ZEKHARIA 10:2 - Sumi Naga CL (Re-edited) Bible (BSI)

² Kughengu akibo lo ajulhoqo no akiqi kühakeu tsa picheni, eno asakiqhimi no akimki ithulu cheni; panongu no kichile samo pi eno abokümsa alopiqitsü keu tsa picheni. Tighenguno timiqo ye ambe toi itsü wuve no akheu küküha ghenguno ghime anie.

BAIBEL (BSI)

² Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

ZEKHARIA 10:2 Iomraidhean Croise

BOTHUBO 31:19

Laban ye pa mbe mhi ghoniye wuve, eno Rachel no li papu kibo lo pighi chekeu lhouqo püka luve.

KUKAMI ATUGHIU 22:17

Pa no pi, “Israel ghüshimi kümtsü akheu küha keu mbe toi apanagha naghuto lo chekeu I no ithulue. Eno Ampeu no pi, ‘Hipaqo ye ampeu kühae; panongu pelo iqüghai aki lo wove pelo.’”

JOB 13:4

Eno nonguu ye, akimki pesü tsübuikeu lo nuda cheni; nongu ye kümtsü ameküküha shikipivimi kena.

JOB 21:34

Imaye kishino nongu ye atsa kümsa pesü I lokughuno tsüni kea? Nonguw khokichile ye alatsa kumo aye kiumu kühavae.

ISAIAH 41:29

Julo, panongu kümtsü adoue; pano kümlaqo ye kiumu kumoe, pano julhoqo ye amülhü kümsae.

ISAIAH 44:25

I no kimkimi sakiqhi vehu shipüsave tsü cheni eno tumumi pesü mbomzümi shivetsü cheni, I no alokütsümi tuchile cheni eno pano kighithi pesü mbomzü shivetsü cheni.

ISAIAH 44:9

Ajulho mlaphe chekemi kümtsü ame kühae, eno panongu no azüvü chekeqo ye ala kühae. Panow thopimi ye ithulu eno chilu chemoe, ikehu panongu ye kujove nani.

ISAIAH 46:5

“I sasü aphiphi shikeu nongu ye I pesü khuu kimheni, eno khuu qhemi shitsüni kea?

JEREMIYA 10:8

Panongu ye anikha eno mbomzüe; ajulhoqo kükütsütsa ye asü paphie!

JEREMIYA 14:13

Ikehu I no pi, “Ya, Ampeu Alhou, tungkupmi no panongu vilo picheni, ‘Nongu ye azütakikihi momu püqümiye mu ithulumo nani, ikemu I no a-a hipau lo aloino keu tsünani.’”

JEREMIYA 14:22

Shiyeqow kichile lhouqo no tsütsüghu süghilu nani keshea? Momu atsütsü no ghuqhitsü nani kea? O Ampeu ni Lhou, Nono Pake kumo? Niw lajupu O shou be ani, kughengu Nono hi kümtsü shike.

JEREMIYA 23:17

Panongu no Ampeu tsa thaigha chekemi vilo tamono picheni: ‘O ghenguno akivipu ani’; eno kuthovi ghi amlo pape chekeu vilo picheni, ‘O shou amhekiqi ighimo nani.’”

JEREMIYA 23:32

Julo, Ni ye khunoqo no akimki samo tungkuptsa picheni keno pano mjochile ani, ipi Ampeu no sheshu. Ni ye panongu puwu püamo eno ghutumo keghi panongu no kühakügha kimki lono Iw timiqo vilo pi eno saküghüzü sawu cheni. Ikehu panongu ye timi hipaqo launo kiumu ala shimlae, ipi Ampeu no sheshu.

JEREMIYA 27:10

Kughengu ti ye akimki lono nongu lau tungkuptsa piani, ti ye nongu pesü no yeghi lono putosüu hapuwuveni keu kiqi ke; I no nongu hapheve no nongu ye pühave nani.

JEREMIYA 27:14

Tungkupmi khunono nongu vilo, ‘Nongu ye Babylon kükau qemo nani,’ ipi ani keno pano tsa ini kevilo, kughengu panongu ye akimki tungkuptsa pi anike.

JEREMIYA 27:9

Ikehu, now tungkupmi, tuumi, asamo kishimi, asheazü tsa kipimi, momu küdüumi, nongu vilo ‘Nongu ye Babylon kükau qemo nani,’ ipi chekeqo tsa ini kevilo.

