ZEKHARIA 1:17 - Sumi Naga CL (Re-edited) Bible (BSI)

¹⁷ Itaghi ighamku lo, aqokitikhi Mpeu no piani: Iw mishighünaqo ye itaghi küakini no qole nani, Ampeu no itaghi Zion lokughunotsü nani eno itaghi Jerusalem kisheluve nani.’”

BAIBEL (BSI)

¹⁷ Kungumino ivilo highi pesu asheshulo pike: “Aqokitikhi MPEU no pike pa phughiqoye itaghi kinikulu shive nani eno pano itaghi Jerusalem kuphu kithe eno aphughi huye pawu kepi pukhaluve nani.”

ZEKHARIA 1:17 Iomraidhean Croise

YEKIKITHI AKINIU 6:6

ikemu I je apeni kehu I no Jerusalem kishelu eno David pelo Iw timi Israelmi shou ayepe penike kishelue.’

NEHEMIA 11:20

Israelmi kütami eno achinemi ngo Levimi ye Judah lo mishiphu kümtsü lo ache.

NEHEMIA 11:3

Atokujo lo atomi hipaqo no Jerusalem xüsüve; ikemu Judah mishiphu lo küghünave keqo ye pütüta mheghi lo xüsüve: Israelmi, achinemi, Levimi, achineki lo aqemi eno Solomon qemi polo kughukomi.

LESHELE 69:35

Kughengu Alhou no Zion xalu nani eno Judah mishighünaqo shiqhe tsü nani, timiqo no tile küghüna eno amheghi shiluve nani;

ISAIAH 14:1

Ampeu no Jacob lagha kimiyeve no itaghi Israel kisheluve nani, eno pano yeghi lo sawo qhive nani, inaghami no Jacob laghami gholo xüküqhauve nani.

ISAIAH 44:26

I qemi no asheazü tsa pikeu I no iqhikumto tsü cheni, eno I tsapemi mijekütsü shikupu tsü cheni, I no Jerusalem vehu ishi pi, ‘Tile timiqo küghünauve nani,’ Judah lo mishighünaqo vehu ishi pi, ‘Tipaqo ye shiqheve nani, I no ixapinyi akeqo shiqhe nani’;

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

ISAIAH 54:8

Atüqhüdo hami I no amlo kighide lono I gi o launo tsüghüsü wuve, ikemu lhokta kikimiye lono, I no o shou küpükini betsü nani. Ampeu o xakuluu no piani.

ISAIAH 66:13

Aza no anga lokughunotsü keshi, I no nongu lokughunotsü nani; Zion lono nongu lokughunotsü nani.

JEREMIYA 31:13

Tile ilimiqo no alovi ilhe nani, apumi eno layemi no alovi nani. I no pano mloghuju pesü alokivi lo süvetsü nani; I no pano lokughuno tsü, amloksa theli lo alokiqi tsü nani.

JEREMIYA 33:13

Ato ghakhu lo, Shephelah lo, Negeb lo, Benjamin yeghi lo, Jerusalem hokümxa lo, eno Judah lo mishighünaqo lo ambe lojiqo ye khuu no panongu kihi cheni keno pa u qholo ngolu nani, ipi Ampeu no pi.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

EZEKEL 36:33

“Ampeu Alhou no ishi piani: Nongu kipimi kümtsü I no shikimthe tsüke tsalani, I no mishighünaqo lo küghüna lupe nani, eno kütsave keu shiqhekithe lupe nani.

AMUS 9:14

I no Iw timi Israelmi küakini tsüchile nani, pighive keu phughiqo panongu no shikithe no tile xü nani; atsailu chi no tipau tsaizü sho nani, aghutu shino tipa xathi chu nani.

Obadiah 1:20

Haküghütsüve kemi Israelmi aqokitikhi no Canaanmi yeghi Zarephath kutolo qhasü luve nani, eno Jerusalemmi haküghütsüve kemi Sepharad lo akeqo no Negeb phughiqo qhasü luve nani.

ZEKHARIA 1:14

Ikehu kungumi khuu I pütsa akeno pa no I vilo pi, ‘Ighamku lo, aqokitikhi Mpeu no piani: Ni ye Jerusalem eno Zion ghenguno shishe anheshu ani.

ZEKHARIA 1:18

I no I nhethi tsükhope jukelo akibo bidi ithulu!

ZEKHARIA 2:12

Ampeu no akimthe yeghi lo Pa saje shi Judah ighi luve nani, eno itaghi Jerusalem kisheluve nani.”

ZEKHARIA 2:4

eno pa vilo pi, “Powu no lhothemi hupau vilo pilo, ‘Jerusalem ye aliwo küha keu phuqo toi küghüna nani, kughengu timi ngo pichepighi no shishe ikowoni cheni.

ZEKHARIA 3:2

Ampeu no Satan vilo pi, “Ampeu no o lomipi ani, O Satan! Jerusalem kisheluve keu Ampeu no o lomipi ani! Hi ye ami lono püxü phelu keu misüke kumo?”

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono