ZEFANIA 3:13 - Sumi Naga CL (Re-edited) Bible (BSI)

¹³ Israel lo ghülu keqo ye achipikumo xakütha shimo nani eno akimki tsa pimo nani, momu pano kichi lo pishikiqhi mili ithulumo nani. Panongu no chuno ihozü nani eno khunomu pano kichimo nani.”

BAIBEL (BSI)

¹³ Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

ZEFANIA 3:13 Iomraidhean Croise

YEKIKITHI AKINIU 20:30

Jehoshaphat yekipeqha ye iqüghai lue, kughengu pa Lhou no aqha kümtsü lono pa kulhoqhi tsüke.

JOB 11:19

Khumu o shikümsa mono no ye zühulu nani eno kutomo no o kukuphu laju ighi nani.

LESHELE 119:3

khunono akumou shichemo, ikemu Pa laghi lo checheni keno pano lokivipue!

LESHELE 120:2

Akimki kichi eno, pishikiqhi mili lono I xalulo, O Ampeu.

LESHELE 120:3

No pishikiqhi mili xapu akeu, Alhou ye kiu o tsüni, eno itaghi kiu o lau shitsüni kea?

LESHELE 23:2

Pa no I pelo atsüni kümtsha lo ihozüpe. Pa no azü küghüqü phivilo I sawu.

ISAIAH 17:2

Aroer phughiqo ye pighive no achu kümza-a shive nani eno khunomu tipaqo hapupo monani.

ISAIAH 35:8

Tile alaghila auve no tipau pesü Akimthe Laghi ipi ku nani; mithekumomi ye ti pülamo nani. Ti ye Alhou timiqo sala shinani; mbomzümi mu tipa la vezüve monani.

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

ISAIAH 6:13

Chighi lo lakhi ghüpüaghi namu tighi piti kitheve nani. Ikemu aphisübo yeqhi kelo azüngü likhive cheke toi tipau züngü lono apiti kimthe ipeghi nani.”

ISAIAH 60:21

Now timi kümtsü no achipiu shi nani, eno alhokupuju lo ayeghi pesü amheghi shiluve nani, panongu ye I no shosükeu lokaqo eno I u lo kümla ke, tishikeu lono I juküvü shiniye ke.

ISAIAH 63:8

Kughengu Pa no pi, “Panongu ye Iw timiqo ke; I tianuli, kühakügha shimo nani.” Ikehu Pa no panoqow Xakuluu shive.

ISAIAH 65:10

Sharon ye lhoxü lojiqo ghenguno achu kümza-a shinani, eno Achor khila ye lhoxü lojiqo no ihozü chekeu qha shive nani; I no hitoi shi I phuighi kemi ghenguno shitsü nani.

JEREMIYA 23:4

I no panongu tucho mjoni kemi akhemi qhinani, panongu ye msa kithemo nani, shithüghüive, momu lakhimu pühavemo nani, ipi Ampeu no sheshu.

JEREMIYA 30:10

“Ikehu msa kevilo, I qeu Jacob, Ampeu no sheshu, aghüthisü kevilo, O Israel; kughengu julo, I no aghacheu no o xalu nani, eno o tikughuko akughushi akeu yeghi lono xalu nani. Jacob ye iqüghai alokughuno shi ideighi nani, khumu pa shikümsa mo nani

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

EZEKEL 39:26

Panongu no pano kukujo eno I pishiqhi ighikeu kümtsü kümsümave nani, panongu ye khunomu pano shikümsa mlano pano yeghi lo sükusho qholono xülu nani,

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

JOYIL 3:21

Aji peleve keu mkhü Ni ye lumphi ke I no amkhü lunani, kughengu Ampeu ye Zion lo anie.”

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

MICAH 4:4

ikemu kümtsü no pütüta tsaibo eno mububo qholo nani, eno khunomu panongu shikümsa monani, kughengu aqokitikhi Mpeu kichi lono piqhivae.

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

MICAH 7:14

O küsü pesü Ow timi hejulo, O mheghi loji khunoqo thilishi aghasa lo xüani eno aghutu yeghi mta lo ani keno; panoqo pelo khaghi lo toi Bashan eno Gilead lo mzachu pelo.

ZEFANIA 2:7

Azüghimkü huye Judah lagha lo ghülu kemi sala shive nani, pano tsü-aqu no tile mzachu eno akhemi no kijiliu Ashkelon lo aki akeqo lo ihozü nani. Kughengu Ampeu panongu Lhou no panoqo kümsülu no pano ngukümgha tsüchile nani.

ZEFANIA 3:5

Ampeu ye li lau achipikumo shimono achipiu mikucho shike; ina atsütsü Pa ye tamono Pa chipiu xakütha pephe piye cheni; ikemu achipikumomi ye akukujo ghi ithi chemoe.

ZEKHARIA 8:12

Kughengu külakishi xusüni keu do ighi nani. Atsaibo no axathi pithi nani, ayeghi no tüxatini ipeghi lupe nani, eno atsütsü no atsüzü tsü nani. Ghükulumi hipaqo pelo thime hi kümtsü ithulupe nani.

ZEKHARIA 8:16

Nongu no thime hipaqo shilo: Lakhino lakhi lau kuchou tsa pilo; now khagho lo xakütha kiu no achipi keno tsülo eno külakishi ghenguno mlalo;

ZEKHARIA 8:3

Ikehu Ampeu no piani: Ni ye Zion lo ideighivae eno Jerusalem lo ngouve nani, Jerusalem ye pükhükulupu mishighüna, eno aqokitikhi MPEUw naghuto, akimthe naghuto ipi ku nani.

MATTHEW 13:41

Timi Nu no paw kungumi puwu no pa kükaqha lo axine kuhu aghü eno küsaküghami kümtsü panoqo no xukumqo nani,

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

Kolosiami 3:9

Lakhino lakhi lau miki kevilo, kughengu nongu ye aküxü aqau lhoayeqo phevae,

1 Peter 3:14

Ikemu nongu no achipiu-mikucho ghenguno imeve kepushi namu nongu kümghapu shinani. Tipaqo msaichi kevi momu jupe amlosa kevilo,

1 John 5:18

Ningu no ithi anike Alhou nuli shiluve kemi kümtsü no axine shiauve chemo, ikemu Alhou launo ighi keu huno pa süsho acheni, eno alhoksau ye pa bulu chemoe.

Piyeküsü 14:5

eno pano ye tichetighepu küha kehu pano kichi lono akimki tsapi chilumoe.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”