ZAKINIU 32:22 - Sumi Naga CL (Re-edited) Bible (BSI)

²² Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

BAIBEL (BSI)

²² Iloghu kighideye ami toi iqu ipeghino ayeghi shou thwokha jeli kumtsu piti nani. Tipauno ayeghi qhou kutolo to nani eno naghutoqo pukhu kuxa pitile nani.

ZAKINIU 32:22 Iomraidhean Croise

LESHELE 144:5

O Ampeu, atsütsü kiyeve no aqhou iqighi lo! Naghutoqo buju lo tishiaye tipaqo ye amchhi phoipeghi nani.

LESHELE 21:9

Kughou Nono ipeghi keno panoqo pesü amiphoki miküqü toi shitsü nani. Ampeu no Pa loghu lono panoqo pühave eno ami no panoqo pitive.

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,

LESHELE 83:14

Ami no aghasa pitimaha keshi, ami mili no naghuto piti keshi,

LESHELE 86:13

Kughengu I lau Ow iqemokeu kikimiye akeu ye kije ke; Nono Kithigha kutho lono I ngulho xaphe tsüke.

LESHELE 97:3

Ami no Pa züu shino Pa sümxape akeqo aghümi kümtsü pitiqhi cheni.

ISAIAH 24:6

Ikehu ayeghi ye ghushovae eno tile akeqo ye pano kipimi lono ime ani; panongu ye akülü no ghaqhi püzü timi aghulo likhivae.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ISAIAH 54:10

Naghutoqo no ikauve namu eno atoghiqo no ipa ikiqive namu, Iw iqemokeu kikimiye ye o launo wuvemo nani, eno Iw külakishi puloshoqhi ye ikhivemo nani,” ipi Ampeu o shou kimiyekini achekeu no piani.

JEREMIYA 15:14

Nongu no mtha keu yeghi lo I no nongu pesü no ghümi qemi shiuvepe nani, kughengu I mlokighide ye ami toi iqü ani, ti ye alholo piti ache nani.”

JEREMIYA 17:4

Nongu ye I no tsükeu mheghi au lono lekhove nani, eno I no nongu no mthakeu yeghi lo nongu ghümi qemi shiuvepe nani, kughengu I mlo kighide lono alholo iqüni keu mi küqüvae.”

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

AKUMLO 2:2

Ampeu no küpükini kühano Jacob kungoa kümtsü kütsavae; Pa no Judah sükusho-aqo Pa loghu lono kubove tsüae; kükaqha eno tile yepemi Pa no akukujopu shi ayeghi lo sünhe saiqighivae.

AKUMLO 2:3

Israel kumto kümtsü Pa no ayiküsa shi kishekhave tsüae; aghümi zülono Pa no panoqo launo Pa u ajeu süchile luvae; Pa ye Jacob lau ami mili toi iqü, hokümxa lo akeqo kümtsü pitileve tsüe.

AKUMLO 2:4

Aghümi lakhi toi Pa no Paw shexilika piqe luvae, Pa u ajeu no piqepe ngovae; ni nhethe lo azüküvü ache keqo kümtsü Pa no Zion nga phiki lono pithivae; Pa no ami toi Pa loghu pephevae.

AKUMLO 4:11

Ampeu no Pa loghu kümtsü pükhüle; Pa mlokighide külü lephe, eno Zion lo ami küiqü no tipau boqhaqo pitileve tsü.

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

EZEKEL 22:21

I no nongu xukütsü nani eno I loghu miküqü nongu shou puku nani, nongu ye tipau lono pitive nani.

EZEKEL 36:5

tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

EZEKEL 38:19

Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.

ACHINE 26:20

Nongu no akaveshi mlakeu ye adou shive nani, kughengu no yeghi lo tüxatini ipeghi move, eno asüboqo no axathi pithi move nani.

AMUS 5:6

Ampeu phu no aküxüpu shilo, tikumo aye Pa no ami toi Joseph lagha piti ighive, eno khumu Bethel ghapinhe mlano qhoi pitive nosae,

AMUS 7:4

Ampeu Alhou no kiu I piye keno hike: julo, Ampeu Alhou no ami pesü küghakütha shiniye kusü ae, eno ami no akuthoku kije eno ayeghiqha pitile ae.

MICAH 1:4

Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

HABAKUK 3:10

Naghutoqo no No ithulu no thüthüshi; azü no fuchighi qowu; azükutho no mqhomzai ipeghi no azü fukuchope qhemghai süqhe.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

ZEFANIA 3:8

“Tighenguno I no ithughi no thopi tsüni keu tsala khelo” ipi Ampeu no sheshu. Kughengu Iw xakütha ye shiye eno kükaqhaqo hekütsüni keu, panongu shou I xukighide pitipüza keu lepukuni keu ke; kughengu I loghu miküqü no ayeghi kümtsü pitileve nani.

AKIKIHI 16:33

Tishino panongu ye aküxü no kithimi yeghi lo iqive eno ayeghi no panongu shou nhaluve eno panongu ye aqo-aho zülono hauve.

AKIKIHI 16:35

Tithiu Ampeu launo ami ipeghi püzü timi pano 250 axokütsüngü piti akeqo piti khave.

MATTHEW 10:28

Khunoqo no aphimpi pithivetsü cheni mu angulho ye pithilu chemo keno, nongu ye panoqo msa kevilo. Tishini kepu ye Alhou khuu no alhomi lono aphimpi ngo angulho kütsalu nani keno, Pa msalo.

MATTHEW 18:9

O nhethi no o pelo axine shipe aghi aye lejope pevelo. O ghenguno anhethi kini xapusü amiyizü lo vesüve pekepu ye anhethi lakhi likhi pusü aküxüpu lo ilove keu pavie.

MATTHEW 23:33

Nongu apighiqo, eno apighitiqo, Ami lo iloni keu ghime lono nongu ye kishi poluni kea?

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

2 Thes. 1:8

Pa no amiküqü pesü Alhou mtha kemi eno ni Mpeu Jisü tsakiviu gholumo kemi shou amkhülu nani.

IBRIMI 12:29

kughengu ni Lhou ye pitimaha keu mike.