JEREMIYA 28:15

Tungkupu Jeremiah no Hananiah vilo pi, “Inilo Hananiah, Ampeu ye o puwu püamoe, ikemu nono timi hipaqo pelo akimki tsa shou pükhübe peke.

JEREMIYA 29:8

Aqokitikhi MPEU, Israel Lhou no ishi piani: Nongu gholo tungkupmi ngo atumumi pelo nongu pishiqhive pekevilo, eno panongu no pumo keu samo ini kevilo,

JEREMIYA 37:19

Ow tungkupmi khunoqo no o vilo, ‘Babylon kükau ye no eno ayeghi hipau leighi monani’ ipi tungkuptsa piche keno, tipaqo ye khilave akea?

JEREMIYA 50:17

“Israel ye abongshuu no haleve keu mbe toivae. Atüghüshi Assyria kükau no Israel kütsave, eno itehi Babylon kükau Nebuchadnezzar no panoqo saghi tsachheve tsüae.

JEREMIYA 51:23

o pesü I no ambekheu ngo ambe loji, alu kichiu ngo pa lojimi, angh ngo zatsümiqo ghitha pinyi cheni.

JEREMIYA 6:14

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

JEREMIYA 8:11

Panongu no Iw timiqo zaku küthathai ikhilue, khilehimu külakishi kühamu ‘Külakishi, külakishi,’ ipi cheni.

AKUMLO 2:14

Ow tungkupmi no o ghenguno kichile eno pishikiqhi kungunhetsü ithulu; panongu ye o ngukümgha tsüchile peniye o xine pephe tsümoe, ikemu o ghenguno kichile eno sakibide tungkuptsa pitsüe.

EZEKEL 21:21

Kughengu Babylon kükau ye alaghi kini shoküba keu lo asaqhini ye puthugho ani. Pa ye apiji tsükighide anie; pa ye ajulho pesü asaqhi ani; pa ye lhoxü loshi ju anie.

EZEKEL 21:29

panongu no nongu ghenguno kichile kungunhetsü ithulu eno nongu ghenguno akimki saqhi akelo azütakikihi ye shikitiqe kemi kixikilami kuo lo ikughi nani, panoqo ghime ashekhau do, pano tsala ye ighivae.

EZEKEL 34:5

Ikehu panongu ye apanagha khavae, kughengu ambekhemi khumu kühave eno panongu ye tüghashiqo chuqupu shiveke.

EZEKEL 34:8

I no xüake toi, Ampeu Alhou no asheshu, mtsüqheino I mbeqo ye tsüqhi chuniye shivae, I mbeqo ye tüghashiqo chuqupu shivae, kughengu ambekhemi khumu kühavae, eno I mbekhemi no I mbeqo phusaghi movae, ikemu ambekhemi ye pano ampi likhi loji auvae, eno I mbeqo loji movae,

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

MICAH 2:12

I no mtsüqheino nongu kümtsü hekütsü nani, O Jacob; I no Israelmi ghükulumi hekütsü nani; Aqokitikhi mbumghu keu no achu kümza-a lo ambeloji toi, ambeqo sasü aki lo hekütsü ketoi I no panoqo hekütsü nani.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

ZEKHARIA 11:17

“Iw ameküküha mbekheu khuu ambeloji qhive keno ahasapue! Azütakikihi no pa u ajeu eno pa nhethi ajeu ghive peniu! Pa umlo qhoi thizümüive, pa nhethi ajeu icheve peniu!”

AKIKIHI 27:17

pa no timiqo züu shi ipeilo eno saphe pelo, tishianguno AMPEUw timiqo ye akheu kühakeu mbeloji toi pemonie.”

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

Mark 6:34

Kughou Jisü no axüsa tokeno, pa no aqokitikhi kije ithulu, eno panoqo ye akheu küha keu mbeqo toi aghi kehu pa mlo ighiqhiyive. Pa no thime kutomo pesü panoqo shika thuve.

ZAKINIU 13:2

eno pa no amchipu momu akümzapu pikeu huno shikupuve, momu nongu no mthakeu lhou vehulo pa no, ‘Ningu kütau lhouqo papeni eno tipaqo huthuni nolo,’ ipi aye,

XAKUTHAMI 18:14

Tileno pano pungu Laish lo ayeghi pujuwu keqo no pano thiküzümi vilo pi, “Aki hipau lo Ephod, aki lhouqo, ajulho, eno ghükayi julho qhipüa keu nongu ye ithi anima? Nongu ye kiu shini keno kümsü julo.”