ZAKINIU 32:39 - Sumi Naga CL (Re-edited) Bible (BSI)

³⁹ “‘Itehimu Ni ye Pa huke julo, I nguno alau kütau lhou kühae; I no pithive eno püxüve cheni; I no ghüzave no shipivi cheni; khunomu I u lono xaphe mlae.

BAIBEL (BSI)

³⁹ “Ni eno ilikhino Alhou; kutau lhouye kuchou kumoe. Ino pithive cheni eno ino puxu luve cheni, ino ghuzano shipivi cheni, ino kiu shini keno milakhinomu mujochile mlae.

ZAKINIU 32:39 Iomraidhean Croise

KUKAMI AKINIU 20:5

“Ideilo lo eno Iw timiqo sakipheu Hezekiah vilo pilo, Ampeu O sü David Lhou no ishi piani: I no o kighini chiluvae; I no o nhezü kipiji ithuluvae. Julo, I no o shipivi tsüni. Atsala aküthüu lo no ye Ampeu kilo wu nani,

KUKAMI AKINIU 5:7

Israel kükau no yesü philu kelo pa phi süxüve no pi, “Ni ye Alhou keo, pithive eno püxülu nani kesheno kushiye timi hipau ye apüghau shipivi tsülopi I lau atsa pi puwu ani kea? Hi kümsüju lo, pa ye I sasü kumgho niye amqü shi ani.”

NEHEMIA 9:6

“O likhi no Ampeu ke; Nono kungugha eno atsütsü, aqhi ayepu, ayeghi eno tile thokha thime, azüghi eno alou thokha thime, kümtsü lhoke; Nono ti kümtsü püxüpe qhike; eno kungugha lo aküka jeli no O mllae.

JOB 10:13

Ikeghi Nono thime hipaqo pesü O mlo lo küsüve kehu hi no O kimji shi akenapi I no ithivae.

JOB 10:7

Kughengu I no akipimi kühakeu, eno khunomu O u lono xaphemla nikeu Nono ithi ani.

JOB 5:18

Kughengu Pa no ghüzave namu itaghi khavetsü cheni, Pa u pesü heqhi cheni, ikemu Pa u no shipivitsü cheni.

LESHELE 102:27

Ikemu No ye atho eno O mpe ye kishekha kühae.

LESHELE 102:28

O qemi tianuli ye sükusho kivi shi xülu nani; pano tikughuko ye O zülo süshokulu anani.

LESHELE 18:31

Ikemu Ampeu no kumo aye khuu no Alhou kea? Ni Lhou likhi no kumo aye, khuu no atuqu kea?—

LESHELE 50:22

“Tishiaye no Alhou kümsümave keu, hi amichi shilo, tikumo aye xaluni kemi kühano I no o sütha pinyive nani;

LESHELE 51:8

I pelo alokivi ngo alokiqi chilu pelo; Nono aghi kubove tsükeqo pelo alovilu pelo.

LESHELE 68:20

Ni Lhou ye xakulu Lhou ke, akithi lono xalu chekeu ye Ampeu, Alhou lau ani.

LESHELE 86:10

Kughengu No ye kije eno akümzapu kümla shicheni; O likhi no Alhou ke.

IPEKULU 15:26

ghi pi, “Tsala nongu no amlo tsüqhiyi Ampeu nongu Lhou tsa ini eno Pa nhethe lo kiu no achipi keno tipau shi aye, eno Pa yezah lo nongu mlo tsü eno tipaqo kümtsü pelu aye, I no Egyptmi lau aküsü puwu keqo kiumu nongu lau süghimo nani, kughengu Ni ye Ampeu, nongu shikipiviu ke.”

IPEKULU 4:7

Tileno Alhou no pi, “Ow hebephi alou o u chuxusü kithelo.” Kughou pa no ti ikhiphe keno, julo, ti ye pa phiashi kütau toi athoputho luve.

YETSAPIU 3:3

pithi kepu do, eno shipivi kepu do; hephove kepu do, eno shiqhe kepu do;

ISAIAH 19:22

Ampeu no Egypt ghime nani kemu panoqo shipivi nani, panongu no Pa lau ideighi no kimiyeqhiyi penike qhüiniju kelo Pa no chilu tsüno panongu shipivi nani.

