ZEFANIA 1:18 - Sumi Naga CL (Re-edited) Bible (BSI)

¹⁸ Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

BAIBEL (BSI)

¹⁸ AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.

ZEFANIA 1:18 Iomraidhean Croise

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

KUKAMI ATUGHIU 14:22

Judah timiqo no Ampeu zülo axine shikeu lono Ampeu mlo shikighide tsü, eno pano puasüqo nguno alau axine shive.

JOB 21:30

Tishiaye nongu no kixikilau ye küsakusho lono xaluvae, pa ye aloghu tsala lono xaluvae pi chiluni cheke.

JOB 3:15

momu sakiphemi khunono ameshoyi ngo ghükayi no aki chhitoi ache keno, pano gholo zühuve aghini cheke.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

AHOLE 11:4

Aloghu tsala lo küakini ye kiumu ala shimlae ikemu achipiu mikucho huno akithipu lono xaphelu nani.

AHOLE 18:11

Aphughi lakhi sükusho ye aliwo qhemghai keu shou kepi kümsü cheke toi küakini no kinimiw sükusho ke.

ISAIAH 1:24

Tighenguno Ampeu, aqokitikhi MPEU, Israelmiw Akughushuu no shuphe ani: “Ah, I no nongu I ghümi shou I loghu pukuni eno panongu shou amkhü luni.

ISAIAH 10:17

Israel küvü huno ami ilhouve nani, eno Akimtheu huno ami mili shive no ghulo lakhi lono aghüsahubo pitivetsü nani.

ISAIAH 10:3

Putou no küsakusho, aghime tsala ighi kelo nongu ye kishiveni kea? Khuno lau akukuphu phuwuni, eno no küakini khile qhiveni kea?

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

JEREMIYA 7:34

Judah mishighünaqo lo ngo Jerusalem laghila lo akighilhe eno alokivi sütsa, külapuu eno külaliu lokivi sütsa kishekhave tsü nani, kughengu ayeghi ye pighiveni ake.

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

EZEKEL 16:38

Topumi küsalhami toi I no o lau küghathabe nani, aji peleve keu ye küghatha nani, eno aji pele keu loghu ngo anhekushu o shou lepuku nani.

EZEKEL 23:25

I no I mlo kishikumo o shou puku nani, tishikeu lono panoqo no aloghu lono o peitha nani. Panongu no o nigipe eno o kini ghithave tsü nani, eno nongu ghülu kemi ye ghüyi lono wove nani. Panongu no o pu-angaqo küghaluve nani, eno nongu ghülu kemi ye ami lono pitiqhive nani.

EZEKEL 7:11

Kütsakungo keu no kixikila qheküsü toi thuwuvae. Panoqo khumu ghülumo nani, panow kupukuno na küakini namu kühave nani; panoqo gholo akighichemi kühave nani.

EZEKEL 7:19

Panongu no panow ghükayi alaghila lo kuthole, eno ameshoyi ye mithekumo thime toivae. Panow ghükayi ngo ameshoyi ye Ampeu loghu lono xamlae. Panongu ye tipau pesü pano khüava ghapiqi lumoe momu pano kive shepichhi lumoe. Kughengu tino pano pukhu püsüpe axine shiveke.

EZEKEL 7:5

“Ampeu no ishi piani: Kütsakungo keu shelo kütsakungo keu! Julo, ti ye ighivae.

ZEFANIA 1:11

Mloqa lo, O alhikishi-a lo küxümi! Kughengu lhidimi qhoi kühavae; ghükayi huju chekemi kümtsü kütsavae.

ZEFANIA 1:15

Tipa tsala ye aloghu tsala, aghime eno amloghuju tsala, ixapinyi eno kütsale keu tsala, züchiyi keu eno aküzü tsala, khüngküsü kutho zümoike tsala,

ZEFANIA 2:2

xaküthaza shikupu mphi lono —atsala no amuu toi fupe wuve mphi lono— Ampeu loghu pitiqhi keu no o shou ikughi mphi lono, Ampeu xukighide tsala no o lau ighi mphi lono hekütsü lo.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

MATTHEW 16:26

Timi lakhi no ayeghiqha kümtsü paw shive namu pa küxü pühave aye pa ghenguno kiu ala ani kea? Momu timi ye pa küxü theli lo kiu pesü tsülu nani kea?

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 31:17

Tipani I mlo kighide panongu shou ikughi no panoqo pheve nani, panongu launo I gi kughove nani, tileno panongu ye kütsaleve nani. Panongu shou alhoksa ngo shiluküsa kutomo ikughi nani, eno panongu no pi nani, ‘Alhoksa hipaqo ni shou ikughi akeu ye, ni Lhou no ni gholo kühave kehu keshea?’