ZEKHARIA 1:6 - Sumi Naga CL (Re-edited) Bible (BSI)

⁶ Ikemu I tsa eno I yezah khikhi I no I qemi tungkupmi azah tsü keno tipaqo no nongu puasüqo züthave ke kumo? Tileno panongu no xaide no pi, ‘Aqokitikhi Mpeu no ni laghi eno ni kümlaqo ghenguno ningu lau kiu shiniye akeno Pa kimji kiqi lono shivae.’”

BAIBEL (BSI)

⁶ Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZEKHARIA 1:6 Iomraidhean Croise

KUKAMI AKINIU 15:12

(Ampeu no hitoi akükau Jehu lau tushoqhi püake “O nuli no tiqheli abidiu kutolo Israel kükalakhü lo iqa nani.” Ti huye shikupuve.)

JOB 6:29

I no qhüiniju anike achipikumo shikevi no tsüghü ighilo, kughengu I no akikhishi chekeu ye pühave mlae.

ISAIAH 21:17

Eno Kedar lo asüzü kipemi akumtomi achili aghi keqo ye aghulo likhive nani, kughengu Ampeu, Israel Lhou no pivae.”

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 55:1

“Khunono tüghüthi ani keno ighilo, azü hilau ani; khuu no pisa küha keno, ighilo, qhüchulo! Ighilo, ame sümono atsaizü ngo akichhizü qhülo.

ISAIAH 55:11

Tihutoi I launo ipekeu atsa ye tishi nani; ti ye I lau kümsa ideighimo nani, ikemu I no kiu shinike kughu püani keno, tipau lo tokulu shi nani.

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 26:15

Ikemu hi thebei ithilo, nongu no I pithive aye pimihami ji nongu shou ikughi nani, eno mishighüna hipau ngo tile xüküami shou ighi nani, kughengu kuchou no Ampeu no atsa hipaqo nongu kini lo pisütsü peniye I puwu ke.”

JEREMIYA 28:17

Tipau mpe, aqhi akütsüniu lono tungkupu Hananiah ye thive.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 36:28

“Liküküzü kaku atüghüu Judah kükau Jehoiakim no pitive tsükeu lo akeu tsa kümtsü liküküzü kaku kütau lakhi lo yesülo.

JEREMIYA 39:16

“Ebed-Melekh Ethiopiami lau wuno pilo, ‘Israel Lhou, aqokitikhi MPEU no ishi piani: I no mishighüna hipau shou akivipu kumono aküsapu pipuku keu tsa shikupu nani, eno ti ye tipa tsala lo o zülono shikupu nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 44:2

“Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 44:28

Ikemu nongu gholo kihikulu khami azütakikihi lono pokalu keqo no Egypt lono Judah lo ideighi nani. Tithiu no Judahmi ghükulumi khunoqo Egypt lo xünike ighi keno, tipaqo no I tsa no keo, pano tsa no kuchou keno ithi nani.

JEREMIYA 44:29

Ampeu no sheshu ani, Hi no nongu lau amchipu shinani, I no hipa-a lono nongu ghime nani eno tishikeu lono I tsa ye mtsüqheino nongu ghüzani ke nongu shou ikughi nani:

JEREMIYA 44:6

Tighenguno I loghu eno mlo kighide no Judah lo mishighünaqo shou eno Jerusalem laghila lo pukue, ikehu ishi kutolo ixapinyi eno pighivae.

JEREMIYA 5:14

Tighenguno Ampeu, aqokitikhi Lhou no sheshu: “Nono atsa hipau piqhive akehu, julo, I tsa huno o kichi lo ami kughulhove tsüni, eno timi hipaqo no asü shino ami no panongu pitiveni.

AKUMLO 1:18

“Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

AKUMLO 2:17

Ampeu no kiu miji akeno; Pa no püzüu no azah tsükeu, Pa tsa pape ghi amloighi qhiyi keu kühano shikupuvae; Pa no aghümi pelo o shou alovipe eno o ghümi kumto süqhetsüe.

AKUMLO 3:42

“Ningu no axine shive no hebidevae, eno Nono akipimi qhitsü movae.

EZEKEL 20:43

Tilau nongu no nongu laghi eno no kümla khipaqo vecheo nongu ampi shikitiqeve keno tipaqo kümsülu nani, eno kixikila khipaqo nongu no mlaithave keno tipaqo kümtsü ghenguno nongu no nongu ampi jupe aphimqhü nani.

EZEKEL 37:11

Tileno Pa no I vilo pi, “Timi nu, asaghi hipaqo ye kümtsü Israel kibolomi ke. Julo, panongu no pi, ‘Ningu saghi ye qhaivae, eno ningu küpkhü ye kühavae; ningu ye mtsüqheino kütsavae.’

DANIEL 4:28

Hipaqo kümtsü akükau Nebuchadnezzar shou ikughive.

HOSIYA 5:9

Aghime tsala lo Ephraim ye pighive nani; kiu no mtsüqhei keno I no Israel shiaye lau piye nani.

HOSIYA 9:15

Pano lhoksa qhoi Gilgal lo ani kehu tilauno I no panoqo jumithi thuveke. Pano kixikila ghenguno I no I ki lono panoqo haphe nani. Ni ye panongu kimiye moae; pano sakiphemi kümtsü no hekibidemi ke.

AMUS 9:10

Iw timi axinemi khunono, ‘Küsakusho ye ni haighimo momu ni sasü kushomo nani’ ipi cheni keno kümtsü azüta kikihi lono thive nani.

ZEKHARIA 1:7

Atsala muku abidiu, aqhi chighiaqhaqhiu, ti ye Shebat qhi shi akelo, Darius yepe mpe akiniu lo, Ampeu tsa Iddo nu, Berekhiah nu tungkupu Zechariah lau ighi no pi,

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

AKIKIHI 32:23

Ikemu nongu no hitoi shimo aye, julo nongu ye Ampeu zülo axine shivae eno tipau xine no nongu shou akipimi ikughi nani pütsae.

AKIKIHI 33:56

Eno I no panoqo lau kiu shinike kughuni keno titoi nongu lau shi nani.”

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

ZAKINIU 28:15

“Ikemu ishi tsala lo Ampeu nongu Lhou zakütsü eno akhuaye I no azah nongu tsü akeqo nongu no gholumo eno pape move aye, müsüini keu hi kümtsü nongu shou ikughi nani.

ZAKINIU 28:2

Nongu no Ampeu nongu Lhou gholu aye kükümgha hi kümtsü nongu shou ikughi nani.

ZAKINIU 28:20

“No kümla lhoksa eno Ampeu milive ke ghenguno, nongu kütsave eno püghave moke kutolo Ampeu no nongu kümla küghütha kümtsü lo müsüini, kübangü keu eno amlo shikümka keu süghitsü nani.

ZAKINIU 28:45

“Nongu no Ampeu nongu Lhou gholumo eno Pa zakütsü ngo akhuaye papemo kehu müsüini keu hi kümtsü nongu shou ighi nani, eno nongu kütsave moke kutolo nongu gholo anani.

1 Thes. 5:4

Ikemu athiküzümiqo, nongu ye aküzü lo amoe, ikehu atsala huno küpkami toi nongu kichiqhi pekepu kumoe.