ZAKINIU 4:35 - Sumi Naga CL (Re-edited) Bible (BSI)

³⁵ Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

BAIBEL (BSI)

³⁵ AMPEU no hipau nongu piyekeuye pa likhino Alhou eno kutami kuhakeu michive tsuniyeke.

ZAKINIU 4:35 Iomraidhean Croise

SAMUEL AKINIU 22:32

“Ampeu no kumo aye Khuu no Alhou kea? Eno ni Lhou likhino kumo aye Khuu no atuqu kea?

SAMUEL AKINIU 7:22

Tighenguno No ye kije ke, O Ampeu Alhou. Ni kini lono chilu keu kiqilo O toi keu khumu kühae, eno O nguno alau ye Alhou kütau kühae.

KUKAMI ATUGHIU 8:60

Tishikeu lono ayeghi lo ashiaye kümtsü pelo Ampeu ye Alhou, eno alhou kütau ye kühae pi ithi peni.

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

YEKIKITHI ATUGHIU 17:20

O toi kemi lakhimu kühae, O Ampeu; eno ni kini no chiluve ake O nguno alau Alhou kütau ye kühae.

LESHELE 100:3

Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

LESHELE 58:11

Timiqo no pi nani, “Mtsüqheino amikuchomi ghenguno asaxü ani; mtsüqheino ayeghi shou xaküthau Alhou ani.”

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 8:10

Pa no pi, “Thoghiu.” Moses no khochile, “Nono pi ketoi shini, tishikeu lono o pelo Ampeu ni Lhou toikeu ye khumu kühae pi ithi penie.

IPEKULU 8:6

Ikehu Aaron no Egypt lo azü akeqo shou pa u xachho, ikelo achuyiqo no ipeghi no Egypt yeghi nhachhive.

IPEKULU 9:14

Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 44:8

Msa kevilo, Ni ye khaghino nongu vilo pive ake kumo? Nongu ye Iw thopimi ke! I nguno alhou kütau ani keshea? Atuqu kütau kühae: Ni ye lakhimu mthae.”

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

Mark 12:29

Jisü no khochile, “Kümtsü nguno akhotou ye, ‘Inilo, O Israel: Ampeu ni Lhou, Ampeu ye lakhi.

Mark 12:32

Ayezah shikükau no Jisü vilo pi, “No ye achipi, Shikükau. Nono kuchou no Pa ye lakhi, eno Pa nguno alau ye khumu kühae pivae.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

ZAKINIU 32:12

inami lhou sümono Ampeu likhi no Paw timi sapheke.

ZAKINIU 32:23

“‘I no pano shou amhekiqipu süghi nani; panoqo shou I piji peitha nani;

ZAKINIU 32:39

“‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

ZAKINIU 33:26

“O Jeshurun, Alhou toike khumu kühae, Pa no kükanguagha lono atsütsü kathasü o kuphu nike cheni.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 6:4

“O Israel, hi inilo: Ampeu ni Lhou likhi no Alhou ke!

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

SAMUEL ATUGHIU 2:2

“Khumu Ampeu toi akimthe kühae: kughengu O nguno alau kütami kühae; ningu Lhou toi atuqu khumu kühae.