ZEFANIA 3:11 - Sumi Naga CL (Re-edited) Bible (BSI)

¹¹ “Tipani nono I hebide püaghi namu Ni ye o shikujomo nani; kughengu I no o launo aqheküzami tsütsüngoju chekemi ikhive nani, eno Iw akimthe toghi lo nongu ye akuchhoma shikithe mo nani.

BAIBEL (BSI)

¹¹ Tipa ghulokiloye nongu, iwu timiqoye ishou hebide kepi kujovekepu kuhave nani. Aqhekuza eno akulakimi kumtsu ino ikhive nani eno ikimthe naghuto loye nonguye khilemu ishou hebide kithemo nani.

ZEFANIA 3:11 Iomraidhean Croise

LESHELE 131:1

O Ampeu, I mlo ye qheza chemoe; I nhethi ye ighono tsütsüngoju chemoe; ni ye thime ighono kije eno shishe akümzapuqo lo chhosü chemoe.

LESHELE 49:5

Kughou alhoksa tsala ighi no kixikila pishikiqhimi no I süho luveni keno ni ye kushiye msani kea,

LESHELE 59:12

Panoqo kichi lo axine, amtsü lo atsa akeu ghenguno pano pelo pano qheküza lo kitimeve pelo. Ghukusho ngo akimki panongu no pike ghenguno,

ISAIAH 11:9

Iw akimthe toghi lo ghüzaghügha momu kütsakungo keu shimo nani; kughengu azü no azüghi nhape akeshi Ampeu kighithi no ayeghi chhitoi nani.

ISAIAH 2:12

Kughengu aqheküzami eno tsütsüngoju kemi ghenguno aqokitikhi MPEU no atsala lakhi kuto püani tipani no panoqo sünheqhive nani;

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 5:15

Timi kümtsü sünheqhipe kuchunivae, aqheküza nhethi xapu kemi kuchunivae.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

ISAIAH 61:7

Nongu kukujo theli lo nongu saje ye kini kishetsü nani; küthakügha theli lo panongu ye pano makho jupe alokivi shi nani; tighenguno pano yeghi lo, panongu saje ye kini kishetsü nani; panongu ye pülhapuju alovi nani.

JEREMIYA 13:9

“Ampeu no ishi piani: Hipaphi lono I no Judah ngo Jerusalem qheküza kütsave tsünani.

JEREMIYA 7:4

Pishikiqhi tsa hipaqo shou pükhübe kevilo: ‘Hi ye Ampeu chineki, Ampeu chineki, Ampeu chineki ke.’

EZEKEL 20:40

“Ampeu Alhou no asheshu, kughengu Iw akimthe naghuto, Israel naghuto kiqhe shou no Israel kibolomi kümtsü, panoqo kümtsü, tilau ayeghi hipau lono I qe nani. Tilau no I no panoqo ikhilu nani, eno tilau no I no nongu süqha-süli eno akighiche gho gholono now akimthe kümllagho kümtsü avehupu shi nani.

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.

DANIEL 9:16

“O Ampeu, O mikucho kümla kiqi lono Jerusalem, Ow mishighüna, O kimthe toghi lono O mlokighide eno O loghu tsüghüve tsülo, ni xine eno ni puasüqo kipimi ghenguno Jerusalem eno Ow timiqo ye ningu sühope akemiqo kümtsü zülo küthakügha shivae.

DANIEL 9:20

I no atsa pi eno akighini shi, I xine eno Iw timi Israelmi xine piphe, eno I Lhou kimthe toghi ghenguno I no qhüiniju akeu Ampeu I Lhou zülo süghi akelo,

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

AKIKIHI 16:3

Panongu no Moses ngo Aaron zülo kumqo luve püzü pama vilo pi, “Nokujo ye ihulovae! Kughengu ahohomi kümtsü no akimthemi ke eno Ampeu ye ningu kümtsü gholo anie. Tighenguno nokujo ye kushiye nokujo likhi nokujo pesü AMPEUw ahohomi kütamiqo nguno akiqheu kepi pükha ani kea?”

MATTHEW 3:9

Eno kümsükuju lono, ‘Abraham no ningu papu,’ ipi nongu ampi vilo kevilo, kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

Rommi 2:17

Ikemu no ye Jewmi; Ayezah pükhü chekemi; Alhou ithi anie pi aqheküza shi o likhi nou no pi aghi aye;

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”