ZAKINIU 30:9 - Sumi Naga CL (Re-edited) Bible (BSI)

⁹ Nongu no mlakeu thokha lo Ampeu nongu Lhou no kinikülü kupukuno shi nongu tsü nani; ti ye nongu tianuli kughuko, pichepighi lhoxü, eno tüxatini lo kümgha tsü nani. Pa no amlokiqi lono nongu puasüqo kinikülü kupukuno shitsü ketoi, itaghi amlokiqi shi nongu lau kinikülü kupukuno shitsü nani.

BAIBEL (BSI)

⁹ Nonguno mlakeu thwokha kumtsulo AMPEU no kinikulu shilupe nani; nonguye atianuli kutomo shilu nani, atsu-aqu kutomo anani eno nongu lu lono tuxatini kumzapu ipeghino pithi nani. Pano nongu puasuqo kinikulu shitsu nishi ketoi nongu pesu kinikulu shitsuni keuno pa lokivi shive nani.

ZAKINIU 30:9 Iomraidhean Croise

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

ISAIAH 65:19

Ni ghi Jerusalem shou alovini eno Iw timiqo shou alokivi shini; khunomu tilehi aküqa momu aghime ghügha chimla nani.

JEREMIYA 31:27

“Julo, Ampeu no sheshu, I no Israel ngo Judah kibo lo timi xüthi eno tüghashi xüthi pesü xusüni keu tsala cheni.

JEREMIYA 31:28

Hitoi shinani, I no panongu nhüve, peve, xaleqhive, kütsaleve, eno aghüzapu süghi keu shou khekuto ketoi, I no panongu khekuto no shiqhe eno shosü tsünani ipi Ampeu no sheshu.

JEREMIYA 32:41

I no pano ghenguno akivi shitsü keu lo alovi nani, I mlo eno I ngulho kuchopu süno panongu pesü ayeghi hipau lo pükhükulu shi shosü nani.

JEREMIYA 33:9

Mishighüna hipau no ayeghi lo shiye khunono I no akivi mlakeu sütsa chilu cheni keno, kümtsü zülo alokivi, ajekipi, shekiqhe eno agigihu pesü I tsü nani. Tipaqo no msa khokhoshi nani, kughengu I no akivi eno küakini pesü aphughi kümghatsü nani kehue.

ACHINE 26:4

I no ado achipi lono tsütsüghu nongu tsü nani, ayeghi lo tüxatini ikowolu nani, eno asüboqo no axathi pithi nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

Luke 15:32

O thiküzüu hipau ye thive kemu xüluvae; pa ye pühave no phuluvae, tighenguno aghulhu shi alovi akeu ye achipie.’”

John 15:11

I no nongu vilo hipaqo piakeu ye I lokivi nongu lolo apeniye, eno nongu lokivi chhitoilu peniye ke.

ZAKINIU 28:4

Nongu polo ikighi tianuli, alu lo tüxatini, atsüaqu eno pichepighi lhoxü kümtsü kughuko luno kükümgha ithulu nani.

ZAKINIU 28:63

Ampeu no amlo kiqishi nongu lau akivi mla eno ikowolu peke toi itaghi Pa no amlo kiqishi nongu kütsave nani. Nongu no ngoniye akeu yeghi lono nongu nhüjove nani.

ZAKINIU 30:8

Nongu no itaghi Pa gholu kithe eno ishi tsala lo I no azah tsü akeu kümtsü pelu nani.

ZAKINIU 7:14

Ashiaye kümtsü nguno alau nongu kümghatsü nani. Nongu gholo kiptimi totimi khumu anuhami shimo nani momu nongu tsüaqu namu lakhimu iqovemo nani.