ZAKINIU 8:15 - Sumi Naga CL (Re-edited) Bible (BSI)

¹⁵ Pa no akümsa küighüpu sayeqha khile tüghükupu pighi ngo achuwopaza ani eno azü küha keno, ti kathasü nongu sawu eno atuqu lono azü qoipeghi peke.

BAIBEL (BSI)

¹⁵ Akumsa kuighupu sayeqha kathasu pano nongu sawuke tile tughu kupu pighi ngo achuwapaza acheke. Qhai azu kuhake yeghi tipaulo pano nongu ghenguno atuqu kuloghi lono azu qoipeghi peke.

ZAKINIU 8:15 Iomraidhean Croise

LESHELE 105:41

Pa no atuqu lhaphe kelo azü no qoipeghi; tino aghoki toi asayeqha lo qowu.

LESHELE 114:8

Pa no atuqu pesü azükucho-a shivetsü, atuitu pesü azüpuki shivetsüe.

LESHELE 136:16

Pa no Paw timi sasü asayeqha katha wue; kughengu Paw iqemokeu kikimiye ye alholo acheni;

ISAIAH 30:6

Negeb lo tüghashi akeqo shou pimhelu keu tsape. Judah lashikami no akümsapu-a, khile abongshuu, athicho pighi, eno yewukiche pighi ani keno ti kathasü khurha ngo sayeshi mqa lono aküakini xapu pano kuphu mlani kemi shiaye tsücheni.

ISAIAH 35:7

asaye külü lono azükikhe ipeghive nani, qhaike-a lono azüpuki auve nani; tüngtügha no acheke-a lono asalebo ngo amtübo ipeghive nani.

ISAIAH 43:19

Julo, I no avehu kithe shi ani; ti ye ipeghi ayae, nongu ye ti pimhelu ani kema? I no timi küghünamo ke-a lo alaghi mla nani eno asayeli lo aghoki mla nani.

JEREMIYA 2:6

Panongu ye ishi pimoe, ‘Egypt yeghi lono ningu saipeghi no yenguyi ke-a, asayeqha eno anhepho yeghi lo, züha yeghi eno aküzü kutho khunomu kathamo eno küghüna mokeu yeghi lo ni sawu keu Ampeu khile ani kea?’

HOSIYA 13:5

Asayeqha eno züha yeghi lono no ithikeu ye I no ke;

AKIKIHI 20:11

Moses no aküsü peqhe no atuqu shou ghuthu kini ghapuku kelo azü no kupukuno shi ipeghi, eno timi ngo lhoxü kümtsü azü yelu.

AKIKIHI 21:6

Tileno Ampeu no timiqo gholo tüghükupu pighi puwu no Israelmi kutomo mighi pithivepe.

1 Kor. 10:4

eno kümtsü no aghungu lo zü yeke. Kughengu panongu no pano pape chekeu ghungu Tuqu lono azü yeke, eno Atuqu tipau ye Khristo ke.

ZAKINIU 1:19

“Tishino Ampeu ni Lhou zakütsü kiqi lono, ningu no Horeb lono chesü Amorimi ato yeghi lo wucheke laghi lo kümsapu sayeqha nongu no ithulu keu kathasü wuno Kadesh-barnea lo ighie.

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.