ZAKINIU 33:29 - Sumi Naga CL (Re-edited) Bible (BSI)

²⁹ O Israel, o lokivipue! O toike khuu ania, Ampeu no xaluve keu timi, o kuphu chekeu züto, eno ow tokulu zütakikihi! O ghümi no kimiye tsülopi o lau ighi nani, eno nono pano neda nani.”

BAIBEL (BSI)

²⁹ Israil, noye kiu toi alokivipu kela Otoikemi milakhimu kuhae AMPEU no xalukeu shiayeh lakhie. AMPEU ampino ozuto eno ozuta, osusho eno tokulu otsunikeue. Oghumi qono kimiyekutu tsulopi oqhuiniju ighi nani, nono panoqo nedaqoda nani.

ZAKINIU 33:29 Iomraidhean Croise

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

SAMUEL AKINIU 22:3

I Lhou, I tuqu, I no Pa launo sükusho luchenie, I züto, eno I xakulu kibo, I sükusho-a eno I küghütshü-a, I xakuluu; kütsakungo keu lono Nono I xalue.

SAMUEL AKINIU 22:45

Inaghami no I lau pishiqho ighi; I sütsa chilu kemtsa I gholue.

SAMUEL AKINIU 7:23

Eno khunono Ow timi Israelmi toi kea? Ayeghi lo shiye lakhi Alhou no Paw timi shipeni ye qhüchilelu, Pa je ghenguno akümzapu kije shino panoqo zülono ashiaye haphe, shiye lakhi Egypt, eno tipau lhouqo launo Nono O salashi qhüchilelu ke.

YEKIKITHI AKINIU 31:8

Akükau Hezekiah ngo paw kijemi no ghekütsü püakeu ithulu kelo Ampeu sheqhe eno Israel kümgha tsü.

LESHELE 1:1

Khunono kixikilami mijekütsü lo cheche moni, axinemi laghi lo puthughomo eno thoküghami lakhü lo iqa moni keno pano ye akümghapue;

LESHELE 144:15

Khuno shou kükümgha hipaqo ikughini keno alokivipue! Khuno Lhou no Ampeu keno pano lokivipue!

LESHELE 18:44

Panongu no I sütsa chilu khavi I gholue; inaghami no I lau ipu-itsa ighi.

LESHELE 18:45

Inaghami no amlo hauve eno pano liwo lono khokhoshi ipeghi.

LESHELE 32:1

Khuno kipimi qhive tsü akeno, khuno xine jonhave tsü akeno pa ye akümghapue.

LESHELE 32:2

Ampeu no khuno kipimi kihi tsümoni, khuno lolo pishikiqhi küha keno pa ye akümghapue.

LESHELE 33:12

Khuno shiye Lhou no Ampeu keno alokivipue, Pa no khuno pesü Pa mheghi shi kisheve akeno alokivipue!

LESHELE 33:20

Ni ngulho no Ampeu khe ani; Pa ye ni kukuphuu eno ni züto.

LESHELE 45:3

O jekipi eno akughushu lono o zütakikihi o yiku lo chhepu lulo, O akumtou!

LESHELE 66:3

Alhou vilo pilo, “O kümlaqo ye kishi akümzapu kela! O küka ye ighono kije kehu O ghümi no itsaqi O lau ighie.

LESHELE 68:34

Alhou küka sheqhelo, Pa küka kughushu ye Israel shou ani, eno Pa küka ye atsütsü lo ani.

LESHELE 7:12

Timi no xaidemo aye Alhou ye Pa zütakikihi chighiuve cheni; Pa ye Paw shexilika piqepe kutoluve cheni;

LESHELE 81:15

Ampeu mithi chekemi no Pa zülo ipu-itsaqi nani, eno panongu ye alhokuthu aghimeshi nani.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

ISAIAH 27:1

Tipa ghuloki lo Ampeu no Pa zütakikihi kütsügha, akuloghi eno mtotoi keu pesü hechije chekeu, itikiche pighi, Leviathan ghime eno ti azüghi lo achekeu ghawu ghiqhive nani.

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

ISAIAH 58:14

nongu ye Ampeu lau azüküvü shi nani, eno I no nongu pelo ayeghi lo akiqheu shou ikulupe nani, eno Jacob kinikülü mheghi pesü, I no nongu loji nani, kughengu hi ye Ampeu no piqhive keu tsake.

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

JEREMIYA 47:6

Ah, Ampeu zütakikihi! No ye ado khitohi thiuno inaqhoive nani kea? O bohu lo ilovelo; inaqhoi shino akulhoqhi lo!

HOSIYA 13:9

Pa no o kütsavae, O Israel, kughengu nono O kukuphuu mjochile ke.

AMUS 8:7

Ampeu no Jacob qheküza ghenguno tushoqhivae: “Mtsüqheino Ni ye khilemu pano kümla kümsümamo nani.

HABAKUK 3:19

Ampeu, Alhou ye I kumto; Pa no I pukhu pe ashe pukhu toi shino akiqhe-a lo chewulu peke. Akighilebo pesü ale shikükau lau.

AKIKIHI 24:5

O Jacob, o phikiqo ye kishi juvi, O Israel, o ghazü ye kiutoi jukighilepu kelae!

AKIKIHI 33:52

nongu ye tipa yeghi lo küghüna akemi kümtsü hapupove lo, panow asü-atu ngo ayi julho kümtsü kuboleve lo, eno panow qhemghaike-a kümtsü kütsave tsülo.

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.

ZAKINIU 4:32

“Wove keu tsala lo nongu punu mphilo tsalaqo lhejulo, Alhou no ayeghi lo timi lhoke tsala lono ishi kutolo lhekide julo, eno kungugha halau no halau kutolo lhejulo, khilemu hitoi ke kümla kije shipüani kemo kea, momu chilu püani kema?

ZAKINIU 4:34

Momu khuno lhou no pekuju, amchipu, akümzapu kümla eno aghüshi vecheo Pa u kumto pesü kümsapu kümla pephe, eno Paw shiniye shiye dolono shiye kishephe kea? Hi kümtsü Ampeu nongu Lhou no Egypt lo nongu nhethe lono shike kumo?

1 Tim. 4:10

Kughengu hi kutolo ningu ye ichheime mla acheni, ti ye ningu no aküxüpu Lhou, khuu timi kümtsüw eno akhoto no pülüluve kemiw Xakuluu keno, Pa shou niw lajupu bepe qhive akehu ke.

Piyeküsü 1:16

Pa u ajeu no ayepu tsüni pe, Pa kichi lono putoputo züta ipeghi, eno Pa gi no khetsünhe kümka toi vüae.

Piyeküsü 19:21

Eno panow ghüshimi achili thaqhü ye khuu khurshi shou iqa akeno pa kichi lono azütakikihi ipeghi keu pesü ghiqhi khave, eno aghauqo no pano po sünhei tipaqo shi mighive.

XAKUTHAMI 7:20

Tipa mtsa aloji kütami no afuko igha eno ayeghi li hephove. Panongu kümtsü no au piyiu no akulu küqüpe, eno au ajeu no afuko pesü igha, panongu no ishi ighamku, “Ampeu ghenguno azütakikihi eno Gideon ghenguno azütakikihi!”