ZEKHARIA 10:7 - Sumi Naga CL (Re-edited) Bible (BSI)

⁷ Tishino Ephraim ye aghütomi toive nani, atsaiji shove keshi panongu mlo ye alokiqi shi nani. Pano tianuliqo no ti ithulupe alovi nani; pano mlo no Ampeu lau alovi nani.

BAIBEL (BSI)

⁷ Israil lo achekemiye ghushimi toi choshiyi nani, aji sho akemi toi alokivi shi nani. Pano tikughukoqono tokulu hipau kumsuchilelu nani, AMPEU no mla tsukeulo aghakiqishi anani.”

ZEKHARIA 10:7 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

BOTHUBO 43:34

Achuqupu saje hami Joseph ghulhu-a lono pewo panongu tsü, ikemu Benjamin saje ye kütami nguno ghuthu pungu no alaushi tsüe. Panongu no chusho eno pa gholo aloino luve.

LESHELE 102:28

O qemi tianuli ye sükusho kivi shi xülu nani; pano tikughuko ye O zülo süshokulu anani.

LESHELE 104:15

eno atsaizü no timiqo mlo lopivi tsü, thazü no timiqo gi vüqai lupe eno timi mlo shikumto tsüniye asho tsüke.

LESHELE 13:5

Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

LESHELE 28:7

Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

LESHELE 33:21

Kughengu ningu mlo ye Pa lau no alovi acheni, kughengu ningu no Pa kimthe je shou pükhü cheni.

LESHELE 90:16

O qemi lau O kümla piye tsülo, eno pano tianuli lau O juküvü küka piye tsülo.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

ISAIAH 38:19

Atsala hipau lo I no shi aketoi küxümi likhino O sheqhelu cheni; Apu no O pükhükulu ghili pesü anuliqo vilo pichenie.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

HABAKUK 3:18

ni ye Ampeu jupe alovi nani; I xakulu Lhou lau I no alovini.

ZEFANIA 3:14

Igha ale phelo, O Zion limi; ighalo, O Israel! Alovilo eno o mlo kuchopu süno ilhe alovilo, O Jerusalem limi!

ZEKHARIA 12:8

Tipa tsalani Ampeu no Jerusalem lo küami süsho nani, tishianguno pano dolo miqemlei kemi no tipa tsalani David toi nani, eno David laghami no Alhou toi, eno AMPEUw kungumi no panongu züu wucheke toi nani.

ZEKHARIA 9:15

Aqokitikhi Mpeu no panoqo süsho nani, panongu no kütsale eno akighi lono atu kihi chekemi theqhive nani, panongu no atsaiji sho nani eno shomzü akeshi igha nani, akiptia chekuqo pütsüni ye akhu chhitoi akeshi nani.

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

Luke 1:47

eno I ghungu no Alhou I Xakuluu lau alovi ani,

John 16:22

Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

Apostolmi 13:33

Pa no Jisü xüputhu keu vecheo ningu anuliqo lau shikupu tsüe, ti ye Leshele akiniu lo ghi yepüani, “‘No ye I nu, ishi no I no o pu shiluvae.’

Apostolmi 2:26

tigheno I mlo no alovi, eno I tsapi no alokivi shi; I phimpi ghi lajupu lono xü nani.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

FILIPIAMI 4:4

Alhokuthu Ampeu lono alovilo, I no itaghi pini: alovilo!

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

SAMUEL ATUGHIU 2:1

Hannah no akighini shino pi, “I mlo no Ampeu lau alovi ani; I kibo no Ampeu sheqhe ani. I kichi no I ghümiqo junu ani, kughengu I no Ow xakulu lo alovi anie.