ZAKINIU 4:10 - Sumi Naga CL (Re-edited) Bible (BSI)

¹⁰ Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

BAIBEL (BSI)

¹⁰ nonguno Sinai Toghilo AMPEU nongu Lhou zulo puthugho keu tsala ghili pesu pilo, tile pano pikeuno, ‘Timiqo kukumqolo. Ino kiu piniye ani keno panongu pelo chilu penishi anike, tishianguno panonguno xuake tivilo igho lunikeu shikalu nani eno panonguno isumsanikeu pano tianuliqo shikapiye nanike .’

ZAKINIU 4:10 Iomraidhean Croise

BOTHUBO 18:19

Kughengu I no pa kisheluvae, pa no pa nuliqo azah tsü no achipiu mikucho eno kuchou xakütha shikeu vecheo Ampeu laghi lo cheche peniye eno tishikeu lono Ampeu no kiu Abraham vilo piqhi püani keno tipau pa lau süghilu peniye ke.”

LESHELE 145:4

Tiqheli lakhi lono lakhiu kutolo O kümla pikibe nani, eno O kughushu kümla shuphe nani.

IPEKULU 19:1

Israelmi no Egypt lono ipeghi keu aqhi aküthüu lo, panongu ye Sinai sayeqha lo ighive.

IPEKULU 19:11

eno atsala aküthüu loye kutope ngo pelo. Kughengu atsala aküthüu lo timi kümtsü nhethe lono Ampeu no Sinai Naghuto lono iqighi nani.

IPEKULU 19:16

Atsala aküthüni inaqhe tilehi tsütsüküsü ngo tsütsüpha ighi eno khüngküsü kutho no naghuto lo ikughive eno afuko ghügha ighono kije küigha, ikehu aghazü lo timi akeqo kümtsü no khokho shive.

IPEKULU 19:9

Ampeu no Moses vilo pi, “Julo, Ni ye khüngküsü kutho lono o lau cheni, tishianguno kughou I no o pütsani keno timiqo no chilu peni, eno alholo o pülülu penie.” Kughou Moses no timiqo tsa pesü Ampeu vilo pi keno,

IPEKULU 20:18

Kughou timi kümtsü no tsütsüküsü ngo tsütsüpha kulokeu ithulu eno afuko ghügha ngo naghuto lo amchhi phokeu ithulu keno, panongu ye akümsa no khokho shive no putou puthugho luve

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

YETSAPIU 12:13

Avehu kümtsü chiluve kethiu ashekha lo hi ani: Alhou msa lo eno Pa zakütsüqo pelulo, kughengu hi no timi kümtsü kümlapu ke.

ISAIAH 38:19

Atsala hipau lo I no shi aketoi küxümi likhino O sheqhelu cheni; Apu no O pükhükulu ghili pesü anuliqo vilo pichenie.

Luke 1:50

Paw kimiyekini ye tiqheli no tiqheli kutolo Pa sümsa chekemi ghenguno ke.

ZAKINIU 11:19

Hipaqo pesü no tianuli shika lo, nongu no aki lo akelo, khalau chekelo, züake lo eno ithu akelo, hipaqo pesü pialo.

ZAKINIU 12:1

“Ampeu nongu puasüqo Lhou no nongu tsüakeu yeghi lo ilo kelo, nongu no xüake tivilo akhuaye ngo pimheye hipaqo pelu lo.

ZAKINIU 14:23

Ampeu nongu Lhou no kishetsü ke-a lo Pa zülono now athi, atsaizü, eno thazü lo chighi saje, eno amishi ngo ambe piti tüghüu pesü chuni, tishikeu lono nongu ye alhokuthu Ampeu Alhou sümsa nani.

ZAKINIU 17:19

Kaku tipau ye pa phivilo qhini, eno pa küxü tivilo phini, tishianguno pa ye ayezah eno akhuaye kümtsü pelu keu vecheo Ampeu nongu Lhou sümsani keu shikalu nani,

ZAKINIU 4:9

“Kutokughoi lo, eno müamzü nongu küxü jukuto lo, tikumo aye nongu nhethi no ithuluve keqo kümsümave nosa, eno no küxü tivilo nongu mlo lono hauve nosake. Tipaqo ye no tianuli eno atilimi pelo ithi pelo.

ZAKINIU 5:2

Ampeu ni Lhou no Horeb lono ningu sasü puloshoqhi shie.

ZAKINIU 5:29

O panongu no I sümsa eno I zakütsü papeni ke pülhapuju hitoi keu mlo aghike aye, panongu eno pano kughukomi ghenguno akivipu shiniche!

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

ZAKINIU 6:7

Hipaqo pesü amlo tsüqhiyi no tianuli shikalo, nongu no aki lo akelo, khalau chekelo, akulhoqhi eno mlaitha kelo hipaqo pesü pialo.

IBRIMI 12:25

Khuu no pi ani keno pa tsa milive kevilo. Kughengu ayeghi lono kütüghü keu panongu no ini move kelo panongu ye pomlave aye, kungugha lono kütüghü keu ningu no milive aye ningu ye kitilamu pokulupu kühae.

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.