ZAKINIU 9:27 - Sumi Naga CL (Re-edited) Bible (BSI)

²⁷ O qemi Abraham, Isaac, eno Jacob kümsülu lo eno timi hipaqo mlo kutho, kixikila, eno pano xine kihitsü kevilo.

BAIBEL (BSI)

²⁷ Oqeu Abraham, Isak eno Jakob kumsulu tsulo eno timi hipaqono kuthovi akeu, lhoksa kugha shi akeu eno panoqo xine shou jupukutsu kevilo.

ZAKINIU 9:27 Iomraidhean Croise

BOTHUBO 19:29

Ikehu kughou Alhou no akhila lo mishighünaqo kütsave keno, Pa no Abraham kümsülu, tileno Pa no mishighüna khikhi Lot no ache keno tipau kütsa akelono Lot saipeghie.

LESHELE 130:3

O Ampeu, Nono axine amichi shi püaghike aye, O Ampeu, khuu no puthugho luniche kea?

LESHELE 78:8

panongu ye pano puasüqo toi kuthovi eno hekibide tiqheli shimo nani, ni puasüqo tiqheli ye iqemokeu mlo xapusü Alhou pükhükulupu shimove.

IPEKULU 13:5

Ampeu no nongu sasü Canaanmi, Hittimi, Amorimi, Hivimi, eno Jebusimi yeghi, akichhizü ngo akhingozü no qowu akeu yeghi, khikhi Pa no nongu puasüqo tsünie pi tushoqhi püa keno, tile ighive kethiu, nongu ye hipa qhi lono tiqhetini hipau ikhiluni.

IPEKULU 3:16

Wulo eno Israel lo layemi hekütsü kumqo no panoqo vilo pilo, ‘Ampeu, nongu puasüqo Lhou, Abraham Lhou, Isaac Lhou eno Jacob Lhou no I lau ipeghi no pi, “Egyptmi no nongu lau kiu shi keno I no nongu chhejuvae,

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

IPEKULU 32:13

Abraham, Isaac, eno Jacob, O qemi khunoqo lau O kutoshino tushoqhi no panoqo vilo, ‘I no atsütsü lo ayepuqo toi o ti kughuko tsüni, eno I no tushoqhive ketoi ayeghi hi kümtsü o tikughukomi tsüni eno panongu no alholo ti ighi luve nani’ ipi püakeu kümsülu lo.”

AHOLE 21:12

Amikuchou no kixikilami kibo chheju cheni; pa no kixikilami sünheqhipe kütsave cheni.

JEREMIYA 14:21

O je ghenguno ningu thaigha tsü kevilo; O jekipipu kükalakhü shipünha kevilo; ni sasü puloshoqhi shikeu hepho kevino kümsülu tsülo.

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

ACHINE 26:42

I no Jacob, Isaac, eno Abraham sasü Iw puloshoqhi shikeu kümsülu nani, eno aghakhu kümsülu nani.

ACHINE 26:45

I no panongu ghenguno Iw puloshoqhi pano puasüqo sasü shikeu kümsü luni, I no pano Lhou shiniye shiyeqo nhethe lono Egypt lono saipeghi ke: Ni ye Ampeu ke.”

ZAKINIU 9:26

Tile I no Ampeu lau ishi inikhue, ‘O Ampeu Alhou, O mheghi timi, Nono O küka kije lono xachilelu, eno O u no Egypt lono saipeghi keqo kütsave kevilo.

ZAKINIU 9:28

Tikumo aye, Nono ni saipeghi keu yeghi no ishi pi nosae, “Ampeu ye Pa no piqhikeu yeghi lo panongu sailo mlavae, eno panongu mithi kehu sawo asayeqha lono pithive niye ani.”

SAMUEL ATUGHIU 25:25

I mpeu no ameküküha timi, Nabal hipau akhoto shitsü kevilo, kughengu pa ye pa je paphishi Nabal ke, ikehu mbomzü no pa lolo ani. Ikemu ni o qeu ye I mpeu no ow apumiqo puwu keqo ithumlae.