ZAKINIU 7:2 - Sumi Naga CL (Re-edited) Bible (BSI)

² eno kughou Ampeu nongu Lhou no tipaqo nongu u lo süve tsüno nongu no tipaqo leluveni keno, nongu ye kümtsü kütsave masae. Nongu ye pano sasü puloshoqhi shimoni eno kimiyekini piye moni.

BAIBEL (BSI)

² AMPEU nongu Lhou no timi hipaqo puhave penike akuka nongu tsuaye nongu ye panoqo kumtsu pithikhave masake. Panoqo sasu kulakishi shikevilo momu kitilamu panoqo kimiye kevilo.

ZAKINIU 7:2 Iomraidhean Croise

BOTHUBO 14:20

eno Shishe Akiqheu Lhou, Khuu no o ghümi pesü o u lo sütsü keno, Pa sheqhelo!” Eno Abram no thokha kümtsü lo chighi lo saje lakhi pa tsüe.

SAMUEL AKINIU 21:2

Tighenguno akükau no Gibeonmi kuno pütsa. Gibeonmi ye Israelmi kumo kemu Amorimi ghükulumi ke. Israelmi no panongu süsho tsünipi ashoqhi shipüa kemu Saul no Israelmi ngo Judahmi lau pa zükini shi anipi panongu pithive niye shike.

KUKAMI ATUGHIU 20:34

Ben-hadad no pa vilo pi, “I pu no o pu u lono mishighüna luve keqo I no tsüchile veni, eno I pu no Samaria lo shike toi no ghi Damascus lo lhidi shilulo.” Ahab no pi, “Nono pikeu bekütha lono I no o khaqhi pheveni.” Ikehu Ahab no pa sasü puloshoqhi shive no puwuve.

EZRA 10:3

Ikehu I mpeu no kichemije tsükeu eno khunono ni Lhou zakütsü lo msa khokhoshi cheni keno, tipaqo kükümsü kiqi lono nino anipu eno atianuli hi kümtsü pheveni ke ni Lhou sasü puloshoqhi shini nolo, eno ti ye Ayezah kiqi lono shinie.

LESHELE 106:34

Panongu ye Ampeu no panoqo azah tsüke toi, timiqo kütsa khamove ke,

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

AKIKIHI 21:2

Tileno Israelmi no Ampeu lau ishi ashoqhi lakhi shi: “Tsala Nono ni pelo timi hipaqo leluvepe aye nino pano phughiqo ikhiphepe O tsükeu shi kümtsü kütsave tsüni.”

AKIKIHI 31:17

Tighenguno itehi itimiqo gholo kiptimi thaqhü eno totimi dolo kiptimi sasü kikivive aghi kemi thaqhü ghiqhive lo.

AKIKIHI 33:52

nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

ZAKINIU 13:8

o pütsaqhi luvepe kevi, pa tsa ini kevi, pa kimiyeqhiyi kevi, momu pa kipimi küsüve kevilo.

ZAKINIU 13:9

Ikemu pa pithive lo. Pa pithini ke nou no atüghüu shini, tithiu no kütami no papeni.

ZAKINIU 19:13

Pa kimiye qhiyi moni, ikemu Israel lono pimimo kemi ji pelekeu ngusü ikhive lo, tishianguno nongu kivipu shilu nani.

ZAKINIU 2:33

Ikemu Ampeu ni Lhou no pa pesü ningu u lo süvetsü eno ningu no pa eno pa nuli ngo timi kümtsü leluve.

ZAKINIU 2:34

Tipa tüqhüdo lono ningu no pa phughi kümtsü leluve no kiptimi, totimi eno atianuli lakhimu püxü mono pithive tsü.

ZAKINIU 23:14

Kughengu Ampeu nongu Lhou ye nongu xaphelu eno nongu u lo aghümi süve tsüniye aghazü mta lono chesü iqhoiqi acheni kehu nongu ghazü ye akimthe shimasae, tikumo aye Pa no mithekumo ithulu no nongu launo tsüghüve nosake.

ZAKINIU 25:12

li u micheve tsülo. Kimiye qhiyi li shou jupuku moni.

ZAKINIU 3:3

Ampeu ni Lhou no Bashan kükau Og ningu u lo süvetsü eno ningu no milakhimu poka pemono pithive.

ZAKINIU 31:5

Ampeu no panoqo shou nongu pelo tokulu shilupe nani, I no nongu vilo pikeu kiqi lono panoqo lau shilo.

