ZAKINIU 31:14 - Sumi Naga CL (Re-edited) Bible (BSI)

¹⁴ Ampeu no Moses vilo pi, “O kithi tsala ye kupunuvae. I no Joshua süküsü shiveni ke pa kusasü nokujo kuposhukulu phiki lo ighilo.” Moses ngo Joshua pama no kuposhukulu phiki lo ilove.

BAIBEL (BSI)

¹⁴ Tileno AMPEU no Muse vilo pi, “Noye ado kushuwa xumoake. Joshua kulo eno Aphikilo pa sasu ighilo, tishianguno ino akukutsu tsa pa tsunike.” Muse ngo Joshua pama aphikilo wuke

ZAKINIU 31:14 Iomraidhean Croise

BOTHUBO 47:29

Kughou Israel thiveni keu do kupunuve keno, pa no pa nu Joseph kuno pi, “Tsala o zülo I kimiyelu kepu shi püaghi aye, I lukobo qholo o u beno kikimiye eno kuchou lono I lau mlani pi tushoqhi lo. Egypt lo I kumo shiqho kevilo,

KUKAMI ATUGHIU 2:1

Kughou David kithi tsala kupunuve keno, pa no pa nu Solomon kuno pi,

KUKAMI AKINIU 1:4

Tighenguno itehi Akükau vilo Ampeu no ishi piani, no ye izave keu zübo lono ideithughi moae eno mtsüqheino thive niae.’” Ikehu Elijah no wuve.

KUKAMI AKINIU 20:1

Tipa ghuloki lo Hezekiah ye süuve eno thiveni keshive. Tileno Amoz nu tungkupu Isaiah no pa lau ighi no pi, “Ampeu no ishi piani, ‘Kutokughoi luvelo, kughengu no ye thive niae; no ye vilumo nani.’”

JOB 1:6

Kughou kungugha lo küami no AMPEU zülo hekütsü kepu tsala ighi keno Satan ghi panongu gholo ighi.

JOB 2:1

Itaghi kughou kungugha lo küami no AMPEU zülo hekütsü kepu tsala ighi keno Satan ghi panongu gholono AMPEU zülo ngoni ke ighi.

IPEKULU 33:11

Milakhi no pa küsau pütsa ketoi Ampeu no agi no agi kinheqhe ghi Moses pütsa che. Kughou Moses no aphiki lo iloni keno, pa kukuphuu apumi lakhi, Nun nu Joshua, no itha mono aphiki lo ngo che.

IPEKULU 33:9

Kughou Moses no aphiki lo iloveni keno, khüngküsü tsükucho no aphiki kulaghi lo iqi ngove che, eno Ampeu no Moses pütsa che.

IPEKULU 34:2

Thanau ti kutope Sinai Naghuto lo ikughilo, eno naghuto kütsüqa lono I sholu kepu shilo.

YETSAPIU 9:5

Kughengu küxümi no pano ye thive nanie pi ithi ani, ikemu kithimi ye kiumu mthae. Pano ye asaxü küha eno pano ghili ye kümsümave cheni.

ISAIAH 38:1

Tipa ghuloki lo Hezekiah ye süuve no akithi kumlho shive. Amoz nu Isaiah tungkupu no pa lau ighi no pi, “Ampeu no ishi piani, no ye thive niae eno athoputho lumo akehu kutokughoi luvelo.”

AKIKIHI 27:12

Ampeu no Moses vilo pi, “Abarim naghuto lo iqho no Israelmi lau I no tsü akeu yeghi juluve lo.

AKIKIHI 27:13

Nono ti ithuluve kethiuno no ghi o mu Aaron toi thive nani,

AKIKIHI 27:18

Ikehu Ampeu no Moses vilo pi, “Nun nu Joshua khuu lolo aghungu ani keno, pa sasü ighi no pa shou o u betsülo.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

ZAKINIU 31:13

Pano tianuli khunono Ayezah hipau mtha keno, tipaqo ghi chilu pelo, eno nongu no Jordan katha iku ngoniye akeu yeghi lo xüake tivilo, panongu ghi Ampeu nongu Lhou sümsa nani.”

ZAKINIU 31:2

“Ni ye ishi no ampe 120 shivae, eno ipeilo luni keu küka kühavae. Tinguno alau, Ampeu no I vilo pivae, ‘No ye Jordan katha ikumo nani.’

ZAKINIU 31:23

Eno Ampeu no Nun nu Joshua süküsü shino pa vilo pi, “Akumto shilo eno amlo mtolo, kughengu nono Israelmi sasü I no tushoqhi keu yeghi lo ilo nani, eno I no o gholo anani.”

ZAKINIU 32:50

Eno tipau naghuto lono o mu Aaron no Hor Toghi lono thive no paw timi lau wuve ketoi, no ghi thive no ow timi lau wuvelo,

ZAKINIU 34:5

Ikehu Ampeu no pikeu kiqi lono Ampeu qeu Moses ye tilau Moab ghakhu lono thive.

ZAKINIU 4:22

Ni ye hipa ghakhu lono thiniae; ni ye Jordan katha ikumo nani. Ikemu nongu ye katha iku aghüma yeghi pükhalu nani.

JOSHUA 23:14

“Itehi ni ye ayeghi lo kümtsü no wuve chekeu laghi lo wunike kutovae, eno nongu kümtsü, nongu mlo eno angulho no ithi anike Ampeu nongu Lhou no nongu ghenguno akivi tsa piqhi keu lakhimu tomove moe. Thokha shikupuvae; lakhimu tomove moe.

JOSHUA 24:1

Joshua no Israel shiaye eno sakiphemi, kichimi ngo ali lo akütsü, atsa küküghami eno hiyampemi kümtsü Shechem lo kukütsü. Panongu no Alhou zülo ighi.

Jude 1:24

Itehi ye khuu no nongu pelo küpxa pemo eno tukutiye küha no Pa juküvü zülo shishe alokivishi nongu ikhiphepe tsülu nani keno,

SAMUEL ATUGHIU 10:19

Ikemu ishi nongu no nongu Lhou, khuu no amhekiqi eno aghime kitikhi kümtsü lono nongu xalu keno, Pa milivae, eno nongu no Pa vilo pi, ‘Kükami lakhi ningu shou qhitsülo.’ Tighenguno itehi nongu shiaye eno qhethonhe mqo kiqi lono Ampeu zülo ighilo.”

SAMUEL ATUGHIU 26:10

Ampeu xü anike Ampeu no Saul pithive nani, momu pa kithi tsala ighi nani, momu pa ye aghüshiqa lo ilo no thive nani.