ZAKINIU 4:9 - Sumi Naga CL (Re-edited) Bible (BSI)

⁹ “Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

BAIBEL (BSI)

⁹ Nonguno jukutokugholulo! No likhi no nhethino kiu ithuluve akeno nonguno xuake tivilo kumsumamonike mutsumishei shilo. No tianuli eno notilimi vilo

ZAKINIU 4:9 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 71:18

Ikehu I no kitemi shive no asa mpave namu O küka pesü ighini keu tiqhelimi vilo sheshulu moke kutolo I pheve kevilo, O Alhou.

IPEKULU 10:2

eno nongu pelo nongu nuli eno atilimi vilo I no kishi mkamihi Egyptmi peitha eno kiu michipu panoqo lau shitsü keno pi peniye, tishianguno nongu pelo Ni ye Ampeu kepi ithi peniye ke.”

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

AHOLE 1:8

I nu, o pu kükütsütsa inilo, eno o zaw shiküka milive kevilo,

AHOLE 23:26

I nu, o mlo I tsülo, eno o nhethi no I no xüchekeu laghi chheju lo.

AHOLE 3:21

I nu, alokütsü eno kimchikulupu kighithi püha kevino pelulo,

AHOLE 7:1

I nu, I no pikeu tsa pelulo eno I zakütsüqo kütsüpe o gholo qhilo;

ISAIAH 38:19

Atsala hipau lo I no shi aketoi küxümi likhino O sheqhelu cheni; Apu no O pükhükulu ghili pesü anuliqo vilo pichenie.

ISAIAH 42:20

Pa ye thime kutomo ithulu cheni kemu chheju chemoe; pa kini ye xukhope ani kemu chilu chemoe.

JEREMIYA 17:21

Ampeu no ishi piani: Sabbath tsala lo akho pumo nike kutokupui lo, momu Jerusalem khaghoqo veche ilo kevilo,

Luke 8:18

Tighenguno nongu ye kishi chilu cheni keno tsaqüi shilo, kughengu khuu no aghini keno alau shi tsü nani, eno khuu no aghi moni keno, pa no kiu anie pi kümsü cheni keno, tiu ghi luve tsü nani.”

Ephesiami 6:4

Apunoqo, nongu tianuli mlo shikighide tsü kevilo, ikemu Ampeu no kütsü shika eno qophe chekeu ghola lono panongu saputhu lo.

ZAKINIU 11:19

Hipaqo pesü no tianuli shika lo, nongu no aki lo akelo, khalau chekelo, züake lo eno ithu akelo, hipaqo pesü pialo.

ZAKINIU 12:1

“Ampeu nongu puasüqo Lhou no nongu tsüakeu yeghi lo ilo kelo, nongu no xüake tivilo akhuaye ngo pimheye hipaqo pelu lo.

ZAKINIU 16:3

Tipau ghulhu lo kholaqhi sükeu sho chumoni. Atsala tsüni dolo nongu ye kholaqhi sümokeu, aghime kitikhi sho chuni, kughengu nongu ye mighimghai Egypt lono ipeghi ke, tishikeu lono nongu no aküxü tivilo Egypt lono ipeghi keu tsala kümsülu chenani.

ZAKINIU 17:19

Kaku tipau ye pa phivilo qhini, eno pa küxü tivilo phini, tishianguno pa ye ayezah eno akhuaye kümtsü pelu keu vecheo Ampeu nongu Lhou sümsani keu shikalu nani,

ZAKINIU 29:29

“Tuqhou thimeqo ye Ampeu ni Lhouw ke, ikemu thime pephe piyeve keqo no alhokupuju ningu eno ni tianuliqo salae, tishianguno ningu pelo Ayezah hipau lo akeu thokha shipeniye ke.

ZAKINIU 31:19

“Tighenguno itehi ale hipau yelo eno Israelmi shika lo. Hi no I ghenguno Israelmi shou thopi shipenike panoqo shika lo.

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.

ZAKINIU 4:10

Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

ZAKINIU 6:12

nongu ye Ampeu khuu Egypt lo aqüaxe lono nongu saipeghi keno, Pa kümsümave nosake tsükhüi lo.

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

ZAKINIU 6:20

“Hithiu nongu tianuli no nongu vilo, ‘Ampeu ni Lhou no azah tsükeu lo ashepe, akhuaye, eno pimheye kiqi ye kiu kea?’ ipi ighiju kelo,

ZAKINIU 6:7

Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

ZAKINIU 8:11

“Ampeu nongu Lhou zakütsü eno pimheye ngo akhuaye khikhi I no ishi tsala lo nongu tsüani keno, kümtsü pape mono Pa kümsümave nosake kutokupui lo.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

IBRIMI 2:1

Tighenguno ningu no kiu chiluve akeno tipau lo amlo tsüshe masae, tikumo aye ningu ye putosüve nosae.

IBRIMI 2:3

xakulupu kije hikithipu kughuchove aye, kishino ningu ye poluni kea? Ampeu no atüghüshi hi sheshue, eno tithiu khunoqo no chilu keno panongu no ni vilo mtsüqhei shitsüe.

James 2:22

Nono ithulu anino pa küpülü ye pa kümla gholono mla ae eno pa kümla vecheo aküpülü shikupu tsüe;

JOSHUA 1:18

Khuu no nono azah tsükeu ghechile eno o tsa pape moni keno, pa ye pithiveni. Qeti akumto shilo eno amlo kuloghi shilo.”

JOSHUA 23:11

Tighenguno Ampeu Alhou qhuivü nike kutokupui lo.

JOSHUA 4:21

Eno pa no Israelmi vilo pi, “Hithiu no tianuli no ‘Hi atuqo ye kiu michipu kea?’ ipi ighiju aye,

Piyeküsü 3:3

Tishi aye, nono kiu ithulu eno chilu püani keno kümsü lulo. Tipau pepimhe no xaidelo. Nono ithughimo aye, Ni ye küpkami lakhi toi ighi nani, eno kiu tüqhüdo lono I no o mjochile ighi nani keno no ye ithimo nani.

XAKUTHAMI 3:7

Israelmi no Ampeu zülo küsakügha shiuve eno Ampeu Alhou kümsümave no Baal ngo Asheroth mllauve.

XAKUTHAMI 8:34

Israelmi ye Ampeu pano Lhou, khuu aghümi no panongu homxape ake lono panoqo xaphetsü keno, Pa kümsümave ke.