ZEFANIA 2:2 - Sumi Naga CL (Re-edited) Bible (BSI)

² xaküthaza shikupu mphi lono —atsala no amuu toi fupe wuve mphi lono— Ampeu loghu pitiqhi keu no o shou ikughi mphi lono, Ampeu xukighide tsala no o lau ighi mphi lono hekütsü lo.

BAIBEL (BSI)

² nonguye axamunu lakhi toi ighuyiveno thive mphi lono ighilulo, nongu shou AMPEU loghu kighide ighi mphi lono, pano muqhumzai mphi lono ighivelo.

ZEFANIA 2:2 Iomraidhean Croise

JOB 21:18

Panongu ye ghuthu khije amülhü zülo khauteni toi, eno pasapagha no amuu fupewu ketoive akea?

LESHELE 1:4

Ikemu kixikilami ye tishimoe, pano ye amülhü no amuu fupe wuve ketoi ke.

LESHELE 2:12

Anu müma lo, tikumo aye pa no amloide kelo nongu ye pühave nani, kughengu pa loghu ye paikhavi iqü ipeghive cheni. Khunono pa launo sükusho lucheni keno akümghapue.

LESHELE 50:22

“Tishiaye no Alhou kümsümave keu, hi amichi shilo, tikumo aye xaluni kemi kühano I no o sütha pinyive nani;

ISAIAH 17:13

Shiyeqo no azüghi kumto ghügha toi igha ani, ikemu Pa no sakiyi kelo panoqo no kushuo lo kuhave nani, amülhü no amuu fupe chekeshi eno pasapagha zülo ayeghimkhu toi Pa no hapupo nani.

JEREMIYA 23:20

Ampeu mlokighide ye Pa no kughu akeu shikhave moke kutolo süchilemo nani. Athiu tsala lono nono mtsümishei vethalu nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 12:25

Kughengu Ni ye Ampeu ke; I no pinikeu tsa I no pi nani, eno tipau ye shikupu nani. Tipau ye munuve monani, ikemu O hekibide laghami, nongu ghuloki lono I no atsa pi nani eno tipau shikupu nani, Ampeu Alhou no asheshuvae.”

HOSIYA 13:3

Tighenguno panongu ye inaqhe kimhi toi, momu itheno hauve keu tsüzü toive nani, aniqa lono amuu fupe wuve keu momu alashe lono amchhi phoipeghi ketoi nani.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.