ZAKINIU 31:12 - Sumi Naga CL (Re-edited) Bible (BSI)

¹² Kiptimi, totimi, atianuli, eno no aphughi lo kachenami kümtsü kukumqo no ti chilupe, eno Ampeu nongu Lhou sümsani keu ithi no Ayezah hipau pape pelo.

BAIBEL (BSI)

¹² Kiptimi, totimi, atianuli eno nowu taunlo inami xuakemi kumtsu ku kumqolo tishianguno kumtsu ghano tipau chilu eno AMPEU nongu Lhou gihuni keu ithipeni eno amikucho shi pa kukutsu papelu penike.

ZAKINIU 31:12 Iomraidhean Croise

EZRA 10:1

Kughou Ezra no Alhou kilo qhoqhünhepe inikhu qa eno akipimi piphe keno, Israel lo kiptimi, totimi eno itimiqo kutomo no pa gholo kumqo luve, kughengu timiqo no kukhukimji shi qa ake.

ACHINE 9:5

Moses no kuposhukulu phiki zülono azah tsüke toi aqoaho kümtsü no tipaqo pesü Ampeu kupunu ighi.

HAGAYI 1:12

Tileno Shealtiel nu Zerubbabel ngo Jehozadak nu achinetou Joshua eno ghükulumi kümtsü no Ampeu panongu Lhou no puwu ketoi tungkupu Haggai tsa eno Ampeu panongu Lhou sütsa gholu. Eno timiqo no Ampeu sümsa.

John 5:39

Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

ZAKINIU 29:29

“Tuqhou thimeqo ye Ampeu ni Lhouw ke, ikemu thime pephe piyeve keqo no alhokupuju ningu eno ni tianuliqo salae, tishianguno ningu pelo Ayezah hipau lo akeu thokha shipeniye ke.

ZAKINIU 29:9

Tighenguno puloshoqhi hipau lo akeu tsa kümtsü papelo, eno nongu kümla thokha lo tolu nani.

ZAKINIU 31:13

Pano tianuli khunono Ayezah hipau mtha keno, tipaqo ghi chilu pelo, eno nongu no Jordan katha iku ngoniye akeu yeghi lo xüake tivilo, panongu ghi Ampeu nongu Lhou sümsa nani.”

ZAKINIU 4:10

Horeb lo nongu no Ampeu nongu Lhou zülo puthugho akelo kishi Ampeu no I vilo pi keno kümsülu lo, ‘Timiqo pelo pano küxü tivilo I sümsani keu shikalu penike I lau kukumqo lo, tishino panongu no pano tianuli ghi shika peni.’

JOSHUA 8:33

Israelmi kachenami eno aghakütsami kümtsü, sakiphemi, hiyampemi ngo xaküthami panongu kümtsü puthughope, Levi chinemi Ampeuw Puloshoqhi bohu peche keqo zülo hula hila ngoe. Timi tüxa no Gerizim naghuto zülo eno tüxa no Ebal naghuto zülo ngo; ti ye Ampeu qeu Moses no abothu lono Israelmi kümgha tsüniye azah tsükeu kiqi lonoke.

JOSHUA 8:35

Ahoho lo Israelmi akemi, totimi eno itimi ngo kachenami kümtsü lau Moses no azah tsükeu lakhimu qhimono Joshua no kümtsü phisüe.