ZAKINIU 33:27 - Sumi Naga CL (Re-edited) Bible (BSI)

²⁷ Lhokta Lhou no o kungo-a ke, Paw pülhapuju u no o puqhe acheni. Pa no o zülono o ghümi haphe no picheni, ‘Kütsave lo.’

BAIBEL (BSI)

²⁷ Alhou ye pulhapujulo nowu sushokulu shi acheni; pawu lhokta uno nongu puqhe cheni. Nonguno azuu haighi kelo pano noghumiqo haphevetsu, nongu vilo kumtsu kutsalevelo pie.

ZAKINIU 33:27 Iomraidhean Croise

BOTHUBO 49:24

tishinamu paw shexilika ye ithamoe; Jacob Lhou Akumtou u ghenguno, (Israel Tuqu, Akheu ghenguno) pa umlo ye mthüthei anie,

LESHELE 102:24

I no pi, “O I Lhou, I küxü mta lono ni ikhi süwuve kevilo, No ye tiqheli kümtsü lo pülhapuju ache nani!”

LESHELE 139:5

Nono I thiu eno I züu bothasüpe acheni, eno O u no I süshope acheni.

LESHELE 18:2

Ampeu ye I tuqu eno I liwo, eno I xaphekuluu, I Lhou, I tuqu, I no O launo sükusho lucheni, I züto, I xakulu kibo, eno Iw sükusho-a.

LESHELE 27:5

Kughengu aküküpna tsala lo Pa no Pa kicheqho lo I küghütshü nani; Pa no Pa phiki qholo I peküsü nani; Pa no atuqu shou qhemghai I süqhe nani.

LESHELE 36:7

O Alhou, Ow iqemokeu kikimiye ye kishi akughupu kela! Timi jeli no O chishibo qholo ijelue.

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 46:11

Aqokitikhi Mpeu ye ni gholo ani; Jacob Lhou ye ni sükusho liwo ke.

LESHELE 46:7

Aqokitikhi Mpeu ye ningu gholo ani; Jacob Lhou ye niw sükusho liwo ke.

LESHELE 48:3

Liw aliwo dolo Alhou no Pa likhi Pa ye ijekulu aliwo lakhi kepi pephe piyevae.

LESHELE 55:19

Mulho lono kükalakhü lo iqa chekeu Lhou no chilu no panoqo shikuchunive nani, kughengu panongu ye kili chemo eno Alhou sümsa chemoe.

LESHELE 68:34

Alhou küka sheqhelo, Pa küka kughushu ye Israel shou ani, eno Pa küka ye atsütsü lo ani.

LESHELE 71:3

I ghenguno sükusho tuqu shitsü lo, tipau lau I no alhokuthu ighini, Nono I xalu peniye azah tsüvae, kughengu No ye I tuqu eno I sükusho liwo ke.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

LESHELE 91:9

Kughengu nono Ampeu, Shishe Akiqheu, khuu I küghütshü-a keno Pa pesü o kungo-a shiluve ke—

IPEKULU 23:28

I no nongu züuno akhighiqo puwu nani, tipaqo no nongu züuno Hivimi, Canaanmi, eno Hittimi hapheve nani.

IPEKULU 34:11

“I no ishi azah nongu tsükeu pape lulo. Julo, I no nongu zülono Amorimi, Canaanmi, Hittimi, Perizimi, Hivimi eno Jebusimi hapheve nani.

AHOLE 10:25

Kixikilami ye pasapagha ighi kelo fupe wuve aghi nani, ikemu amikuchomi ye alholo iqhikumtope qhinani.

AHOLE 18:10

Ampeu je ye aqoghe kumto ke, amikuchomi no tipau lo poilo sükusho ithulu cheni.

ALE KIMCHI 2:6

Pa u piyiu pesü I kütsü kümkhü shi eno pa u ajeu no I vape!

ISAIAH 25:4

Kughengu No ye kumlhomi ngo küha kemi ghenguno sükusho-a, pasapagha lo akicheqho eno tsüka tsala lo akicheqho ke; kughengu ayiküsami tuthu ye pasapagha no aki fudaqhi ketoi,

ISAIAH 26:4

Alhokuthu Ampeu lau pükhülo; kughengu Ampeu Alhou ye lhokta tuquke.

ISAIAH 32:2

Pama ye pasapagha lo akicheqho, amülhü lo aküghütshü-a toi nani, agha itsümoke-a lo atuqu ijelu ketoi, qhaike-a lo aghoki zü hutoi nani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

JEREMIYA 50:21

“Merathaim ngo Pekod lo akemi le wulo. Panoqo pithi khave eno kütsaleve lo, ipi Ampeu no sheshu, I no azah tsükeu kümtsü shilo.

HOSIYA 11:3

Ikeghi Ephraim alache shika piye keu ye I noke. I no I u pesü panoqo khape, ikemu panongu ye I no panoqo shipivi kepi ithimoe.

MICAH 5:1

Itehi now ghüshimi hekütsülo, O ghüshimiw ayiliu; ningu lenike khasüpe ngovae; panongu no aqheküsü pesü Israel xaküthau gilo ghapuku ani.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

Rommi 16:20

Aloino keu Lhou no kighithe nongu pukhu philono Satan nedaqhi nani. Ni Mpeu Jisü Khristow küpükini no nongu gholo apeniu.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

ZAKINIU 7:2

eno kughou Ampeu nongu Lhou no tipaqo nongu u lo süve tsüno nongu no tipaqo leluveni keno, nongu ye kümtsü kütsave masae. Nongu ye pano sasü puloshoqhi shimoni eno kimiyekini piye moni.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

JOSHUA 24:18

Eno ni nhethe lono Ampeu no ayeghi hipa qhalo xüche kemi, Amorimi kümtsü hapheve tsü. Tighenguno ningu ye Ampeu qeni, kughengu Pa no ni Lhou ke.”

1 Peter 1:5

khunoqo ghenguno xakulupu kuto püani keno ti pepheni keu do ashekha ghuloki tomoke kutolo panoqo ye aküpülü vecheo Alhou küka no süshope anie.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

SAMUEL ATUGHIU 15:29

Itaghi Israel Juküvü ye mikimo momu amlo kilimo nani, kughengu Pa ye timi kumo kehu amlo kilimo nani.”