ZAKINIU 33:19 - Sumi Naga CL (Re-edited) Bible (BSI)

¹⁹ Panongu no panow naghuto lo ashiayeqo kusü nani; tilau no achipiu ghakishi shinani; kughengu panongu ye azüghi eno asayeqha lono küsü püakeu kinikhuki kupukuno shi süghi cheni.

BAIBEL (BSI)

¹⁹ Panonguno pano wu naghutolo inaghami kusaghi, Agha shikeu achipiu pesu tilano mllae. Panonguye azughi lono pano wu kuakini ithulu cheni, Azumuku phivilo asaye lono ithulu cheni.”

ZAKINIU 33:19 Iomraidhean Croise

BOTHUBO 49:13

“Zebulun ye azüghimkü lo küghüna nani; pa ye zükiluqo kungo-a shi nani, eno pa lughi ye Sidon lo anani.

LESHELE 107:22

Eno panoqo pelo shikimthikütsü ghakishi mlla pelo, eno alokivi le vecheo Pa kümlaqo pitsü pelo.

LESHELE 2:6

“I kimthe toghi Zion lo I no I ghenguno Akükau süsüvae.”

LESHELE 4:5

Achipiu ghakishi tsülo, eno Ampeu lau now pükhükibe qhilo.

LESHELE 4:6

Kutomo no pi, “Khuu no akivi ningu piyeni kea? O Ampeu, ningu shou O gi küvü yepüvü tsülo!”

LESHELE 51:19

tishianguno No ye achipiu ghakishi, akipti kümllagho eno kuchopu kipti kümllagho shou alokiqi shilu ani, eno amshitsü pesü O kümlla khache lo mllalu nani.

IPEKULU 15:17

O Ampeu, a-a khikhi Nono O kungo-a shipüani keno, akimthe-a khikhi O u no shiqhe keno, O Ampeu, Nono tile panoqo sailo Ow naghuto lo shosü nani.

ISAIAH 2:3

ashiaye jelino ighi no pi nani: “Ighilo, ningu Ampeuw naghuto lo iqhoni, Israel Lhou kilo wuni, tileno Pa no Pa laghiqo ni shika peni, tishianguno nino tipau lo checheni.” Kughengu Ayezah ye Zion lono ipeghi nani, eno Jerusalem lono Ampeu tsa ipeghi nani.

ISAIAH 60:16

Nongu no shiye kütamiw kinikülü lukhave nani, eno kükami chuqupu kümtsü nongu no chu nani; tileno nongu no, Ni Ampeu ye Jacob Lhou Akughushuu, nongu Xachilekuluu kepi ithi nani.

ISAIAH 60:5

Tileno nongu no ithulu no alokivi yebide nani; nongu mlo ye alokivi no thüthüshi nani eno sheqhe nani, kughengu azüghi lo akini kupukuno shi akeu nongu lau ighive nani; eno shiyeqo küakini ye nongu lau ighive nani.

MICAH 4:2

eno shiye kutomo no ighi no pi nani: “Ighilo, ningu AMPEUw naghuto lo wuni, Jacob Lhou kilo wuni nolo, tishino Pa laghiqo ni shika peni eno nino Pa laghi lo pülanie.” Kughengu Zion lono Pa yezah eno Jerusalem lono Ampeu tsa ighi nani.

ZAKINIU 32:13

Panoqo pelo qhemghai keu yeghi shou chewupe, alu lo pekighiqo chulupe, atuqu lono akhingozü chupe, eno atu yeghi lono thazü tsüe.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.