ZAKINIU 32:7 - Sumi Naga CL (Re-edited) Bible (BSI)

⁷ Khaghi ghili kümsü lulo; khaghi lomi ghili kümsü julo; o pu vilo iniju lo, pa no piye nani, layemi vilo inijulo, pano no pi nani,

BAIBEL (BSI)

⁷ “Wovekeu, khaghi ghuloki kumsujulo; kiu shive keno nongu vilo pitsu lopi apunoqo vilo inijulo, kitemi vilo kha-ghi ghili pitsu penike inijulo.

ZAKINIU 32:7 Iomraidhean Croise

LESHELE 10:6

Pa mlo lono picheni, “Ni ye ithamo nani; tiqheli kupuju lo ni ye aveküsa do sholumo nani.”

LESHELE 119:52

Kughou I no khaghi lo Ow pimheyeqo kümsüju keno, O Ampeu, ni ye aloinolu cheni.

LESHELE 44:1

O Alhou, ni puasüqo no pikeu ni kini lono chiluvae, wovekeu ghuloki lo Nono kiu kümlaqo mla keno chiluvae.

LESHELE 44:2

No ampi no shiyeqo hapheve, eno ni puasüqo shosüve; Nono ashiayeqo ghimeqhi, ikemu ni puasüqo khaqhi pheve;

LESHELE 77:8

Paw iqemokeu kikimiye ye alholo kishekhave akeshea? Paw pikiqhitsa ye alhokuthu ghenguno tave akeshea?

LESHELE 78:5

Pa no Jacob lau ashepe lakhi tsü eno Israel lo Ayezah süsü tsüe, Pa no ni puasü vilo pano tianuli shika penike azah tsüe,

IPEKULU 12:26

Eno kughou no tianuliqo no nongu vilo, ‘Hipau chine kiqi ye kiu kea?’ ipi inijuni keno,

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

ISAIAH 63:11

Ikemu Pa no wovekeu tsalaqo kümsüchilelue, ti ye Moses eno pa gholo kichemiqo. Khuu no ambe khemi gholono lhoxü lojiqo sasü azüghi mta lono ipeghi keno, Pa khilehi ani kea? Panoqo mta dolo Pa Ghungu Kimthe sütsü keu ye khile ani kea?

ZAKINIU 4:32

“Wove keu tsala lo nongu punu mphilo tsalaqo lhejulo, Alhou no ayeghi lo timi lhoke tsala lono ishi kutolo lhekide julo, eno kungugha halau no halau kutolo lhejulo, khilemu hitoi ke kümla kije shipüani kemo kea, momu chilu püani kema?

ZAKINIU 8:2

Nongu pelo kuchunilu peniye, nongu mlo lo kiu ani eno nongu ye Pa zakütsüqo pelu nani kemo keno peju nike hi ampe lhobidi Ampeu nongu Lhou no nongu sasü asayeqha lo ighikeu kümsülu lo.

XAKUTHAMI 6:13

Gideon no pa vilo pi, “I mpeu, I pelo inijulu pelo, Ampeu no ni gholo aniaye kushiye hi kümtsü ni pelo sholu anipe kea? Eno ni puasü no Paw akümzapu kümla ghili, ‘Ampeu no Egypt lono ni saipeghi ke kumo keshea?’ ipiche keqo khile ani kea? Ikemu itehi ye Ampeu no ni phevae eno ni pesü Midianmi u lo süve tsüae.”