ZAKINIU 7:13 - Sumi Naga CL (Re-edited) Bible (BSI)

¹³ Pa no nongu kimiye, kümghatsü, eno kughuko tsü nani. Pa no nongu puasüqo lau tushoqhi keu yeghi lo nongu polo kughukomi kümghatsü nani, eno no luza lo axathi, athi, atsaizü, eno thazü kümghatsü nani, now amishi eno ambe loji lo atiqo kughuko tsü nani.

BAIBEL (BSI)

¹³ Pano nongu kimiye eno kumghatsu nani, tishianguno nonguye timi kutomo shiluve nani eno atianuli kutomo shilu nani; pano nongu luza kumghatsu nani tishikeulo nonguye athi, atsayi-ji eno oliv teli alu nani. Pano nopuasuqo vilo ayeghi hipau nongu tsunikeu shi tushoqhive keulo kukumgha hipaqo kumtsu nongu tsu nanike.

ZAKINIU 7:13 Iomraidhean Croise

NEHEMIA 9:32

“Tighenguno itehi, ni Lhou, akijeu, akumtou, eno akichiqhipu Lhou, puloshoqhi eno iqemokeu kikimiye pekupu chekeu, Assyria kükami ghuloki lono ishi kutolo aghime ni shou ikughi keu eno niw kükami, sakiphemi, achinemi, tungkupmi, apuasü, eno timi kümtsü shou ikughi keu jukuloti tsü kevilo.

JOB 1:10

Nono pa kibo eno paw pichepighi qhoi putukhave no ala kümtsü lono botha luveke kumo? Pa kümla kümtsü Nono kughuko tsüno pa tsüaqu no ayeghi nhakha luve ake.

JOB 42:12

AMPEU no Job küxü hukuthu lo nguno alau ashekhalau no pa kümghatsü. Ikehu pa ye ambe qhethonhe chighibidi, sayeshi 6,000, amshitsü 1,000, eno khurhaqu 1,000 auve.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 107:38

Paw kükümgha vecheo panongu ye shishe kughuko luve, eno Pa no panow pichepighi lhoxü mpive pemoe.

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.

LESHELE 127:3

Julo, atianuli ye Ampeu launo ighikeu mheghi ke, atita lo xathi ye asaxü ke.

LESHELE 146:8

Ampeu no anhechemi nhethi khaqhi tsücheni; khunono qhoqhü itsaqi cheni keno Ampeu no xaqhe cheni; Ampeu no amikuchomi kimiye cheni.

IPEKULU 23:25

Nongu ye Ampeu nongu Lhou qeni, eno Pa no chuqu-kusho pesü nongu kümghatsü nani, eno I no küsükini nongu gholono ikhivetsü nani.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

AHOLE 15:9

Kixikilami laghi ye Ampeu zülo aphikümqhüpue, ikemu Pa no achipiu mikucho phukemi kimiye cheni.

ACHINE 26:9

I no nongu kümgha tsüno atianuli kughuko tsü nani eno nongu sasü puloshoqhi shikeu peche nani.

MATTHEW 6:33

Ikemu atüghüshi Alhou yekipe eno Pa mikucho phulo, eno thime hi kümtsü pesü nongu lau küphatsü nani.

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 15:10

I no I Pu zakütsü papelu no Paw kikimiye lo kimepe ache ketoi, nongu no I zakütsü papelu aye Iw kikimiye lo anani.

John 16:27

kughengu Apu ampi no nongu kimiye ani, kughengu nongu no I kimiye eno ni ye Alhou launo ighi kepi pülübe luvae.

ZAKINIU 1:8

Julo, I no ayeghi hipaqo nongu tsüvae, Ampeu no nongu puasü Abraham, Isaac, eno Jacob ngo pano laghami tsünike piqhi püakeu yeghi lulo.’

ZAKINIU 13:17

Kütsaveni keu nhemgha kiumu lumoni, tishikeu lono Ampeu no amloide moveno nongu kimiyeqhiyive nani, eno no puasüqo lau tushoqhi ketoi nongu kughuko tsü nani,

ZAKINIU 28:1

“Nongu no Ampeu nongu Lhou gholu eno ishi tsala lo I no azah nongu tsü akeu kümtsü tsaqüi pelu aye, Pa no ayeghi lo shiye akeqo kümtsü nguno akiqheu lo nongu süqhe nani.

ZAKINIU 28:11

Ampeu no nongu puasüqo tsünike tushoqhi keu yeghi lo kinikülü kupukuno shi nongu tsü nani, no tianuli kughuko tsü, pichepighi lhoxü lo eno tüxatini kümgha tsü nani.

ZAKINIU 30:5

Ampeu nongu Lhou no nongu puasüqo mheghi yeghi lo nongu saghi no nongu pelo tile ngope nani. Eno Pa no nongu puasüqo nguno alau kinikülü ngo atianuli kughuko tsü nani.

ZAKINIU 7:7

Nongu no kütami nguno kutomo kehu Ampeu no nongu kimiye eno kishelu ke kumoe, kughengu nongu ye ashiayeqo kümtsü dolo aghuloue.