ZAKINIU 33:27

Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

ZAKINIU 7:16

Ampeu nongu Lhou no nongu u lo sütsü keu shiaye kümtsü kütsave lo. Nongu nhethi no kimiyeqhiyi pano jumoni, momu pano lhouqo mlla moni, kughengu tino nongu meluve nani.

ZAKINIU 9:3

Tighenguno ishi tsala lo hi ithilo, khuu amiküqü toi nongu züu cheni keno, Pa ye Ampeu nongu Lhou ke. Pa no nongu zülono panongu kütsave no qhasüve nani. Pa no nongu vilo piqhive ketoi, nongu no panoqo hapheve no paikhavi püghave nani.

JOSHUA 10:28

Joshua no tipani Makkedah leluve eno akükau küghaluve. Pa no azütakikihi no timi kümtsü ghiqhive; tile mi lakhimu püxü move. Eno pa no Jericho kükau lau shi ketoi, tile akükau lau ghi tishive.

JOSHUA 10:30

Ampeu no tipa phughi eno akükau pesü Israelmi tsüve. Panongu no lakhimu ghümono kümtsü pithive, panongu no Jericho kükau lau shike toi tipau kükau lau shive.

JOSHUA 10:32

Eno Ampeu no Lachish pesü Israelmi u lo süvetsü eno thoghiu ye pa no aphughi tipau leluve eno Libnah lo toi timi kümtsü azütakikihi pesü ghiqhive.

JOSHUA 10:40

Ikehu Joshua no tipaqha kümtsü leluve; ato lo aphughiqo eno qhaike yeghi, naghuto pukhu qha eno akhila ngo tipaqha lo kükami kümtsü leluve. Pa no timi lakhimu qhimono, atuthu she akeqo thaqhü pithive; ti ye Ampeu Alhou no azah tsükeu kiqi lono ke.

JOSHUA 10:42

Joshua no ghuthu khavino kükami hipaqo eno pano yeghi kümtsü leluve, kughengu Ampeu Israel Lhou no Israel züqhushi aghüshi tsüke.

JOSHUA 11:8

Ampeu no panongu pesü Israelmi lau phesüve tsüno Israelmi no panongu hasü Sidon Akijeu eno Misrephoth-maim, eno kipelau Mizpah khila kutolo wuve. Panongu no tipaqo lakhimu ghümono kütsave.

JOSHUA 2:14

Timi pama no khochile, “Ni küxü ye no ghenguno akithi kutolomu tsüveni! Tsala nono ni vehu hipau piphe tsümo aye, kughou Ampeu no ayeghi ni u lo phesüve tsüni keno, nino akivishi eno piqhi püakeu kiqi lono nongu tucho nani.”

JOSHUA 21:44

Ampeu no pano puasü lau piqhi püake toi panongu pelo akulho qhilupe. Pano ghümi lakhi nomu pano zülo puthugho mlae, kughengu Ampeu no aghümi kümtsü Israelmi u lo süve tsüke.

JOSHUA 8:24

Israelmi no yenguyi ke-a khile panongu no haighi keno, tile no panongu no Aimi kümtsü azütakikihi pesü ghiqhi khave eno lakhimu püxümo, tishino idewo Ai phughi lo ilo no kümtsü ghiqhi pithi khave.

JOSHUA 9:24

Panongu no Joshua khochile, “Nino tishiveke, kughengu Ampeu o Lhou no Pa qeu Moses vecheo Azah tsükeu no ayeghi hi kümtsü nongu tsüni eno hipa yeghi lo küghüna akemi kümtsü nongu nhethe lono kütsavelo pike.

JOSHUA 9:7

Ikemu Israelmi no Hivimi vilo pi, “Nongu ye ni phivilo xüküami shi aghi luvike ningu ye kishino nongu sasü visho shini kea?”

XAKUTHAMI 1:24

Pukujumi no timi lakhi aphughi lono ipe cheghi keu ithulu kehu pa vilo pi, “Kimiyeno aphughi lo iloni keu la ningu piyelo, tishi aye nino o ghime monani.”

XAKUTHAMI 1:4

Tishino Judah no iqho eno Ampeu no Canaanmi ngo Perizimi panongu u lo süvetsü, eno panongu no Bezek lo timi 10,000 theqhive.

XAKUTHAMI 2:2

nongu ye hipa ghakhu lo küghüna akemi sasü khilemu puloshoqhi shi kevilo; eno nongu ye panongu kümlla khacheqo tuleqhi khave masae.’ Ikemu nongu no I tsa lumovae. Nongu ye kiu shive akea?