ZAKINIU 4:34 - Sumi Naga CL (Re-edited) Bible (BSI)

³⁴ Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

BAIBEL (BSI)

³⁴ Nongu Lhou AMPEU no Ijip lo nongu lau shike toi alhou khualano msamo puzu ashiayeh lakhi launo timi aqo lakhi salu no pawu timiqo shilu pekeu anima? Nongu nhekithe lono pano pa kuka akumto peithake; pano pusa ngo aghukishi saghike, akichiqhi akumzapu kumla shike eno akumsa akuighupu shipeke.

ZAKINIU 4:34 Iomraidhean Croise

LESHELE 136:12

Pa u kumto eno Pa küka kumto vecheo saipeghi, kughengu Paw iqemokeu kikimiye ye alholo acheni;

LESHELE 24:8

Ajuküvü kükau ye khuu kea? Ampeu, akumtou eno akughushuu, Ampeu, aghüshi lo akumtou ke!

LESHELE 78:12

Egypt yeghi lo, Zoan luza lo Pa no pano puasüqo nhethe lono akümzapu mlae.

IPEKULU 1:9

Pa no paw timiqo vilo pi, “Julo, ni ghenguno Israelmi ye ighono kutomo eno akumto shivae.

IPEKULU 10:21

Tithiu Ampeu no Moses vilo pi, “Atsütsü küdau o u peqhelo, tishino aküzü pelo Egypt yeghi shou ighi penie.”

IPEKULU 10:7

Tithiu Pharaoh qemi no pa vilo pi, “Ado khitohi timi hipau pelo ningu kitime apeni kea? Timiqo puwuvelo, tishianguno pano pelo Ampeu pano Lhou huthulu pelo. Egypt ye kütsavae pi no ye vethamla aphi keshea?”

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

IPEKULU 14:30

Ikehu tipa tsalani Ampeu no Egyptmi u lono Israelmi xaluve, eno Israelmi no azüghi mkülo Egyptmi thive keu ithulue.

IPEKULU 15:11

“O Ampeu, alhouqo dolo khuu no O toi kea? Aküka kughushu, ajuküvüpu kümla lo sheqheküzü, akümzapu mla chekeu, Khuu no O toi kea?

IPEKULU 19:4

‘I no Egyptmi lau kiu shi, eno kishi alhuqu chishibo lono nongu xapu eno nongu sasü I lau ighi keno nongu no ithuluvae.

IPEKULU 3:10

Ighilo, I no Pharaoh lau o puwuni, tishino o pelo Iw timi, Israel nuliqo, Egypt lono saipeghi peni.”

IPEKULU 6:6

Tighenguno Israelmi vilo pilo, ‘Ni ye Ampeu, eno I no Egyptmi makho kimshi lono nongu saipeghive nani, eno I no panoqo qüaxe lono nongu xaphe luve nani, I no I u kumto ngo küghakütha kümla kije vecheo nongu qhüchile luve nani.

IPEKULU 7:3

Ikemu I no Pharaoh mlo shikümkave tsü nani, eno Egypt yeghi lo amchipu ngo akümzapuqo küghüsü mla anamu,

ISAIAH 51:9

Ithulo, ithulo, ni shikumto tsülo, O Ampeu küka; khaghilo toi eno wovekeu tiqheli lo toi ithulo. Rahab aleqhishi ghithave keu eno dragon jipilive keu ye Noke kumo keshea?

JEREMIYA 21:5

Ni ampi no au xachhope au kumto pesü axukighide, mqhumza eno aloghu kije lono nongu sasü aghüshi nani.

JEREMIYA 32:21

O u kumto eno O u xachhope amchipu eno akichiqhipu kümla shino Nono Ow timi Israelmi Egypt yeghi lono saipeghi.

AKIKIHI 20:16

Tileno ningu no Ampeu lau ighamku eno Pa no ningu küqa chilutsü püzü kungumi puwu no Egypt lono ningu saipeghi. Eno itehi ningu ye o ghakhu lughi Kadesh lo ani.

ZAKINIU 1:30

Nongu züu cheche keu Ampeu nongu Lhou ampi no Egypt lo nongu nhethe lono shike toi nongu ghenguno aghü shitsü nani.

ZAKINIU 10:21

Pa ye nonguw shekiqhepu, nongu Lhou ke, nongu nhethe lono Pa no nongu ghenguno akichiqhipu eno akümsapu kümla shitsüe.

ZAKINIU 11:2

Ishi tsala lo Ampeu nongu Lhou ghaküsü ye, Pa kughushu küka kumto kümsülu lo, (ni ye no tianuli khunoqo hi ithumla keno tipaqo vilo pi anike kumoe).

ZAKINIU 26:8

Ampeu no Pa küka kumto u sükhope amchipu ngo akümzapu eno kümsapu kümla pephe no Egypt lono ni xaphelue.

ZAKINIU 29:3

Nongu nhethi no pekuju kije, amchipu eno akichiqhipu kümla ithuluvae.

ZAKINIU 33:29

O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

ZAKINIU 34:12

Kütami khunomu aküka kumto ngo akümsapu jeli Moses no Israelmi kümtsü nhethe lo shike toi shimphie.

ZAKINIU 5:15

Nongu ye Egypt lo aqüaxemi shi ache kepi kümsü luni, eno Ampeu no Lhou no Pa küka kumto lono nongu saipeghi ke. Tighenguno Ampeu nongu Lhou no Sabbath tsala pelu lopi azah nongu tsü ani.

ZAKINIU 6:21

nongu nuli vilo pilo, ‘Ningu ye Egypt lo Pharaoh qüaxemi shi ache kelo Ampeu no Pa küka kumto lono ningu xaphelue.

ZAKINIU 7:19

Nongu nhethi no ti pekuju kije ithulu keu, amchipu, akichiqhipu kümla, Pa u küka kumto sükhope Ampeu nongu Lhou no nongu saipeghi keu kümsülu lo. Titoi Ampeu nongu Lhou no nongu no msa akeu shiaye kümtsü lau shitsü nani.

ZAKINIU 9:29

Kughengu hipaqo ye Ow timi eno O mheghi, O küka kumto lono saipeghi keqo ke.’

JOSHUA 24:7

Ikemu kughou panongu no Ampeu lau ighamku keno, Pa no Egyptmi ngo nongu dolo aküzü süvetsü eno azüghi no Egyptmi shou ikuvepe eno panongu küzüluve peke; eno nongu nhethi no I no Egypt lo kiu shi keno ithulue. Nongu ye asayeqha lo ado kushuo xüche.

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,