ZAKINIU 4:36 - Sumi Naga CL (Re-edited) Bible (BSI)

³⁶ Pa no nongu ghasüni ke kungugha lono Pa sütsa nongu pelo chilupe. Ayeghi lono nongu pelo Paw miküqü kije ithulupe, eno nongu no ami lono Pa sütsa chilue.

BAIBEL (BSI)

³⁶ Pano nongu pelo kungughauno pa sutsa ighikeu chilupeke tishianguno pano nongu kutsupiye niyeke; eno ayeghi hilau nongu pelo pa mi-kimthe ithulupeke eno pano tipau lono nongu putsake.

ZAKINIU 4:36 Iomraidhean Croise

NEHEMIA 9:13

Nono Sinai Toghi shou iqighi no atsütsü lono panongu pütsa eno achipiu ngo kuchou khuaye, akivi eno azakütsü pesü panongu tsüe.

IPEKULU 19:18

Sinai Naghuto ye amchhi no küzüpho luve kughengu Ampeu no ami lono tipau shou ikughive ke. Tipau michhi no amiphokilo michhi toi phoiku, eno naghuto kupuju no shishe ithae.

IPEKULU 19:19

Eno afuko ghügha no alau eno alau kije shi ighauve kelo Moses no atsa pi, eno Ampeu no tsütsüküsü lono pa khochile.

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 24:16

Ampeu juküvü no Sinai Naghuto lo ngove, eno khüngküsü no atsala tsügho ti küzüluve. Eno atsala akütsüniu lo Pa no khüngküsü lono Moses kue.

ZAKINIU 4:12

Tileno Ampeu no ami lono nongu pütsae. Nongu no atsa ye chilu kemu koghe ye ithumlae; tile asütsa likhi chilue.

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,

ZAKINIU 4:33

Timi khunomu nongu toi ami lono alhou sütsa chilu kethiu ghi xülu kema?

ZAKINIU 8:5

Tishiaye nongu mlo lo hi ithilo, milakhi no pa nu sakümzü ketoi Ampeu nongu Lhou no nongu sakümzü cheni.

IBRIMI 12:18

Nongu ye Sinai tolo amiküqü, aküzü, züchiyi keu ngo pasapagha akeu lo ighi mphi

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.