ZEFANIA 3:15 - Sumi Naga CL (Re-edited) Bible (BSI)

¹⁵ Ampeu no o launo küghakütha pewuve tsüae; Pa no o ghümiqo haleve tsüae. Israel Kükau, Ampeu no o gholo anike no ye khilemu alhoksa msakithe moae.

BAIBEL (BSI)

¹⁵ AMPEU no nono aghimeshi akeu kishekhave tsuae; oghumi kumtsu pano ikhive tsuake. AMPEU, Israil lo Akukauye ogholo ani; itehiye musa akepu akiqi kuhake.

ZEFANIA 3:15 Iomraidhean Croise

BOTHUBO 30:23

Li no mishipuve no anu lakhi punu, eno li no pi, “Alhou no I jukünatha keu ikhipe wuve tsüae.”

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 19:9

Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.

LESHELE 85:3

O loghu kümtsü süchileve; O mlo kighide külü lono Nono tsüghüve ke.

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

ISAIAH 25:8

Pa no alhokupuju ghenguno akithi munove nani; Ampeu Alhou no kümtsü nhethi lono anhezü isüvetsü nani, eno Paw timiqo kukujopu Pa no ayeghi lono ikhivetsü nani, kughengu Ampeu no pivae.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

ISAIAH 51:22

Ampeu o Lhou, Paw timi ghenguno qhüiniju chekeu no ishi piani, “Julo, I no o u lono Pa no izüvuive chekeu jukhu ikhiluvae; no ye I loghu chithakhu lo shokithe moae;

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 60:18

Ghiqhi heqhikeu sütsa ye nongu yeghi lo chilu kithemae; eno shiküpsa ngo kütsakungo keu ye no lughi lo chilu moae; nongu no now aliwoqo pesü Xakuluu ipi ku nani, eno now khaghoqo pesü Shekiqhe ipi nani.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

JEREMIYA 8:19

Julo, akuaqha lono Iw timi ngaqo no qa ani: “Ampeu ye Zion lo küha keshea? Li kükau ye tile küha keshea?” “Kushiye panongu gholo ajulho eno inaghami lhou julho pesü I xukutho ani kea?”

EZEKEL 35:10

“Kughengu Ampeu no tile akeghi nono pike, ‘Shiye hiküma eno aghakhu hiküma ye Iw shive nani, eno ningu no hipaqo leluve nani’

EZEKEL 36:15

I no nongu pelo shiyeqow küthakügha chilu pemove nani, nongu ye ashiayeqow küthakügha xapu move nani eno no shiye pelo küpxalu pemo nani, Ampeu Alhou no asheshu.”

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

AMUS 9:15

I no panongu pesü pano yeghi lo shosü nani, eno panongu ye I no tsükeu yeghi lono itaghi khilemu nhüvemo nani,” Ampeu nongu Lhou no piani.

MICAH 7:10

Tileno I ghümi no ithulu nani, eno khuu no I vilo “Ampeu o Lhou ye khile ania?” ipi keno li ye akukujo no küzüluve nani; I nhethi no li shou jupuku nani; tishino li ye alaghila lo aniba toi nedaqoda nani.

HABAKUK 2:17

Nono Lebanon kütsale kehu tino o mhoqhive nani, nono kütsale keu tüghashiqo no o shikichiqhi nani, kughengu aji pelekeu eno ayeghi shiküpsa, aphughi eno tile küxümi kümtsü lau nono küsakügha shike.

HABAKUK 2:8

Nono aji pele eno ayeghi shipüsa, aphughi eno tile küxümi kümtsü lau küsakügha shi kehu, nono shiye kutomo pükaqhi kehu ghükulumi no o pükaqhi nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

ZEKHARIA 12:3

Tipa tsalani I no ashiaye kümtsü ghenguno Jerusalem pesü atu kimshi toi shitsü nani. Mtsüqheino ti peqheju kemi kümtsü no izave nani. Ayeghiqha lo shiye kümtsü no hekütsü pe tipau mjochile nani.

ZEKHARIA 14:11

Eno timi no tile küghünauve nani, kughengu itaghi shishe kütsave peni keu xaküthaza ye khilemu ighi kithemo nani. Jerusalem ye sükusho auve nani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

John 1:49

Nathanael no pa khochile, “Rabbi, no ye Alhou Nu! No ye Israel Kükaue!”

John 12:15

“Msa kevilo, Zion limiqo; julo, o kükau ye cheae, khurha ti shou iqa no chenie.”

John 19:19

Pilate no atsa ghi yepe kros lo qhitsü. Ishi yepüa, “Nazarethmi Jisü, Jewmi Kükau.”

John 5:30

“Ni ye I ka-agha loye kiumu shimlae. I no chilu no küghatha cheni, eno Iw küghakütha ye achipie, kughengu ni ye I gho-apulou kumono I puwu keu gho-apulou shicheni.

Piyeküsü 12:10

Eno kungugha lono asütsa kuloghi lakhi I no chilu, “Itehi ni Lhou kükaqha, xakulupu, aküka, eno Paw Messiah kükagha ye ighivae, kughengu khuu no ni Lhou zülono putho pucho ni thiküzü chelimi nguku chekeno, akipimi kütsüu ye hape vepiqivae.

Piyeküsü 18:20

O kungugha eno nongu küpülümi, apostolmi ngo tungkupmiqo, li jupe alovilo, kughengu Alhou no nongu saphu no li shou küghakütha bevae!”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

Piyeküsü 7:15

“Ikehu panongu ye Alhou kükalakhü zülo ngono putho pucho Pa chineki lono Pa huthu acheni; eno Khuu kükalakhü lo iqa ani keno Pa ampi no panoqo süsho nani.