ZEKHARIA 10:3 - Sumi Naga CL (Re-edited) Bible (BSI)

³ “I mlokighide ye ambekhemi shou ani, I no sakiphemiqo ghime nani; kughengu aqokitikhi Mpeu ye Pa mbeloji, ti ye Judah laghami, tucho cheni, eno panoqo pe aghüshi lo khurshi kughushu toi shi nani.

BAIBEL (BSI)

³ AMPEU no pi, “Niye inaghami khunoqono iwu timiqo shou ayehpe cheni keno tipaqo lau iloghu ani eno niye panoqo ghimeqhini cheni. Juda lo akemiqoye iwuke eno ni, Aqokitikhi MPEU no panoqo heju kutoluve nani. Panonguye iwu aghukhe khurshi kuka kumto toi shi nani.

ZEKHARIA 10:3 Iomraidhean Croise

JOB 39:25

Kughou afuko ighani keno pa no, ‘Aha!’ ipi igha cheni. Pa ye putou no aghükishi, kijemi zakütsü eno igha asheshu keu tsüngü luve cheni.

IPEKULU 4:31

Eno timiqo no pülüve; kughou panongu no Ampeu no Israelmi xuju ighivae eno Pa no panoqo ghime ithuluvae pi chilu keno, panongu no pano kütsü pishiqho luve no mllae.

AHOLE 21:31

Aghüshi tsala ghenguno khurshi kutope qhicheni, ikemu tokulu ye Ampeu u lo anie.

ALE KIMCHI 1:9

I lomi, I no o pesü Pharaohw khurkulu sünhekicheu khurshi ali kimghilu ani.

ISAIAH 10:12

Kughou Ampeu no Zion Toghi eno Jerusalem lo Pa kümla shikhaveni keno, Pa no Assyria kükau qheküza tsapi eno tsütsüngoju chekeu ghenguno aghime tsü nani.

ISAIAH 24:21

Tipa ghuloki lo Ampeu no atsütsü lo aqokitikhi eno ayeghi lo kükami kümtsü ghime nani.

JEREMIYA 10:21

Ambekhemi no Ampeu vilo küsütsaju moke anikhae tigheno panongu ye ikoishe moe, pano mbeloji kümtsü apanaghavae.

JEREMIYA 11:22

ikehu aqokitikhi MPEU no ishi piani: “Julo, I no panongu ghime nani. Panow apumiqo no ghüyi lono wonani, pano tianuliqo no püqümiye lono thinani,

JEREMIYA 25:12

Tishino ampe lhotsüni kupuve kethiu I no Babylon kükau eno tipau shiye, Chaldeami yeghi ghime nani, pano kipimi ghenguno alholo ayeghi pighive tsü nani, ipi Ampeu no sheshu.

JEREMIYA 25:34

“Mlo lo, nongu ambekhemi, ighamku lo, ayevu lo ihilo, nongu aloji mpemiqo, kughengu nongu ghiqhive eno kutholeni keu tsala ighivae, nongu ye ayeghi li kivi vepho ketoi iluqive nani.

JEREMIYA 50:6

“Iw timiqo ye pühave keu mbeqo toivae. Pano khemi no pano saküghüzüvae eno naghutoqo lo pühave peke. Naghuto lono atoghi lo itsüsü wuve, eno panongu ye pano loji kümsümavae.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

EZEKEL 34:12

Ambekheu no ambe hami pa gholo akelono apanaghave keqo phuwu ketoi, I no I mbeqo phuwu nani, eno khüngküsü ngo aküzü kutho tsala lo panongu no khile apanaghave keno tilau no I no panoqo xaphelu nani.

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

DANIEL 11:32

Pa no amqü shino khunoqo no puloshoqhi hexave keno panoqo züiza luve nani, ikemu timi khunono pano Lhou ithi ani keno pano ye akumto shi puthugho no mjochile nani.

ZEFANIA 1:8

Eno Ampeu ghakishi tsalani— “I no hiyampemi, akükau nuliqo eno inaghami phimini xapuche kemi kümtsü ghime nani.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEKHARIA 11:17

“Iw ameküküha mbekheu khuu ambeloji qhive keno ahasapue! Azütakikihi no pa u ajeu eno pa nhethi ajeu ghive peniu! Pa umlo qhoi thizümüive, pa nhethi ajeu icheve peniu!”

Luke 1:68

“Israel Lhou Ampeu ye sheqhe küzüe, kughengu Pa no Paw timiqo xuju ighi no qhüchile luvae.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

RUTH 1:6

Tileno li no li mukishiu pama sasü Moab ghakhu lono idewo niye kutove, kughengu Ampeu no Paw timiqo xuju no achuqupu tsü anie pi li no Moab luza lono chilue.