ZAKINIU 4:29 - Sumi Naga CL (Re-edited) Bible (BSI)

²⁹ Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

BAIBEL (BSI)

²⁹ Tilau nonguno AMPEU nongu Lhou phuju nani eno nongu mlo kuchopu tsuno pa phuju aye nonguno pa phulu nani.

ZAKINIU 4:29 Iomraidhean Croise

KUKAMI AKINIU 10:31

Ikemu Jehu ye tsaqütsalei Ampeu, Israel Lhou yezah lono checheni keu shimove. Pa ye Jeroboam xine khikhi no Israel pelo axine shivepe keno, tipau lono tsüghü move.

KUKAMI AKINIU 23:3

Akükau no atsükucho phivilo puthugho no pa mlo kuchopu eno pa ngulho kuchopu süno Ampeu pape, Pa zakütsü, pimheye, eno xaküthaza gholu nike Ampeu zülo puloshoqhi shi, eno puloshoqhi kaku lo yepüakeu tsaqo pekupu nike piqhie. Timi kümtsü no puloshoqhi tipau lo pulo küqhave.

YEKIKITHI AKINIU 15:12

Panongu no pano mlo kümtsü eno angulho kümtsü süno Ampeu pano puasü Lhou phunike puloshoqhi shive,

YEKIKITHI AKINIU 15:15

Judahmi kümtsü no puloshoqhi ghenguno alovi, kughengu panongu no amlo kümtsü süno ashoqhi shi, eno pulopinyi Pa phu kelo phulue. Ikehu Ampeu no aqha kümtsü lono alokughuno panoqo tsüe.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

YEKIKITHI AKINIU 15:4

Ikemu kughou panow shiluküsa lono panongu no Ampeu Israel Lhou lau ideighi no Pa phu keno, panongu no Pa phulue.

YEKIKITHI AKINIU 31:21

Eno Alhou ki ghenguno pa no ayezah lo akeu kiqi lono, pa Lhou phuno akümla shikeu kümtsü, pa mlo kuchopu pesü shino ikoishe lue.

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

NEHEMIA 9:27

Tighenguno Nono pano ghümi u lo panongu süve tsüno aghime shipe. Eno aghime lono panongu no O lau ighamku, tileno Nono kungugha lono chilu tsüe. Ow kimiyekini kije kiqi lono Nono xakulumi panongu tsüno tipaqo no aghümi launo panoqo xaphelue.

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 119:145

I mlo kuchopu no O ku ani; O Ampeu, I khochile lo! I no O zakütsü papeni.

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

LESHELE 119:58

I mlo kümtsü no I no Ow kimiyekini qhüiniju ani; O shoqhi kiqi lono I lau küpüqhiyi tsülo.

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

JEREMIYA 51:50

“Nongu azütakikihi lono pokalu keqo, povelo, inaqhoi puthughove kevilo! Putou no Ampeu kümsülu lo, eno Jerusalem kümsülu lo:

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

AMUS 5:4

Kughengu Ampeu no Israelmi vilo ishi piani: “I phulo eno aküxüpu shilulo;

ZAKINIU 10:12

“O Israel, Ampeu nongu Lhou ye nongu launo kiu khu ani nomu hike, nongu mlo eno angulho kuchopu pesü Pa sümsa lo, thokha lo Pa pulou lono cheche lo, Pa kimiye eno huthu lo,

ZAKINIU 11:13

“Ishi tsala lo nongu mlo kuchopu eno angulho kuchopu pesü Ampeu nongu Lhou kimiye eno huthu penike I no tsü akeu zakütsü nongu no pelu aye,

ZAKINIU 26:16

“Ishi tsala lono Ampeu nongu Lhou no akhuaye eno pimheye hipaqo nongu pelo pape penike azah tsü ani. Tigheno nongu mlo kuchopu eno angulho kuchopu pesü ti shilo.

ZAKINIU 30:10

Ikemu nongu ye Ampeu nongu Lhou gholu eno Ayezah Kaku hipau lo Pa zakütsü ngo akhuaye yepüa keqo papelo, eno nongu mlo eno angulho kuchopu pesü Pa lau ideighi lo.

ZAKINIU 6:5

O mlo kuchopu, o ngulho kuchopu, eno o kumto kuchopu pesü Ampeu o Lhou kimiye lo.

JOSHUA 22:5

Nongu no shinikeu ye hi likhie, Moses no azah tsükeu kutokughoi papelo; ti ye, nongu mlo kümtsü eno angulho kümtsü pesü Ampeu nongu Alhou kimiye lo, Pa laghi lo chelo, Pa zakütsü papelo, Pa phe kevilo eno Pa huthu alo.”

SAMUEL ATUGHIU 7:3

Samuel no Israel laghami kümtsü vilo pi, “Tsala nongu no nongu mlo kümtsü pesü Ampeu lau xaide aye, nongu ye inami lhouqo eno Ashtaroth phevelo, nongu mlo pesü Ampeu tsülo eno Pa likhi qelo, tishiaye Pa no Philistiami u lono nongu xaphetsü nani.”