ZEKHARIA 1:4 - Sumi Naga CL (Re-edited) Bible (BSI)

⁴ No puasüqo toi kevilo, azüu tungkupmi no panoqo vilo igha pi, ‘Aqokitikhi Mpeu no piani, Nonguw küsakügha laghi eno küsakügha kümla lono ideighive lo.’ Ikemu panongu no chiluke kumono I lau amlo tsümoe, ipi Ampeu no asheshu.

BAIBEL (BSI)

⁴ Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

ZEKHARIA 1:4 Iomraidhean Croise

YEKIKITHI AKINIU 30:6

Ikehu yesü kipemi no Israel ngo Judah kümtsü lo akükau ngo paw hiyampemi yesü pewu no akükau no azah tsüke toi pi, “O Israelmi, Abraham, Isaac, eno Israel Lhou Ampeu lau ideighi lo, tishino Pa no nongu Assyria kükau u lono pojolu kemi ghükulumi lau tsüghü ighi nani.

YEKIKITHI AKINIU 30:7

Nongu ye no puasü eno no thiküzümi no Ampeu Alhou lau amikucho shimove ketoi kevilo, kughengu nongu no ithulu anike Pa no panongu pighive ke.

YEKIKITHI AKINIU 34:21

“Wulo, eno kaku hipau lo yepüa keu kiqi lono I ghenguno eno Israel ngo Judah lo akeqo ghenguno Ampeu pütsa julo. Ampeu ye ningu lau shishe aloghu ide ani, kughengu ni puasüqo no kaku hipau lo shilo pikeu pape move ke.”

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.

NEHEMIA 9:16

“Ikemu panongu eno ni puasüqo no akuchhoma shi pano kütsü kughove eno O zakütsüqo pape move.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

NEHEMIA 9:30

Ampe kutomo Nono panongu lau kheakulu shino tungkupmi vecheo O Ghungu no panongu kütüghü ke. Ikeghi panongu no initsü moe, tighenguno Nono ashiayeqo pelo pano leluve peke.

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

JEREMIYA 18:11

Tighenguno itehi, Judah ngo Jerusalem lo küxümi vilo pilo: ‘Ampeu no ishi piani, Jualo, Ni ye nongu shou amhekiqi eno amqü kuchughu ani. Kümtsü no pütüta kümla lhoksa lono ideighi lo, no laghi eno no kümla lhoksaqo shikithe luvelo.’

JEREMIYA 23:22

Ikemu panongu no I hoho lo puthugho ke aye, panongu ye I tsa pesü Iw timiqo vilo pikülha luniche, eno pano kümla lhoksa lono sachile süghi luni cheke.

JEREMIYA 25:8

“Tighenguno, aqokitikhi MPEU no ishi piani: Nongu no I tsa gholumo ke ghenguno,

JEREMIYA 26:5

eno I qemi tungkupmi I no nongu lau anguno anguno puwu keu tsa ini tsümo aye,

JEREMIYA 3:12

Wuno atsa hipaqo pesü ahuu küdau kütüghü no pilo, “‘Aküpülü kükühau Israel, ideighilo, ipi Ampeu no asheshu. Ni ye amloide ghi o jumo nani, kughengu Ni ye kimiyekini ke, ipi Ampeu no asheshu; Ni ye alholo amloide monani.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

JEREMIYA 35:15

I no nongu lau I qemi tungkupmi puwu, eno tamo mithe puwu no panongu no picheni, ‘Itehi nongu kümtsü alhoksa laghi launo tsüghüve lo, no kümla kililo, kütau lhouqo huthuni ke papewu kevilo, tishiaye nongu ye I no nongu eno no puasüqo tsükeu yeghi lo xülu nani.’ Ikemu nongu no akini kugho puwomo momu I tsa inimoe.

JEREMIYA 4:1

“Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

JEREMIYA 44:16

“Nono Ampeu je lono ni vilo kiu piani keno, ningu ye tipaqo inimoe.

EZEKEL 14:6

“Tighenguno Israel laghami vilo pilo, Ampeu Alhou no ishi piani: Xaidelo eno now asü-atu julhoqo launo tsüghüve lo, eno now aphikümqhüpu kümtsü launo agi kughove lo.

EZEKEL 20:18

“Asayeqha lono I no panoqo tianuli vilo pi, Nongu puasüqo yezah lo cheche kevilo, panow pimheye pape kevilo, momu pano sü-atu julho vecheo nongu shikitiqe kevilo.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

EZEKEL 33:4

tileno khukhumu afuko ghügha chilu anamu ghutu keu lumove, eno azütakikihi no pa yive aye, pa ji ye pa ampi kütsü lo ikughi nani.

DANIEL 9:6

Ningu no O qemi tungkupmi khunoqo no O je lono niw kükami, sakiphemi, ni puasü eno aghakhu lo timi kümtsü pütsa keno, panoqo tsa initsü moveke.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

AMUS 5:24

Ikemu kuchou-xakütha no azüghizü toi qowu pelo, eno achipiu-mikucho no qotamo keu ghoki toi pelo.

MICAH 2:6

“Kütsü kevilo”—panongu no ishi kütsü cheni— “hipa vehu kütsü kepu kumoe; akukujo ye ni züthave mo nani.”

ZEKHARIA 1:3

Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.

ZEKHARIA 7:7

Atsa hipaqo ye Jerusalem lo timi no küghüna eno kinikülü shi mishighünaqo no vehope, eno Apeu ngo aqa yeghi lo küghüna cheke ghuloki lono Ampeu no azüu tungkupmi vecheo sheshuve keqo kekumo keshea?’”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

1 Peter 1:18

kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,