ZAKINIU 4:25 - Sumi Naga CL (Re-edited) Bible (BSI)

²⁵ “Kughou nongu no atianuli eno atilimi auveni eno aghakhu tile no kitemi shiveni keno, nongu no kiukiu julho mlakeu vecheo alhoksa shiuve, eno Ampeu nongu Lhou zülo kiu no kixikila keno shikeu lono Pa pelo axuidepe aye,

BAIBEL (BSI)

²⁵ “Nonguno aghakhulo ngolukeu ado kushuwa shiveno atianuli eno atilimi auve namu kiu kiu koghe lonamu khilemu nongu sala ajulho shipe qhipuzu axine shikevilo. Tiye AMPEU zulo alhoksake eno tipauno pa pelo axuideve penanike.

ZAKINIU 4:25 Iomraidhean Croise

KUKAMI AKINIU 21:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu pape kelono pa ye Ampeu zülo kiu no axine keno ti shive.

LESHELE 78:58

Kughengu panongu no pano lhou pesü Pa xukutho ke; pano julho kümlla huno Pa pelo anheshuve peke.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 32:7

Ampeu no Moses vilo pi, “Iqilo, kughengu ow timi khunoqo nono Egypt yeghi lono saipeghi keno panongu ye pano ampi shikitiqevae.

EZEKEL 8:10

Ikehu I no alou ilo no ju. Tilau atupikiye kümtsü homxa ghi aphikümqhüpu itikiche lhoxü, tüghashiqo, eno Israel laghami julhoqo kümtsü kixi pukupe aghie.

HOSIYA 9:17

I Lhou no pano milive nani kughengu panongu no Pa tsa initsü move ake; panongu ye shiyeqo gholo kupokichemi shive nani.

HOSIYA 9:9

Gibeah ghuloki lo toi panongu ye pano ampi shipixivae: Pa no panoqo xine kümsülu nani; Pa no tipau ghenguno panoqo ghime nani.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 16:22

Nongu ye atsükucho qhimoni, kughengu Ampeu no tipaqo mithi ke.”

ZAKINIU 27:15

“‘Khukhumu Ampeu zülo aphikümqhüpu, kütshakügha shi küsüuno asüatu momu ayi julho mla püaghi keu ye müsüinivae.’ Eno timi kümtsü no ‘Amen,’ ipi khochileni.

ZAKINIU 28:45

“Nongu no Ampeu nongu Lhou gholumo eno Pa zakütsü ngo akhuaye papemo kehu müsüini keu hi kümtsü nongu shou ighi nani, eno nongu kütsave moke kutolo nongu gholo anani.

ZAKINIU 28:61

Ayezah kaku hipau lo yepüa mo keu küsü eno kitixeküsü jeli kümtsü Ampeu no nongu kütsave moke kutolo nongu lau puwu nani.

ZAKINIU 30:18

I no ishi tsala lono nongu kütüghü anike nongu ye mtsüqheino kütsave nani. Nongu ye Jordan katha iku ngoniye akeu yeghi lo ado kushuo xümla nani.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

ZAKINIU 31:29

I no ithi anike I no thive kethiu nongu ye kixikila shinani eno I no azah tsükeu lono tsüghüve nani. Hithiu alhoksa no nongu shou ikughi nani, kughengu nongu no Ampeu zülo kiu no alhoksa keno shinani, eno tino Pa loghu xukutho nani.”

ZAKINIU 32:5

Panongu ye kühakügha shivae, Paw timi kumovae kughengu panongu ye mithe movae; panongu ye küsakügha eno chighichilai keu tiqhelimi ke.

ZAKINIU 4:16

tikumo aye nongu ye no sala kiukiu julho koghe, kiptimi na totimi namu, mlakeu lono nongu shikitiqelu nosae,

ZAKINIU 4:23

Ikehu kutokupui lo, tikumo aye nongu ye Ampeu nongu Lhou no nongu sasü puloshoqhi shikeu pheve no Ampeu nongu Lhou no shi kevilo pikeu julho mlano mllauve nosae.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

JOSHUA 24:20

Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”