ZEFANIA 1:5 - Sumi Naga CL (Re-edited) Bible (BSI)

⁵ aki kütsüqa lono atsütsü lo aqokitikhi zülo qhoqhü chekemi, Ampeu zülo itsaqi eno tushoqhi ani kemu Milcom vecheo ghi tushoqhi chekemi,

BAIBEL (BSI)

⁵ Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

ZEFANIA 1:5 Iomraidhean Croise

KUKAMI ATUGHIU 11:33

kughengu panongu no I pheve no Sidonmi lholiu Ashtoreth, Moab lhou Chemosh, Ammonmi lhou Milcom mllauve, eno David toi mono panongu no I laghi lo chemove, achipiu shimove, eno I yezahqo pemove ke.

KUKAMI ATUGHIU 11:5

Solomon no Sidonmi lholiu Ashtoreth eno Ammonmi no mlla chekeu aphikümqhüpu lhou Milcom mllauve.

KUKAMI ATUGHIU 18:21

Elijah no timiqo phivilo ighi no pi, “Nongu mlo lo hiküma dolo xatha nike ado khitohi luni kea? Ampeu no Alhou shiaghi aye, Pa papelo; ikemu Baal no shiaghi aye, pa papelo.” Timiqo ye atsa lakhimu piqhi move.

KUKAMI AKINIU 17:32

Panongu no Ampeu ghi sümsa eno panongu dolono timi jeli kümtsü kishepe akümlla-aqo lo achinemi shipe eno pano ghenguno aghakishi kümllagho pesü piti mlla peke.

KUKAMI AKINIU 17:33

Ikehu panongu no Ampeu ghi mlla ikemu pano ghakhu lono pekishe süghi keu khuaye kiqi lono pütüta lhouqo ghi mllae.

KUKAMI AKINIU 17:41

Ikehu shiye hipaqo ye Ampeu huthu eno ajulhoqo ghi huthue. Panongu tianuli ghi tipatho shi, eno pano tilimiu ghi pano puasüqo no shike toi shi, eno ishi kutolo tishi achephi.

KUKAMI AKINIU 23:12

Judah kükami no Ahaz chebo kütsüqa lo akümlla-khache ngo Ampeu ki alou achebo kini lo Manasseh no akümlla-khache mlakeu pa no kubole pinyive no ti hekuphoqo xupe Kidron ghoki lo vesüve.

ISAIAH 22:1

Kungunhetsü Khila ghenguno pimhelu keu tsape. Kiu ghenguno nongu mishighüna lo küami ye iku aki kütsüqa lono

ISAIAH 44:5

Timi hipau no pinani, ‘Ni ye Ampeuw ke,’ milakhiu no Jacob lau ighamku nani, lakhiu no pa u lo ‘Ampeuw’ ipi yepuku nani, eno pa je Israel ipi ku nani.”

ISAIAH 45:23

Ni ampi no tushoqhivae; I kichi lono achipiu-mikucho shilo pivae atsa tipau ye ideighi monani: ‘Timi kümtsü no I zülo qhoqhünhe nani, eno amili kümtsü no I laumi shinike piqhi nani.’

ISAIAH 48:1

O Jacob laghami, hi inilo, nongu ye Israel je vecheo ku kemi eno Judah züghi lono ighi kemi ke, nongu no Ampeu je lono tushoqhi eno Israel Lhou je piphe cheni, ikemu kuchou eno achipi lono tishi chemoe.

JEREMIYA 12:16

Ti ye shikupu nani, panongu no amlo tsüqhiyi Iw timiqo laghi shikalu, eno Iw timiqo pelo Baal lau tushoqhi peke toi, I je lono tushoqhi, ‘Ampeu xü anike,’ ipi aye, panongu ye Iw timiqo gholono shiqhe pukutsü nani.

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

JEREMIYA 32:29

Chaldeami no mishighüna hipau sasü aghüshi akelo ighi no ami süvetsü nani, eno aki khipaqo kütsüqa lono Baal lau akümllagho leqhitsü eno kütau lhouqo lau atsaiji kümllagho tsükeu lono I mlo shikighide cheni keno ti kümtsü pitive nani.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

JEREMIYA 49:1

Ammonmi ghenguno. Ampeu no ishi piani: “Israel ye anu kühave akeshea? Pa mheghi kiyighiu kühave akeshea? Imaye kishino Milcom ye Gad leve no paw timiqo pesü tile xüsüvepe kea?

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

JEREMIYA 7:10

püzü I je lono kukeu ki hipau lo ighi no I zülo puthugho, eno kuchhube kümla hipaqo shi aniye, ‘Ningu ye xaphe luvae’ ipi cheni keshea?

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

HOSIYA 4:15

O Israel, nongu no kütüqha cheghi namu, Judah pelo pimive pe kevilo. Gilgal lo ilo kevilo, tike kumono Beth-aven lo iqho kevilo, eno “Ampeu ye xüküau” ipi ashoqhi shi kevilo.

AMUS 5:26

Nongu ye no kükau Sikkuth ngo no yepu-lhou Kiyyun—nongu u no mlakeu julho ikhiluve nani,

MATTHEW 6:24

“Khunomu ampeu kini qeküqha mlae, kughengu pa ye lakhi mithive no lakhiu kimiye nani, momu lakhi qhoqhü no lakhiu thogha nani. Nongu ye Alhou ngo küakini qeküqha mlae.

Apostolmi 10:9

Thoghiu panongu no Joppa toniche kelo, Peter ye akighini shinike puchou ayi chighikini qhalo aki kütsüqa lo iku.

Rommi 14:11

kughengu ishi yepüani, “Ampeu no pi, Ni xüküau zülo kümtsü no qhoqhünhe nani, eno ashiaye kümtsü no Alhou sheqhe nani.”

ZAKINIU 10:20

Ampeu nongu Lhou sümsa lo. Pa huthu eno mtulu lo, eno Pa je lono tushoqhi lo.

ZAKINIU 4:19

Itaghi nongu no atsütsü lo jupuku kelo, khetsünhe, aqhi, ayepu eno titoike jeli no nongu züluve no tipaqo mllauve nosake kutokughoi lo, kughengu tipaqo ye Ampeu nongu Lhou no atsütsü qholo ashiaye kümtsü sala pulhosü tsüke.

JOSHUA 23:7

tishianguno nongu gholo shiye xüküqha akeqo sasü kitekungo monani, eno pano lhou je kumo nani, momu pano lhou vecheo tushoqhi monani, momu pano lhou huthumo nani, momu pishiqho mllamo nani.