ZAKINIU 9:1 - Sumi Naga CL (Re-edited) Bible (BSI)

¹ “Inilo, O Israel: nongu ye ishi tsala lono Jordan katha iku nongu nguno akijeu akumtou shiyeqo, eno shishe kije eno aliwo no iku atsütsü toni keshi akeu phughiqo haphe niye ani.

BAIBEL (BSI)

¹ “Inilo, Israilmiqo! ishi tsalalo nonguye Jordan katha ikuni cheni eno nongu nguno akijeu akumtou shiayehqo yeghilo ngoluveni chenike. Panoqo phughiye akuloghike eno akuptuqoye atsutsu toni keshi anike.

ZAKINIU 9:1 Iomraidhean Croise

BOTHUBO 11:4

Tithiu panongu no pi, “Ighilo, ningu ampi no mishighüna eno qogheki lakhi, tipa kütsüqa no atsütsü ikuto mlani nolo, eno ni likhi ni juaje shini nolo, tikumo aye ningu ye ayeghi lono apanaghave nosae.”

IPEKULU 32:1

Kughou Moses no naghuto lono iqighini keu süpushu auve keu timiqo no ithive keno, panongu no Aaron lau hekütsü luve no pa vilo pi, “Ithulo, alhou khunono ni züu shi wunani keno, ningu ghenguno mla tsülo. Moses hipau, Egypt lono ni saipeghi keu ye pa lau kiu shive akeno ningu ye ithi movae.”

DANIEL 4:11

Asübo huye thuwuve no akumto shive, eno tipau akemtsü no atsütsü tove, tipau ye ayeghi shekhau kutolo ithulue.

AMUS 2:9

“Ikeghi panoqo zülono Amorimi kütsave keu ye I no ke, panongu ye akiqhelau Cedarbo toi chuqumghai eno aphisü toi choshiyike; kunguu no pa xathi eno aqhou no pa kuhu aghü I no kütsave tsü.

AKIKIHI 13:22

Tipa züuno panongu no Negeb lo iqhove no Hebron lo ighi. Tile Anak kughukomi Ahiman, Sheshai eno Talmai laghami no küghüna acheghi. (Hebron ye Egypt lo Zoan nguno ampe tsüni züuno aphughi shiveke,)

AKIKIHI 33:51

“Israelmi vilo ishi pilo, Kughou nongu no Jordan kathasü Canaan lo iloni keno,

ZAKINIU 1:28

Ningu ye khila wucheni kea? Ni thiküzümi no ishi pikeu lono ni shikümsavae, “Tilau timiqo ye ningu nguno akuchuqu eno akumtou. Pano mishighünaqo ye kije eno aliwo no atsütsü kuto shiqhe püani. Tinguno alau nino Anakim nuli ithulue.”’

ZAKINIU 11:23

Ampeu no nongu zülono shiye hi kümtsü hapheve tsü nani, eno nongu ye nongu nguno shiye akijeu eno akumtou yeghi haphelu nani.

ZAKINIU 11:31

Kughengu nongu ye Jordan katha iku Ampeu nongu Lhou no nongu tsü akeu yeghi lo ngoluni cheae. Kughou nongu no ti pükhalu no tile ngoluni keno,

ZAKINIU 27:2

Nongu no Jordan katha iku Ampeu nongu Lhou no ayeghi tsü akeu lo iloluke tsalani no nongu ye atupha kije ghope qhino aghani pesü nudape qhilo.

ZAKINIU 3:18

“Tipa ghuloki lo, I no nongu azah tsü, ‘Ampeu nongu Lhou no ayeghi hipau pesü nongu tsüvae. Ikemu now aghütomi kümtsü aghü nanu xapu nongu thiküzümi Israelmi züuno Jordan katha ikulo.

ZAKINIU 4:1

“Itehi I no nongu shika akeu khuaye ngo pimheye papelo, tishikeu lono Ampeu no puasü Lhou no nongu tsü akeu yeghi lo ilolu nani.

ZAKINIU 4:38

Nongu zülono nongu nguno akijeu eno akumtou shiyeqo hapheve tsü tishino nongu sailo pano yeghi pesü ishi kutolo nongu mheghi shitsü ke.

ZAKINIU 6:10

“Ampeu nongu Lhou no nongu puasü Abraham, Isaac, eno Jacob tsünike tushoqhi keu yeghi lo nongu sailoghi no nongu no shiqhemo keu phughi kije eno akivi nongu tsükelo,

ZAKINIU 7:1

“Kughou nongu no pükha niye akeu yeghi lo Ampeu nongu Lhou no nongu sailoghi nike nongu nguno akumtou eno timi kütsasa akemi shiye tsüni, Hittimi, Girgashimi, Amorimi, Canaanmi, Perizimi, Hivimi eno Jebusimi hapheni keno,

JOSHUA 1:11

“Aghazü mta kathasü wuno timiqo kütüghü lo, ‘Nongu chuqupu kutoluve lo, kughengu atsala küthü dolono nongu ye hi Jordan katha iku Ampeu nongu Lhou no nongu tsü akeu yeghi qhasü luniae.’”

JOSHUA 1:15

eno Ampeu no nongu kulhoqhi tsüke toi, nongu thiküzümi kulhoqhi tsülu kemtsa eno Ampeu no panongu tsü akeu yeghi leluve kethiuno nongu ye Ampeu qeu Moses no Jordan kipelau ayeghi nongu tsükeu lo ideighi no ngolu nani.”

JOSHUA 14:12

Tishiaye itehi, tipa tsalani Ampeu no piqhikeu yeghi hu I tsülo, kughengu Anakimi no kishi aliwo kumto no mishighüna bothasü keu lo ache keno, tipa tsalani no ghi chilue. Ikemu Ampeu no I gholo ngono I no hupaqo haphe luve nanie pike.”

JOSHUA 3:14

Ikehu kughou timiqo no apushoqo qhive no Jordan putha nike wu keno, achinemi no panongu züu Puloshoqhi Bohu pesü che

JOSHUA 3:16

azü lashou no qoiqighi akeqo no qomono kuchove. Zarethan phivilo Adam mishighüna kutolo azü choluve eno Arabah Züghi ngo Amti Züghi lo qowu akeu ghi lakhave tsüe. Tishino timiqo no kathasü Jericho ghüngü lo ikuve.

JOSHUA 3:6

Tithiu Joshua no achinemi vilo pi, “Puloshoqhi Bohu pesü timiqo züu wulo.” Ikehu panongu no ti pesü timiqo züuno chewu.

JOSHUA 4:19

Timiqo no aqhi atüghüu lo atsala achighini no Jordan lono ipeghi eno Jericho lughi kipelau Gilgal lo aghazü shive.

JOSHUA 4:5

panongu vilo pi, “Ampeu nongu Lhouw Puloshoqhi Bohu züuno Jordan lo wulo eno nongu lakhikhi no nongu bighi lono atu pelulo, ti ye Israelmi shiaye lakhikhi kiqi lono,