ISAIAH 30:26

Itaghi, kughou Ampeu no Paw timi ghime kelono azaku pipekeu khavetsü eno shipivini keno, tipa tsala lono aqhi küvü no khetsünhe küvü toive eno khetsünhe küvü huno ghulo tsüni küvü peküqha keshi ghuthu tsüni piqi alaushi vüqaive nani.

ISAIAH 41:4

Khuu no alagha lakhi abothu lono kulu kea eno khuu no hikithipu shi püani kea? Ni, Ampeu ye abothu lono anike, eno ashekhami gholo ghi ni ye Ampeu ke.

ISAIAH 43:10

“Nongu ye Iw thopimi,” ipi Ampeu no sheshu ani, “eno I qemi I no kisheluve keqo, tishikeu lono nongu no Ni ithi eno I pülülu, eno Ni ye Ampeu kepi ithi peniye ke. I nguno kütau lhou kiumu kühae; momu I thiu mu küha nani.

ISAIAH 43:12

Nongu gholo kütau lhou lakhimu küha aphi lono, I no shuphe, xalu eno pikülha, nongu no Iw thopimi ke,” ipi Ampeu no sheshu ani, eno “Ni ye Alhou ke.

ISAIAH 43:13

Hinguno hilau ye, I no Pa ke; khunomu I u lono xaphemlae; I no mlave keu khuu no tuchile kulupu kea?”

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.

ISAIAH 45:22

“Ayeghiqha kümtsü no I lau tsüghü ighi no xakulupu shilo! Kughengu Ni ye Alhou, eno kütami khumu kühae.

ISAIAH 45:5

Ni ye Ampeu; alhou kütau khumu kühae, I nguno kütau lhou kühae; nono Ni ithimo kemu, I no o shikumto cheni,

ISAIAH 46:4

nongu no kitemi shiveke kutolo, I no nongu Lhou; eno nongu no asa mpaveke kutolo, I no tucho nani. I nongu lhoke eno tucho nani; I no nongu xapu eno xalu nani.”

ISAIAH 48:12

O Jacob, eno Israel khuu I no kulu keno, I tsa inilo, Ni ye Alhou ke; Ni ye atüghüu eno ashekhau ke.

EZEKEL 37:12

Tighenguno tungkuptsa panoqo vilo pilo, Ampeu Alhou no ishi piani: Julo, O Iw timiqo, I no nongu kumoki lhapheni eno nongu saipeghini. I no Israel yeghi lo nongu sailoni.

EZEKEL 37:3

Eno Pa no I vilo pi, “Timi nu, asaghi hipaqo ye xülu nani kema?” I no khochile, “O Ampeu Alhou, Nono ithi ani.”

HOSIYA 5:14

Kughengu I no Ephraim lau abongshuu toi nani, eno Judah lagha lau abongshuu lhothe toi nani. Niu no aleqhi shi o sütha pinyive no wuve nani; I no xapu wuve nani eno khunomu xaphe mlave nani.

HOSIYA 6:1

“Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

MICAH 5:8

Eno Jacobw ghükulumi ye shiye eno ashiaye kutomo gholo anani, abongshuu lakhino aghasa lo tüghashiqo gholo aketoi, abongshuu lhothe no ambeloji gholo aketoi, kughou pa sholuni keno xapheni kemi kühano nedaqhi eno sütha pinyive cheni.

John 8:24

I no nongu vilo pike nongu ye no xine lono thive nani, kughengu nongu no ni ye Pa kepi pülümo kelo nongu ye no xine lono thive nani.”

ZAKINIU 32:12

inami lhou sümono Ampeu likhi no Paw timi sapheke.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

IBRIMI 1:12

chijeboike phi toi Nono tipaqo liküzüve nani, tipaqo ye aphimini toi kilive nani. Ikemu No ye pülhapuju athoke, eno O mpe ye kishekhave monani.”

Piyeküsü 1:11

“Nono kiu ithulu keno kaku lo yesülo eno akukuhou tsüni, Ephesus, Smyrna, Pergamum, Thyatira, Sardis, Philadelphia, eno Laodicea lau tsüpuwu lo.”

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

SAMUEL ATUGHIU 2:6

Ampeu no pithive eno püxü tsü cheni; Pa no Kithigha lo saiqive no saputhu cheni.