi tsünani.”

HOSIYA 1:10

Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

ZEKHARIA 9:11

Iw puloshoqhi ji nongu sasü shikeu ghenguno I no azü kühakeu qokutho lono now akughumi khaqhi pheni.

MATTHEW 11:28

Khunono akho kimshi xapu akulho shive akeno kümtsü I lau ighilo, eno I no akulhokiqhi nongu tsüni.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 7:9

Hipa thiu I no jupuwo kelo khunomu kihikhamla kepushi aqokitikhi kije, shiye lakhikhi, ashiaye jeli, timi eno atsa jeli, kümtsü no aphi kimiye pepusü au lo amsabo loka pe püzü kükalakhü eno Ambeti zülo puthugho aghi,