ZAKINIU 4:31 - Sumi Naga CL (Re-edited) Bible (BSI)

³¹ Kughengu Ampeu nongu Lhou ye kimiyekini Lhou ke. Pa ye nongu qhivemo nani, kütsavemo momu no puasü sasü puloshoqhi shikeu kümsümave monani.

BAIBEL (BSI)

³¹ Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.

ZAKINIU 4:31 Iomraidhean Croise

YEKIKITHI ATUGHIU 28:20

Tithiu David no itaghi pa nu Solomon vilo pi, “Mtotoi amlo loghi no mlalo. Msa kevi eno aghüthisü kevilo, kughengu Ampeu Alhou, I Lhou, no o gholo ani. Ampeu huthuni ke ghenguno akümla shiqhi moke kutolo Pa ye o qhivemo momu o phevemo nani.

YEKIKITHI AKINIU 30:9

Nongu no Ampeu lau xaide aye, no thiküzümi eno atianuli ye pano küghaluve kemi no kimiyeve no aghakhu hipau lo ideighive nani. Kughengu Ampeu nongu Lhou ye küpükini eno kimiyekini, eno nongu no Pa lau xaide aye, Pa ye nongu launo Pa gi tsüghüve monani.”

NEHEMIA 1:5

Eno I no pi, “O Ampeu, kungugha Lhou, No ye akighiche eno akughushu Lhou, khunono O zakütsü pecheni keno Nono Ow puloshoqhi eno iqemokeu kikimiye piye cheni.

NEHEMIA 9:31

Ikeghi Ow kimiyekini kije lono Nono pano püghave mo momu qhive moe. No ye küpükini eno kimiyekini Lhou ke.

LESHELE 103:8

Ampeu ye küpükini eno kimiyekini, asheshi no amloide eno iqemokeu kikimiye no chhitoi.

LESHELE 105:8

Pa ye alholo Paw puloshoqhi, Pa no azah tsükeu tsa tiqheli qhethonhe kutolo kümsülu cheni,

LESHELE 111:4

Pa no Paw akümzapu kümlaqo kümsü lupe acheni; Ampeu ye küpükini eno kimiyekini ke.

LESHELE 111:5

Khunono Pa gihu cheni keno Pa no achuqupu tsü cheni; Pa no Paw puloshoqhi alholo kümsülu cheni.

LESHELE 111:9

Pa no Paw timiqo lau qhüchilekulu tsüke; Paw puloshoqhi ye alholo ache penike Pa no azah tsüe. Pa je ye akimthe eno akümzapu ke!

LESHELE 116:5

Ampeu ye küpüqhiyi, eno amikucho ke; ni Lhou ye kimiyekini ke.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

JEREMIYA 14:21

O je ghenguno ningu thaigha tsü kevilo; O jekipipu kükalakhü shipünha kevilo; ni sasü puloshoqhi shikeu hepho kevino kümsülu tsülo.

JEREMIYA 30:11

Kughengu o xalu nike Ni ye o gholo ani, ipi Ampeu no sheshu; I no khuno lau nongu hapuwuve keno shiye tipaqo ye qhoi kishekhave nani, ikemu Ni ye nongu kishekhave tsümo nani. I no achipi lono nongu sakiyi nani, ikemu Ni ye nongu ghime mono puwuve monani.

ACHINE 26:42

I no Jacob, Isaac, eno Abraham sasü Iw puloshoqhi shikeu kümsülu nani, eno aghakhu kümsülu nani.

ACHINE 26:44

Tishimu panongu no aghümi yeghi lo akelo, Ni ye panoqo milivemo eno qhoi kütsave no panongu sasü shikeu Iw puloshoqhi kubove mo nani, kughengu Ni ye Ampeu pano Lhou ke.

ACHINE 26:45

I no panongu ghenguno Iw puloshoqhi pano puasüqo sasü shikeu kümsü luni, I no pano Lhou shiniye shiyeqo nhethe lono Egypt lono saipeghi ke: Ni ye Ampeu ke.”

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

MICAH 7:18

Amheghi shi ghüluve kemi kipimi qhitsüno axine juzüve chekeu Lhou O toike khuu ania? Pa ye pülhapuju amloide auve chemoe, kughengu Pa züküvü ye iqemokeu kikimiye lo acheni ke.

AKIKIHI 14:18

‘Ampeu ye asheshino amloide cheni eno iqemokeu kikimiye no kupukuno, akipimi eno axine qhivetsü cheni, ikemu pimive keu xine ye khilemu nuxatsü mono atianuli tiqheli aküthüu abidiu kutolo pekishe nani.’

Luke 1:72

Tishikeu lono ni puasü lau piqhi püakeu kimiyekini piye, eno Pa kimthe shoqhi kümsüchile luniye ke,

ZAKINIU 31:6

Akumto shilo eno amlo loghilo, panongu msa momu juighü kevilo, kughengu Ampeu nongu Lhou no nongu sasü chenani. Pa ye nongu phevemo momu qhivemo nani.”

ZAKINIU 31:8

Ampeu no o züu chenani. Pa ye o gholo chenani eno o phevemo momu qhivemo nani. Msa momu amlo hauve kevilo.”

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

JOSHUA 1:5

Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.