ZAKINIU 6:18 - Sumi Naga CL (Re-edited) Bible (BSI)

¹⁸ Ampeu zülo kiu no achipi eno alo keno ti shilo, tishianguno nongu kivipu shinani, eno Ampeu no nongu puasüqo tsünike tushoqhi keu aghüma yeghi lo ilo no pükhalu nani.

BAIBEL (BSI)

¹⁸ AMPEU no kiu pesu achipi eno alo pi cheni keno tipau shilo eno nonguye thwokhalo akivipu shilu nanike. Nonguye AMPEU no nongu puasu vilo tushoqhivekeu aghuma yeghi pesu amheghi shilu nanike,

ZAKINIU 6:18 Iomraidhean Croise

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

ISAIAH 3:10

Amikuchomi vilo pano sala akivi anie pilo, kughengu pano ye pano kümla xochu nani.

ISAIAH 38:3

“O Ampeu, I no kishi O zülo pükhükulu eno amlo tsüqhiyi shi püzü O nhethe lo akivi shiche keno, kimiyeno kümsülu tsülo.” Eno pa ye amlo ghujushi qauve.

EZEKEL 18:19

“Ikeghi nongu no pi, ‘Anu ye kushiye apu kipimi ghenguno aghime shimoni kea?’ Kughou anu no kiu achipi eno kuchou keno shi aye, eno I yezah kümtsü kutokupui pape aye, pa ye mtsüqheino xü nani.

EZEKEL 18:21

“Ikemu tsala kixikilami no pa no mlaitha chekeu xineqo lono tsüghü ighi no I yezah kümtsü pape eno kiu no achipi eno kuchou keno shi aye, pa ye mtsüqheino xü nani; pa ye thimo nani.

EZEKEL 18:27

Itaghi, kughou kixikilami no pa no küsakügha mlaitha chekeu lono tsüghü ighi no achipiu eno kuchou shini keno, pa ye pa küxü xalu nani.

EZEKEL 18:5

“Tsala milakhi no amikucho eno kiu no achipi eno kuchou keno shi cheghi aye,

EZEKEL 33:14

Itaghi, I no kixikilau vilo, ‘No ye mtsüqheino thinani,’ ipi püaghi namu, pa no pa xine lono tsüghüve no kiu no achipi eno kuchou keno mla aye,

EZEKEL 33:16

Pa no shive keqo xine kiumu pa lachile keu shi kümsülu tsümo nani. Pa ye kiu no kuchou eno achipi keno shivae; pa ye mtsüqheino xülu nani.

EZEKEL 33:19

Ikemu kughou kixikilami no paw kixikila lono tsüghüsü achipiu eno kuchou shini keno, pa ye hipau vecheo xülu nani.

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

John 8:29

Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

ZAKINIU 12:25

Nongu ye ti chumoni, kughengu nongu no Ampeu zülo kiu no achipi keno ti shiaye, nongu eno no tianuli ghenguno akivipu shinani.

ZAKINIU 12:28

I no azah nongu tsükeu thokha pekupu nike pükapütsa lo, tishianguno nongu eno no tianuli ghenguno alholo akivipu shinani, kughengu kiu no akivi eno achipi keno tishi aye akivipu ke.

ZAKINIU 13:18

nongu no Ampeu nongu Lhou zakütsü khikhi ishi tsala lo I no nongu tsü ani keno, tipaqo pelu no Ampeu zülo kiu no achipi keno ti shilu aye tishitsü nani.

ZAKINIU 4:40

Tighenguno ishi tsala lo I no nongu tsü akeu khuaye eno zakütsü kümtsü pelulo, tishianguno nongu eno no polo kughukomi kümtsü akivi shilu peni, eno Ampeu nongu Lhou no alhokuthu ghenguno nongu tsü akeu yeghi lo axüshulu penie.”

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

ZAKINIU 6:10

“Ampeu nongu Lhou no nongu puasü Abraham, Isaac, eno Jacob tsünike tushoqhi keu yeghi lo nongu sailoghi no nongu no shiqhemo keu phughi kije eno akivi nongu tsükelo,

ZAKINIU 6:19

Ampeu no piveke toi Pa no nongu zülono no ghümi hapheve tsü nani.

ZAKINIU 8:11

“Ampeu nongu Lhou zakütsü eno pimheye ngo akhuaye khikhi I no ishi tsala lo nongu tsüani keno, kümtsü pape mono Pa kümsümave nosake kutokupui lo.