ZAKINIU 9:9 - Sumi Naga CL (Re-edited) Bible (BSI)

⁹ Kughou Ampeu no nongu sasü puloshoqhi shikeu tupha kini lunike I no iqho keno, ni ye tilau atsala lhobidi kiumu chusho mono ngove.

BAIBEL (BSI)

⁹ AMPEU no nongu sasu puloshoqhi shivekeu yepeqhikeu tu phaqo lunike ino naghutolo iqhoke. Tilau niye pucho tsala putho tsala lhobidi ngove eno kiumu chu shomoke.

ZAKINIU 9:9 Iomraidhean Croise

KUKAMI ATUGHIU 19:8

Elijah no ithughi no chusho luve, eno tipau kumto no pa sasü atsala lhobidi chesü Alhouw naghuto Horeb tolu.

KUKAMI AKINIU 6:22

Pa no khochile, “Moe, no ye aghüshi lono o zütakikihi ngo shexilika pesü akughumi shi küghalu keqo pithiveni keshea? Asho ngo azü pesü panoqo tsülo, eno panongu pelo chusho no pano mpeu lau idewo pelo.”

IPEKULU 24:12

Ampeu no Moses vilo pi, “Naghuto lo I lau ikughi lo eno tilauno I ngokhe lo, tishianguno I no atulupha lo Ayezah ngo azakütsü, khikhi I no panoqo kütsüshika penike yepüani keno tipaqo o tsüni.”

IPEKULU 24:15

Tishino Moses no naghuto lo ikuve, eno khüngküsü no naghuto küzüluve.

IPEKULU 24:18

Moses no khüngküsü dolo ilove no naghuto lo ikuve. Eno Moses ye putho pucho atsala lhobidi naghuto lo ngove.

IPEKULU 31:18

Kughou Ampeu no Sinai Naghuto lono Moses pütsa tave keno, Pa no ashepe tulupha kini, Alhou uloti no yepuku keu atulupha küma pesü Moses tsüve.

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

IPEKULU 34:28

Ikehu Moses ye pucho tsala lhobidi eno putho tsala lhobidi Ampeu gholo ae. Pa ye asho mu chumo azü mu yemoe. Eno pa no atulupha kini lo puloshoqhi tsaqo, Ayezah Chighi yepukue.

MATTHEW 4:2

Putho pucho tsala lhobidi kümvüve kethiu pa ye müzüthive.

Galatiami 4:24

Hi ye akiqipu tsa shi pekide luvi: totimi hi pama ye puloshoqhi kini kiqi. Lakhi no Sinai Naghuto lono, aqüaxe tianuli punu keu; li ye Hagar.

ZAKINIU 8:3

Pa no nongu kuchuni no müzüthive pe, eno manna pesü lojie. Nongu eno no puasüqo mu ti ye kiu keno mthae, ikemu nongu pelo timi ye achuqupu vecheo likhino xülu chemo ikemu Ampeu tsa vecheo xülu nani kepi ithi peniye Pa no hi shike.

ZAKINIU 9:11

Atsala lhobidi thiu Ampeu no puloshoqhi tupha kini I tsüe.

ZAKINIU 9:15

Ikehu I no naghuto lono iqighi kelo naghuto lono ami iqü aghi. Atupha küma I u lo peche.

ZAKINIU 9:18

Tishino itaghi I no Ampeu zülo putho pucho atsala lhobidi itsaqi. Nongu no Ampeu zülo axine shikeu lono Pa mlo shikighide ke ghenguno ni ye kiumu chusho move.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.