ZAKINIU 33:10 - Sumi Naga CL (Re-edited) Bible (BSI)

¹⁰ Panongu no Ow pimheye pesü Jacob shika nani eno O Yezah pesü Israelmi shika nani; panongu no axokütsüngü O zülo qhi nani eno O kümlla khache lo kuchopu kipti kümllagho qhi nani.

BAIBEL (BSI)

¹⁰ Panonguye onuliqo oYezah gholu penike shika nani: Owu akiptialo panonguno heqhi mllakeu shi nani;

ZAKINIU 33:10 Iomraidhean Croise

YEKIKITHI AKINIU 26:18

eno panongu no akükau Uzziah lachile no pa vilo pi, “Uzziah, tsüngqüi keu kipti pesü Ampeu tsüni keu ye o kümla kumoe, ti ye achinemi Aaron nuli pelo shipenike süsü püani. Akimthe-a lono ipeve lo, kughengu no ye akumou shivae eno hi shikeu lono Ampeu Alhou launo kiumu agigihupu ithumla nani.”

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

EZRA 7:10

Ezra ye Ampeu Yezah phino tipau pape eno Israel lo Pa yezah shika nike amlo tsüqhiyi shike.

NEHEMIA 8:18

Tsalakipetsü atüghüu tsala lono ashekha kutolo pa no Alhou Yezah kaku lono phisü. Panongu no apusho ghulhu atsala tsüni kutolo ikhilu eno akütacheni ye azah tsü püake toi, mishi no kumqolu.

LESHELE 51:19

tishianguno No ye achipiu ghakishi, akipti kümllagho eno kuchopu kipti kümllagho shou alokiqi shilu ani, eno amshitsü pesü O kümlla khache lo mllalu nani.

EZEKEL 43:27

Kughou panongu no atsala hipaqo kupuveni keno, atsala akütacheu nguno hulau ye achinemi no akümlla-khache lono akipti kümllagho eno külakishi kümllagho mllani, eno I no nongu ikhilu nani ipi Ampeu no asheshu.”

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

ACHINE 1:9

ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

ACHINE 10:11

eno Ampeu no Moses vecheo Israelmi tsükeu pimheye kümtsü pesü panoqo shikalo.”

ACHINE 16:12

Pa no ata kiptibo lo amibalu chhitoi süni eno tsüngqüi keu ta au kiye kini pesü nhaqhiphi thiu süghini,

ACHINE 16:13

eno tsüngqüi keu ta pesü Ampeu zülo ami lo süni, tipau michhi no Puloshoqhi bohu shou kimiyekini lakhü küzü luve nani, tishianguno pa ye thimo nani.

HAGAYI 2:11

“Aqokitikhi Mpeu no ishi piani: Achinemi vilo Ayezah ghili inijulo:

HAGAYI 2:12

‘Tsala milakhi no pa phimini lo akümlla shi leqhi süpe cheghi no tipau pesü asho, akulho, aji, thazü, momu achuqupu kiu kiumu dilu aye ti ye akimthe shive cheni keshea?’” Achinemi no khochile pi, “Moe.”

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

AKIKIHI 16:46

Eno Moses no Aaron vilo pi, “O mikhu ikhilu püzü akümlla-khache lono ami küqüpe süluve lo eno axokütsüngü tipau shou bepüzü mtazü tipau pesü timiqo lau wulo eno panoqo ghenguno aghakishi kümlla tsüve lo kughengu Ampeu loghu ipeghive no püsa huthuvae.”

AKIKIHI 7:50

ameshoyi khu gram 110 lo akiptita chhitoi;

ZAKINIU 24:8

“Apügha küsü vehulo Levi chinemi no nongu vilo pikeu kiqi lono shinike pükapütsa lo. I no panoqo lau azah tsüke toi nongu ye ti shini.

ZAKINIU 27:14

Levimi no Israelmi kümtsü lau ighamku atsa hipaqo pini:

ZAKINIU 33:11

O Ampeu, pa lagha kümgha tsülo, eno pa kümlaqo ikhilu tsülo, pa ghümi abongshuuqo heqhive tsülo, pa mithi kemi idethughipe kevilo.

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

SAMUEL ATUGHIU 2:28

Israelmi shiaye kümtsü dolono I no pa kishe no I chinemi shipe, I kümlla khache lo ighipe, axokütsüngü piti mllape, I zülo achinemi phimini pepupe; eno Israelmi no akipti kümllagho süghi keqo kümtsü I no no kibolomi tsüe.