ZAKINIU 4:12 - Sumi Naga CL (Re-edited) Bible (BSI)

¹² Tileno Ampeu no ami lono nongu pütsae. Nongu no atsa ye chilu kemu koghe ye ithumlae; tile asütsa likhi chilue.

BAIBEL (BSI)

¹² AMPEU no ami lono kishi nongu putsa eno nongu putsa keuye chilu kemu paye kiu julho koghe keno piyemo, tipau pesu nongu tianuli vilo pilo.

ZAKINIU 4:12 Iomraidhean Croise

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 20:22

Ampeu no Moses vilo pi, “Israelmi vilo ishi pilo: ‘Ni ye atsütsü lono nongu pütsa kepi nongu ampi no ithuluvae.

ISAIAH 30:21

Kughou nongu no ajeu momu piyiu tsüghüveni keno, nongu thiu no, “Ala ye hike, hipa la pülalo” ipikeu sütsa nongu kini lono chilu nani.

ISAIAH 40:18

Imaye nongu ye khuu momu kiu pesü Alhou kimhe tsüni kea?

ISAIAH 40:3

Asütsa lakhi no piani: “Ampeu sala yenguyike-a lo alaghila kutolo; ni Lhou ghenguno asayeqha lo ala müzüchoi shitsülo.

ISAIAH 40:6

Asütsa lakhino pi, “Sheshulo!” I no pi, “Kiu tsa sheshuni kea?” Timi kümtsü atsüni ke, panow jukivi ye agha lo xamunu toike.

AKIKIHI 12:8

Ni ye aholeu no kumono pa sasü agi no agi thepe küptsa cheni, eno pa no mtsümishei I koghe ithulu cheni. Imaye kishino nokujo ye I qeu Moses shou lakichile tsa pini keu msa move kea?”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

MATTHEW 3:3

Kughengu khaghi Isaiah tungkupu vecheo ishi pikeu ye pa ghenguno ke, “Yenguyi ke-a lo milakhi no ighamku ani: ‘Ampeu ghenguno ala kutolo; pa laghi müzüchoi shitsülo.’”

ZAKINIU 10:4

Ampeu no atüghüu lo yepuku keu tsatho atupha küma lo yepuku tsü, ti ye Azakütsü Chighi nongu no naghuto philo kumqoke tsalani Pa no ami lono nongu vilo pikeqo tsake. Ampeu no tiküma pesü I tsüve.

ZAKINIU 4:11

Ikehu nongu naghuto pukhu philo ighi no puthugho, eno naghuto huno aküzü ngo khüngküsü eno züchiyi keu no küzüphope atsütsü kutolo ami iqü ikuae.

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

ZAKINIU 4:15

“Horeb lo Ampeu no ami lono nongu pütsa kelo, nongu ye kiu koghemu ithumla kehu nongu ampi jukuto lulo,

ZAKINIU 4:33

Timi khunomu nongu toi ami lono alhou sütsa chilu kethiu ghi xülu kema?

ZAKINIU 4:36

Pa no nongu ghasüni ke kungugha lono Pa sütsa nongu pelo chilupe. Ayeghi lono nongu pelo Paw miküqü kije ithulupe, eno nongu no ami lono Pa sütsa chilue.

ZAKINIU 5:22

“Atsa hipaqo ye nongu no naghuto lo kumqo akelono kütau kiumu süküqha mono Ampeu no ami, khüngküsü eno aküzü kutho lono asütsa kuloghi shi pike. Eno Pa no atupha kini shou tipaqo yepuku no I tsüe.

ZAKINIU 5:4

Naghuto lono Ampeu no agi kinheqhe no ami lono nongu pütsae.

ZAKINIU 9:10

Ampeu no atupha kini Alhou uloti no yepuku keu I tsü, eno tiküma lo yepuku püaghi keu ye, nongu no naghuto philo kumqo ke tsalani Pa no ami lono nongu vilo pikeu tsaqo ke.

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

IBRIMI 12:19

eno afuko ghügha ngo asütsa khikhi chikulumi no pano pütsa pemoni ke qhüiniju keno ti chilu mphie.