ZAKINIU 5:14 - Sumi Naga CL (Re-edited) Bible (BSI)

¹⁴ ikemu atsala akütsüniu ye Ampeu nongu Lhou lau Sabbath tsalake. Tipani ye nongu na no tianuli na, aqemi eno aqelimi na, atsüaqu na, momu inaghami no gholo akemi namu, kiu kümlamu shimoni. No qemi eno aqelimi ghi nongu toi akulhoqhi pelo.

BAIBEL (BSI)

¹⁴ ikemu atsala akutsuniuye akulhokiqhi tsala ikhiphepe itsuvekeu ke. Nongu na nongu tianuli na, noqemi na, notsu-aqu na momu inaghami noghakhulo aghikemi pinamu tipa tsalalo khuunomu mla kepu kumoe. Noqemighi nongu toi akulhoqhi masake.

ZAKINIU 5:14 Iomraidhean Croise

BOTHUBO 2:2

Eno atsala akütsüniu loye Alhou no kiu mla akeno qhoi mlaqhive, eno Pa no atsala akütsüniu loye Pa kümla lono akulhoqhive.

NEHEMIA 13:15

Tipa ghuloki lo Judah lo timiqo no Sabbath tsala lo atsaithi lono atsaizü qophe aghikeu I no ithulu, eno athi amoqhepe qhikeqo ngo atsaizü, atsaithi, mubuthi, eno kütau thimeqo panow khurha pipe no Sabbath tsalani no Jerusalem lo pewu cheghi. Ikehu I no Sabbath tsala loye kiumu jemla kepi lakhave.

NEHEMIA 13:16

Tyremi aphughi lo xüküami ghi akha ngo tinhemgha jeli pesü ighi no Sabbath tsalani no Judahmi lau je cheghi eno Jerusalem lou ghi je aghive!

NEHEMIA 13:21

Ikemu I no panoqo kütüghü no pi, “Nongu ye kushiye akupuwu khalau züani kea? Tsala nongu no itaghi hitoi shi aye, I u nongu shou ikughi niae.” Tinguno tilauye Sabbath tsalani ye panongu ghi ighi move.

NEHEMIA 5:5

Ni phimpi ghi ni thiküzümi phimpi toi, ni tianuli ghi pano tianuli toi, ikeghi ningu ye ni tianuli pelo aqüaxe shive anipe eno ningu ngaqo khami ye aqü-axe lo jesüvae. Ikemu ningu ye tipaqo mjochileni keu küka kühavae, kughengu ningu lu eno atsailu kümtsü timi kütami no lukhavae.”

IPEKULU 23:12

“Atsala tsügho dolo nono o kümla shini, ikemu atsala akütsüniu loye akulhoqhi lo; tishianguno o mishitsü ngo ow khurha no akulho qhilu peni, eno o qemi totimi nuli ngo shoinami pelo aghüthi püxü kithelu penie.

ACHINE 23:3

“Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

Mark 2:27

Jisü no itaghi panoqo vilo pi, “Sabbath ghenguno timi lhoke kumono timi ghenguno Sabbath mla tsüe.

Luke 23:56

Tithiu panongu no idewo axokütsüngü eno shikipivi tsüni kutope qhive. Azakütsü kiqi lono panongu no Sabbath loye akulhoqhive.

ZAKINIU 5:13

Atsala tsügho dolono nongu kümla thokha shini,

IBRIMI 4:4

Kughengu khileala Pa no atsala akütsüniu vehu ishi pi püani, “Atsala akütsüniu lo Alhou no Pa kümla kümtsü tave no akulhoqhive.”